Ahi.
100.
A ahi na veve garea. Galohagi na Huqe, mena hahavusiana, dali na ure. 
Galohagi na Huqe, mena hahavusiana; nein vumai lo nagona mena ahi hahavusiana. 
Nei ilo huri ve i Huqe, nge i Huqe Mauri; nge u vei ginde me ginde a nona, ginde nona tangaloi me a nona buri sibsib nge vin leohuri ginde lo tanona. 
Ahu turu na nona matai ara mena veve garea, me nen ware roroagi nie lolo sarana. Nen garea hurie me nen vaga roroagi na henana. 
Huri a Huqe, nge u garea lawuagi me a nona vaigarea vin eno randu, a nona garohuri vin eno duruhi na babagi doluegi vin tuei.