Maika
Wonawiiakowa
Wara mmko bukana kamone na toudi God yana keda rotomanidi kiiravidiye bi kate yana kayowana da yana wawaya bada naboni sinamakae. God, Maika ivineyi da yana peroveta bi yana sisiya ivereni da Jiuda damdi bi kate Isrel damdi iyiwaraveredi. Touna yadi yabigogona, kabigeegeeyana, wiiyaba bi gewiisuwone wawaya moyamoyakidi siiyabedi na kiiravine sisiyama iviaviyedi. Bi iwonedi da yadi bera beroberodima sinamiiri wamira bi God yana keda sinakivini.
Maika bada iwonakasiyaragha da Keriso inapiika bi kate meko kuburine inatubugha.
5
God ivisuwona da Bada, Betlihemma inapiika
1 Tami Jerusalem dammi, yami wiiyogha tomotomogha kokwatu wiitaghomidi.
Kada aviya sigawgwara wiikenavivireda sikoyakoyagha da sinagogona.
Toudi kiima Isrel kana wiibadana nawanawana sinarouvi.
2 Yawe God iwona bo, “Betlihem Iparata,* Meboda noko Betlihem kana waghawagha tana bo kubura ghamana tana bi kamone na Betlihem kwanatuna (Ruti 4:11 kokita).
tam Jiuda kamone na kwanatu gisigisi kawagha,
bi gegha da tam gwabimma na wawaya tana inapiika da kiiraviguve Isrel inibadeni,
iiyabo na yana kayena inaveramagha inanagho raghani katamanidiye.”
3 Noko kiiravine Yawe God, Isrel inakabidi da kadi aviya imadebadiye inatoredi,
bi patana inanaghonagho da raghanina wasike yiburaburawa bi inituwa na gabudarine.
Wasina bi wiibadana yana wawaya sivibaretaya na sinaveramagha magha
da Isrel turaturadi yawata sinikapu mayedi.
4 Bi raghanina Badana inapiikana, Yawe God yana maragatama yana wawaya inabodadi ware sip bodaboda yana sip yakoyakoyayidina naboni,
yana God, Yawe wiibadana ivereni na touna inabera.
Yana wawaya kadi aviya gwabidima sinamake nuwabeya,
basuna wawaya tupadi kubura debane na sinakabikarawayena kirakiiyeni.
*5:2: Meboda noko Betlihem kana waghawagha tana bo kubura ghamana tana bi kamone na Betlihem kwanatuna (Ruti 4:11 kokita).