Ahi Noi Devet.
1.
Gareana lawe na tangaloi nge hilogo hi dige tea lo tovotovo nora tangaloi esi, me he labe tea lo nora turegi rau esi, siu he toga tea lo herera tangaloi vaivei lolohaga Huqe. 
Nge mo havusie gena leo noi Huqe me mo ladolado lolo nona tamwata vataha na rani me lolo bongi. 
Nge mwere na gai ram rivuana lo mwararai matamata nge hilogo lo tarona mo mwasigi a raune rain soi tea, me nge mo maraga lo gineu doluegi nge mo vaire. 
Hate mwere na tangaloi esi mwere na bembei tovu ngere hilogo a langi mo heregi vohoginire. 
Siu i Huqe vin veveginire tangaloi esi rain vurogi me vin vile wahera tangaloi galegale asi dena bubugiana nora tangaloi vovohoi. 
Huri Huqe u ilo na turegire tangaloi vovohoi, nge a tangaloi esi mo huri na turegi mateana.