50 Moab guburinai Jordan okowina parinai ba Jericho sepinai si kwanatu maranai, Bada Moses kurina i wona, 51 “Israel biyisi kurisi nikasike ki sisiya, ‘Maranai Jordan okowina koni gagubonei ku Canaan wai, 52 pipiya ereonowasi kona kupurinai te mamana wai ko kwabinisi sina kasibau. Asi tarabibisaka tebo pepeta ba asi bopepeta gawarisi koi kasi rikeyana. 53 Ba tano ko yauni ba namai ko kwanatu kairavina a berimi ini karimi yai. 54 Tanona aba binebinena ami dam nununai koi yapara owaowa. Koroto kaikapona wai yapara kaikapona ko berisi ba koroto yogiyogina wai yapara yogiyogina ko berisi. Ba kotoi aba binebinena sini garui ba ina binei wai karinai. Ami dam nununai koi yabei. 55 Pipiya namai te mamana wai kega kona kwabinsi ba kona boterisi sina mana wai matami sini siwa gaoworana ba ruriruri rutainina gabagabami sini siwa kwariyana. Ba kupurinai kona mana wai kosi sini abiyimi. 56 Ba kega kona kwabinisi sina kasibau wai mekabage a nosinosi ata kasibigoyonisi wai komi nakasike ana kasibigoyonimi.’ ”