4 Damanina ba Joseph kurisi i wona, “Ko msi ratu kuriku.” Ba si msi ratu kurina ba i wona, “Yauku wai waresimi Joseph, ba koi gimoniku wai si botuviku Egypt. 5 Nuwanuwami kega sina kairagaraga, koi gimona taveyiku wai, kona God ikesina i poraiku ai nao, ba muriku ai kota botu kata pipiya biyawasisi kairavina. 6 Niko gomara wai bodu ruamo wata niko kupurai, ba bodu 5 muri yai te botubotu maranai wai bao kega ba bokasira kega. 7 God ana kuira i rakata saki wai i poraiku ai nao kata komi ba ami rakaraka mutuna niko dobuai yawayawasimi kona mana.

8 Kata kega komi koi poraiku nikei, saba God i poraiku. I wosiku nanakasike taupauma tamana, ba taupauma ana yove ereonowana a potapotai, ba Egypt kupurina ereonowana kana bada kaikapona. 9 Koi yagiyagina kona veramaga tamaku kurina ba ko wonei, ‘Natuna Joseph nanakasike i wona, “God i wosiku wai Egypt abi badei, ba ko botu yagiyagina kuriku.* Acts 7:14 10 Goshen kupurinai parikuai kona mana, komi natunatumi ba wawami, ba ami sheep ba goat, ba ami aba payapayaya ba ami sawara tupana. 11 Goshen kupurinai kona mana ba ana potaimi. Basuna gomara wai bodu 5 yebo te mamana ba kega au waina komi ba ami rakaraka ba ami aba payapaya soya kona rabobo.” ’ ”

25 Kata Egypt si sumarei ba si veramaga ku Canaan kupurina, tamasi Jacob kurina. 26 Ba si wonei, “Joseph wai yawayawasina! Ba kona wai Egypt kupurina ereonowana ebi badei.” Jacob i sikwana negenegei ba asi sisiya kega i geruwei. 27 Saba maranai Joseph mekabage i sisiya wai ereonowana si wonei, ba wagon Joseph i porai iti uwani ku Egypt i kitai, wai Jacob nuwanuwana i geyei ba i damaninei.

28 Damanina Jacob i wona, “Nikona wai bisuwona! Natuku Joseph wai yawayawasina, ana nae ana kinani ba muri yai ana rabobo.”