Nambas.
23.
Balaam i peroveta wona: “Balak, ke bomsiri, ba ki tainabaenega, Zippor natuna ke nonoriku. 
God wai kega pipiya mom kata ita kwaruma, kona pipiya mom natusi kata ana nota ita birai. Meyana i sisiya ba kega i wosei? Meyana i kaobiyoyobanim ba kega i wosei? 
I kaotuneiku ani gairena, ba kona i gairenisi ba kega rubana ani neveramagei. 
Kega goyona Jacob ana rakaraka kamonai kega goyona sina paiwarei Israel kamonai, kairavina Bada asi God kosi yabata, si yoneyonei kona asi taupauma kamosi yai. 
Egypt yai God i yaunisi si kasibau, asi maragata garaga bull rutainina. 
Kairapu kega rubana Jacob ina bowai, kega rubana sina pasiri Jacob ba Israel sini sisiyisi, ‘Ko kinani awaika God i wose!’ 
Nikosi dam lion bibituwana rutainina te kokona kega tema binubaisi yepo kasi sirage te bowabowai ba tarana te tomatomani.”