18
Sol, Deivid inuwapughuveni
5 Sol awaki sawaridi beradi kiiravine na Deivid iyiipora na rubana iyaberabera, noko biidi na itore da naboni yana wiiyogha tomotomoyidi kadi bada. Mmko berana kiiravine na wawaya tupadi da wiiyogha tomotomogha kadi babada yawata sivinuwamiise.
6 Deivid, Golaiyet ikasunuyi murine, bi raghanina tomotomogha siyaveravera magha bareye na wasiwasike Isrel kwanatudima sikanibu da Sol siyikiikiiveni, na tambarin da kabepepa inavina tana kana waghawagha lute siyiirekwedi bi nuwamiise ayidi siyatawotawora da siyarikuriku. 7 Wasina bi yadi nuwamiise kamone na wasiwasikedi mma naboni siyatawotawora,
“Sol aviya damdi yadi 1,000 iunugha!
Bi Deivid na 10,000 iunugha!”
8 Sol mmkodi sisiyidi kiiravine geiyinuwamiise, na nuwanuwana ipughu kirakii da iwona bo, “Toudi Deivid satoretoregeeyeni sawonawona da touna aviya damdi yadi 10,000 ivikasunughana, bi tagu na 1,000 kawagha avikasunughana. Bi muriye na sinabera da yadi kiiwawo!” 9 Wasina bi noko raghanine da nabo inagho, na Sol, Deivid iyanuwanuwakapiyeni.
Mmko raghanina murine na Sol, Deivid iviaviyeni bi ivimatipo da iyakasunuyi. Bi Sol natuna Jonatan, Deivid ivimaghamaghatareni da tamananaki yana wiina da inakasunuyi, na Deivid iverainagho kubura bogaebogae da Sol gwabinama iyakowogha.