2
1 1 Ko 4:21, 2 Ko 12:21 1 Korin 4:21; 2 Korin 12:21Kɨ kamaghɨn nɨghnɨsi, kɨ ia bagh izan kogham, egh ia damutɨ ia fomɨra na basemezɨ moghɨn na basɨman kogham. Kamaghɨn kɨ izezir puvatɨ. 2 Egh kɨ ia damutɨ, ia na basemeghtɨma, tina ikɨ na damutɨ kɨ bar akuegham? Ia, gumazamizir kɨ ia gamizɨ ia na basemeziba, iarara ikiam. 3 Ia gumazamizir agorogem na ganɨdiba, kamaghɨn kɨ ia bagh izɨ osɨmtɨzim ia danɨngan aghua. Ezɨ bizir kam bagha kɨ fomɨra ia bagha akɨnafarir mam osirigha anemada. Kɨ fo, kɨ bizitam bagh bar akueghtɨ, ia uaghan bar moghɨra bar akuegham. 4 Ap 20:31 Aposel 20:31Guizbangɨra, kɨ ia bagha akɨnafarim osirir dughiamɨn, kɨ bar ian apangkuvigha, nan navim bar osemezɨ, kɨ puvɨram azi. Kɨ osɨmtɨzim ia danɨngasa akɨnafarir kam osirizir puvatɨ. Kɨ ghaze, ia kamaghɨn fogh suam, kɨ bar ia gifuegha, bar uan navim ia ganɨngi. Kamaghɨn kɨ ia bagha osiri.
Korinba, gumazir arazir kuram gamizimɨn arazir kuram gɨn amang
5 1 Ko 5:1, Ga 4:12 1 Korin 5:1; Galesia 4:12Gumazitam osɨmtɨzim gumazir igharazibagh anɨngi, an osɨmtɨzim na ganɨngizir puvatɨ. Kɨ mɨgɨrɨgɨar gavgavir avɨribar bizir kam mɨkɨman aghua. Kɨ kamaghɨn mɨkɨmasa, a ia gamizɨma, ian naviba bar moghɨra, mong ian oseme. 6 Ezɨ ian avɨriba ghaze, gumazir kam a ivezir kuratam inigh. Ezɨ datɨrɨghɨn an a inigha gɨvagha, kamaghɨra tu. 7 Kamaghɨn amizɨ, ia arazir igharazitamɨn datɨrɨghɨn a damu. Ia an arazir kuraba gɨn amadaghɨva, an gɨrakɨrangɨn tugh, navir amɨrizim a danɨng. Puvatɨghtɨ, osɨmtɨzir bar ekiam gumazir kam dɨkabɨragham. 8 Kamaghɨn, kɨ ia gakaghora ghaze, ia an akaghtɨ a fogham, ia a gifuegha mamaghɨra iti. 9 2 Ko 7:15, 10:6 2 Korin 7:15; 10:6Akɨnafarir kɨ faragha osirizim, mar kɨ pura ia basamasa an osiri. Kɨ kamaghɨn foghasa, ia nan akabar gɨntɨgha biziba bar dagh ami, o puvatɨ? 10 Eghtɨ ia gumazitamɨn arazir kuraba gɨn amangɨtɨ, kɨ uaghan da gɨn amangam. Eghtɨ kɨ gɨn amangamin arazir kuratam ikɨtɨ, kɨ ian akurvaghsɨ Kraisɨn damazim a gɨn amangam. 11 Lu 22:31 Luk 22:31Kɨ atiatia ghaze, Satan ti e gifaragh e dɨkabɨragham. Kamaghɨn kɨ arazir kuraba gɨn amadi. E Satanɨn mogomer nɨghnɨzir kurabagh fogha gɨfa.
Pol Taitusɨn ganasa
12 Ap 14:27, 1 Ko 16:9 Aposel 14:27; 1 Korin 16:9 Aposel 20:1Kɨ Kraisɨn Akar Aghuim akunasa izava, Troasɨn nguibar ekiamɨn otogha gari, Ekiam kɨ ingangarir kam damuasa, a na bagha tuavim atɨ. 13 Ezɨ kɨ uan aveghbuam Taitusɨn ganizir puvatɨ. Kamaghɨn nan navim derazir puvatɨ. Kamaghɨn amizɨ, kɨ Troasia ategha uamategha iza Masedonian Provinsɨn oto.
Aposelba Godɨn gavgavimɨn mɨdorozibagh afisi
14 Ezɨ God, Krais ko porogha en faragha zuima, e an gɨn ghua kalabuziar gumazamizibar mɨn ghua bar akuegha mɨgɨa ghaze, Krais modorozim gafiragha apaniba dɨkabɨragha gɨfa! Ezɨ arazir kamɨn gumazamiziba bar God gɨfoghamin fofozim ini. A mati mughuriar aghuimɨn mɨn otozɨ, amɨnim a bɨrazɨ a tintinibar ghu. Bizir kam bagha kɨ God mɨnabi.* Grighɨn akar otevitam kagh deragha mɨkemezir puvatɨ. 15 1 Ko 1:18, 2 Ko 4:3 1 Korin 1:18; 2 Korin 4:3Guizbangɨra, e mati pauran mughuriar aghuim zuimɨn mɨn, Krais a inigha ofan mɨn God ganɨngi. Mughuriar kam, a Godɨn Nguibamɨn zuir tuavimɨn zuir gumazamizibar tongɨn otiva zui. Egha uaghan helɨn zuir tuavimɨn itir gumazamizibar tongɨn otiva zui. 16 Lu 2:34, Jo 9:39, 1 Ko 15:10, 2 Ko 3:5-6, 1 Pi 2:7-8 Luk 2:34; Jon 9:39; 1 Pita 2:7-8Egha helɨn tuavimɨn zuir darasi, mughuriar kam barazima, an ovever mughuriamɨn mɨn zui. Egha me gamima, me ovei. Ezɨ Godɨn Nguibamɨn tuavimɨn zuir darasi, me mughuriar kam barazima, a mati ikɨrɨmɨrir aghuim isir mughuriam. Egha a ikɨrɨmɨrir aghuim me ganɨdi. Tinara gavgavigh ingangarir kamagh garim damuam? Bar puvatɨ. 17 2 Ko 1:12, 4:2, 11:13, 1 Pi 4:11, 2 Pi 2:3 2 Korin 1:12; 4:2; 11:13; 1 Pita 4:11; 2 Pita 2:3Ezɨ e gumazamizir mabar mɨn amir puvatɨ, me danganiba bar dagh aruava Godɨn akam mɨgɨa, mati me dagɨaba bagha biziba amadi. God uabɨ ingangarir kam e ganɨngizɨ e ifarir puvatɨ, e guizbangɨra mɨgei. E Krais ko porogha, Godɨn damazimɨn deravɨram an akaba akuri.
2:1: 1 Ko 4:21, 2 Ko 12:21
2:1: 1 Korin 4:21; 2 Korin 12:21
2:4: Ap 20:31
2:4: Aposel 20:31
2:5: 1 Ko 5:1, Ga 4:12
2:5: 1 Korin 5:1; Galesia 4:12
2:9: 2 Ko 7:15, 10:6
2:9: 2 Korin 7:15; 10:6
2:11: Lu 22:31
2:11: Luk 22:31
2:12: Ap 14:27, 1 Ko 16:9
2:12: Aposel 14:27; 1 Korin 16:9
2:12: Aposel 20:1
*2:14: Grighɨn akar otevitam kagh deragha mɨkemezir puvatɨ.
2:15: 1 Ko 1:18, 2 Ko 4:3
2:15: 1 Korin 1:18; 2 Korin 4:3
2:16: Lu 2:34, Jo 9:39, 1 Ko 15:10, 2 Ko 3:5-6, 1 Pi 2:7-8
2:16: Luk 2:34; Jon 9:39; 1 Pita 2:7-8
2:17: 2 Ko 1:12, 4:2, 11:13, 1 Pi 4:11, 2 Pi 2:3
2:17: 2 Korin 1:12; 4:2; 11:13; 1 Pita 4:11; 2 Pita 2:3