1  Bada Moses kurina i wona, 2 “Sebasebare iyarokosi ereonowasi kairaviku ko bosireisi. Ba pipiya kona aba payapaya Israel kamonai tebi nao te tuputupuwa, wai yauku kairaviku.”* Luke 2:23

11 “Muri yai Bada ina urabaimi kona riu ku Canaan kupurina ba ina berimi, mekabage komi ba tamatamami ana kaotunetune maragasina i kaobiyoyobanimi nanakasike wai, 12 komi rapa kamonai ereonowasi te tuputupuwa kainaona wai Bada kurina kona berena. Aba payapaya manamisi natunatusi sebasebare te tuputupuwa kainao wai ereonowasi Bada karinai. 13 Aba payapaya ereonowasi iyarokosi wai sina puyobunuisi. Donkey iyarokona wata wai wasana sheep natuna sina puyobunuwa, ba sheep kega wai donkey kamyona sina kiyageoni. Natunatumi sebasebare iyarokosi ereonowasi wai Bada kurina ko berena.

14 Tamarai natum sebare ina toirubaim, ‘Nikona basuna wai awaika?’ Ba ke wonei, ‘Bada yarona maragasina Egypt kupurinai patuma kamonai i urabakasibauwikai. 15 Maranai Bada Pharaoh nuwanuwana i akimei wai kega ana waina kata nae wai, damania ba Bada Egypt biyisi natunatusi iyarokosi ereonowasi, asi aba payapaya yabata i kasibunuwana. Kona kairavina yauku sebasebare iyarokosi ereonowasi rapa kamonai si nao si kasibau wai a puyopuyo bunuwa Bada kurina ba natunatuku sebasebare iyarokosi a gimogimona mena.’ 16 Kata kona wai nimami yai ini matakira ba nao bakobako mi ai ini gubei kata Bada yarona maragasinai Egypt kamonai i uraba kasibauwikai.”

20 Ba Sukkoth si sumare murinai si botu ku Etham mena ba namai kupura momna parinai si kwanatu. 21 Ba Bada guba kasu rutainina kamonai kaoai asi keta i naovei ba pomai wai keyama karakarasina rutainina yasegana i bereisi kata kaoai ba pomai sita bowagawaga.