10
Noah Natunatuna Sebasebare asi Rakaraka
1 Nikona Noah natunatuna sebasebare Shem, Ham, ba Japheth kutukutuba murinai natunatusi sebasebare si tuvisi wai asi rurutuwa.
2 Japheth natunatuna sebasebare wai
Gomer, Magog, Madai, Javan, Tubal, Meshech ba Tiras.
3 Gomer natunatuna sebasebare wai,
Ashkenaz, Riphath, ba Togarmah.
4 Ba Javan natunatuna sebasebare wai
Elishah, Tarshish, Kittim ba Rodanim. 5 Ba kosi si tuwa pesara wai neyara ba tore biyisi i tere naveyisi, dam nununai ba asi gamowai asi gamowai.
6 Ham natunatuna sebasebare wai
Cush, Egypt, Libya ba Canaan.
7 Cush natunatuna sebasebare wai
Seba, Havila, Sabtah, Raamah ba Sabteca.
Ba Raamah natunatuna sebasebare wai Sheba ba Dedan.
8 Nimrod tamana wai Cush. Ba Nimrod i rakata wai maragata goyona ba abiabiyina dobu ai. 9 Ba kona wai yebaga bitana Bada matanai, kona kairavina te wonawona kona yebayebagina Nimrod rutainina. 10 Dagudagunai nikosi meyaga wai, ana bikaiwabona kamonai Babylon, Erech, Akkad ba Calneh, Shina kupurinai. 11 Kona kupurinai i tauya wai i nae ku Assyria ba namai, Nineveh, Rehoboth Ir, ba Calah i bowaisi. 12 Ba meyaga kaikapona Resen wai, Nineveh ba Calah basunai i bowai.
13 Lud biyisi, Anam biyisi, ba Naphtu biyisi
kosi tamasi wai Mizraim.
14 Philistia biyisi wai namai Pathru, Caslu ba Caphtor biyisi,
kosi gwabisi yai si botu.
15 Canaan natunanatuna wai,
Sidon, kona iyarokona ba Hitti biyisi gwabisi yai si botu. 16 Ba Jebusi biyisi, Amori biyisi, Girgashi biyisi, 17 ba Hivi biyisi, Arki biyisi, ba Sini biyisi, 18 ba Arvadi biyisi, Zemari biyisi, ba Hamathi biyisi.
Ba muri yai Canaan biyisi i kasimosarisi, 19 wai Canaan ana parata wai Sidon i dagui ba i nae ku Gera, ba ku Gaza ba ku Sodom ba Gomorrah ba Admah ba Zebolim ba i nae ku Lasha parasina.
20 Ham natunatuna sebasebare asi dam ba asi gamo nununai ba asi meyaga ba kupura i tere naveyisi.
21 Shem yebo sebasebare i tuvisi, Shem tuwana yarokona wai, Japheth. Pipiya Shem murinai si tupuwa si botu wai Eba natunatuna sebasebare.
22 Kosi wai Elam, Asshur, Apasad, Lud, ba Aram.
23 Ba Aram natunatuna sebasebare wai,
Uz, Hul, Gether ba Meshech.
24 Ba Shelah tamana wai,
Apasad ba Eba tamana wai Shelah.
25 Eba sebasebare ruwamo i tuvisi,
kesana kana waba Peleg basuna kona ana marai, pipiya ereonowasi asi gamoai asi gamoai i kasimosarisi wai dobu ai i tere naveyisi i nae. Ba tuwateina kana waba wai, Joktan.
26 Joktan i tuwa wai natunatuna sebasebare wata
Almodad, Sheleph, Hazarmaveth, Jerah, 27 Hadoram, Uzal, Diklah, 28 Obal, Abimael, Sheba, 29 Ophir, Havila, ba Jobab ereonowasi Joktan natunatuna.
30 Ba asi kupura Meshai maramatanai i dagui ba i nae ku Sephar koyakoyanai.
31 Nikona wai, Shem ana rakaraka muri yai si tupuwa, asi dam, asi gamo, ba asi kupura nununai te mamana.
32 Ba kosi wai Noah ana rakaraka ba ana dam, i gakira i botu asi gamo ba kupura kesanina. Ba kosi kamosi yai pipiya si botu wai dobu tomtompipina si bonuwei. Kata kona wai kutukutuba murinai.