14
Pol ko Barnabas Aikoniamɨn Iesusɨn Akar Aghuim akuri
1 Pol ko Barnabas Antioghɨn ikiav amizir arazibara, aning iza Aikoniamɨn Judaba God ko mɨgeir dɨpenibar dagh ami. Egha aning kagh bar deraghvɨra akam akurima, Judan avɨriba ko Kantrin Igharazibar Gumazamizir avɨriba nɨghnɨzir gavgavim Iesusɨn iti. 2 Ap 13:45 Aposel 13:45Ezɨ Judan marazi nɨghnɨzir gavgavim men akabar ikian aghuagha Kantrin Igharazibar Gumazamizibar nɨghnɨzibagh asɨghasɨgha men navibagh inivima, me nɨghnɨzir kurabar nɨghnɨzir gavgavim Iesusɨn itir darazigh ami. 3 Mk 16:20, Ap 19:11, Hi 2:4 Mak 16:20; Aposel 19:11; Hibru 2:4Ezɨ Pol ko Barnabas dughiar ruarimɨn Aikoniamɨn ikiava, Ekiamɨn apangkuvimɨn akam mɨkɨmasava atiatir puvatɨ. Ezɨ Ekiam gavgavim aning ganɨngizɨ, aning mirakelba ko dɨgavir kuram gamir bizibagh ami, da otifi. Ezɨ kamaghɨn Ekiam gumazamizibar akakagha ghaze, akar aning me mɨgeir kaba, da guizɨn akaba. 4 Ezɨ nguibar ekiar kamɨn itir gumazamiziba uari abɨki, marazi Judabar gɨn zuima, marazi aposelning bagha zui. 5 Ap 14:19, 2 Ti 3:11 Aposel 14:19; 2 Timoti 3:11Egha gɨn Judaba ko Kantrin Igharazibar Gumazamiziba, me uan gumazir aruaba ko, Pol ko Barnabas aremeghasa me nɨghnigha aning bagha tuaviba buria ghaze, me arazir kurabar aning damuasa ifonge. Egha me dagɨabar aning ginivasava ami.
Pol ko Barnabas Listra ko Derben Akar Aghuim akuri
6 Mt 10:23 Matyu 10:23Ezɨ Pol ko Barnabas kamaghɨn oregha ara Listra ko Derben ghu, aning Likonian Distrighɨn nguibar ekiamning. Egha aning uaghan nguibar ekiar kamningɨn boroghɨn itir nguibaba sara ghu. 7 Egha aning kagh Akar Aghuim akuravɨra iti.
8 Jo 9:1, Ap 3:2 Jon 9:1; Aposel 3:2Listran nguibar ekiamɨn aven gumazir mam, an suemning ikuvigha an amɨrazɨ an aruir puvatɨgha aperaghavɨra iti. An amebam a batezɨma a kamaghɨra gari. 9 Mt 8:10, 9:28-29, Ap 3:4 Matyu 8:10; 9:28-29; Aposel 3:4A Pol barazi an akam akuri. Ezɨ Pol dɨkɨravɨram an gara kamaghɨn fo, gumazir kam nɨghnɨzir gavgavim iti, a deragham.
10 Egha Pol kamaghɨn pamtemɨn dia, “Nɨ dɨkavigh mɨtɨgh!” Ezɨ gumazir kam uabɨ ekunigha mɨtɨgha maghɨram arui.
11 Ap 8:10, 28:6 Aposel 8:10; 28:6Egha gumazamizir avɨrim Pol amizir bizir kamɨn ganigha, pamtemɨn Likonian akamɨn dɨa mɨgei, “Aseba gumazibar mɨn otivigha e bagha izaghire!” 12 Egha Barnabas, me asem Sus a gatɨ. Pol a mɨgɨrɨgɨabar faragha zuir gumazim, kamaghɨn me asem Hermes a gatɨ.* Grighɨn gumazamiziba nɨghnɨzir gavgavim kamaghɨn iti, aser avɨriba uaghan iti. Men aser mam, Sus, a men asebar gumazir dapanir ekiam. Ezɨ Hermes, a men aser akaba inigha me bagha izim. 13 Asem Susɨn dɨpenim, a Listran nguibar ekiamɨn avɨnizir tiar akamɨn boroghɨn azenan iti. Ezɨ Susɨn ofa gamir gumazim, a ko gumazir avɨriba, me Pol ko Barnabas bagh asɨzibav sueghɨva aningɨn ofa damuasa. Kamaghɨn, a bulmakaun apuriba ko akɨmarir bɨziziba inigha Listran nguibar ekiamɨn tiar akamɨn ize.
14 Ezɨ aposelning Pol ko Barnabas, aning bizir kaba baregha, uan korotiaba abɨagharigha, ivegha gumazamizibar okoruamɨn aven ghua pamtem dɨa mɨgei, 15 Kis 20:11, 2 Sml 12:21, Sng 33:6, 146:6, Ap 10:26, 1 Ko 8:4, 1 Te 1:9, Je 5:17 Ua Me Ini 20:11; Onger Akaba 33:6; 146:6; Aposel 10:26; 1 Korin 8:4; 1 Tesalonika 1:9; Jems 5:17“Maia! Gumazamiziba, ia tizim bagha arazir kam gami? Ga pura gumazir kɨnimning, egha uaghan ian mɨrara gari. Ga kamaghsua Akar Aghuir kam ia mɨgei. Ia pura bizir kɨnir kabar ziaba fan markɨ. Ia uari isɨ Ekiam danɨng, an Angamɨra Itir God. A Godɨn overiam ko nguazim ko ongarimɨn ingarizim, egha dar itir biziba bar adar ingari. 16 Sng 81:13, Ap 17:30, 1 Pi 4:3 Onger Akaba 81:12; Aposel 17:30; 1 Pita 4:3Fomɨra, God nguibaba bar, me ataghizɨma me pura uan nɨghnɨzibar arua bizibagh ami. 17 Sng 147:8, Jer 5:24, 14:22, Ap 17:27, Ro 1:20 Onger Akaba 147:8; Jeremaia 5:24; 14:22; Aposel 17:27; Rom 1:20Egha a ian modozir puvatɨ, eghtɨ gumazamiziba a gɨfoghan kogham. Puvatɨ. A zuraram arazir aghuibar ia gamua, amozim ia ganɨga, dagher aghuir avɨriba ia ganɨga, dagher aghuibagh ami da otifi. Egha ia gamima ian naviba deragha bar akonge.” 18 Aning bizir kabar pamten me mɨgɨa, uaningɨn ofa damuan men anogoroghavɨra iti.
19 Ap 13:45, 17:13, 2 Ko 11:25, 2 Ti 3:11 Aposel 13:45; 17:13; 2 Korin 11:25; 2 Timoti 3:11Ezɨ gɨn Judan gumazir maba Antiok ko Aikoniamɨn ikegha Listran izegha, gumazamizibar nɨghnɨzibagh ekuizɨ, me Polɨn apanibar otifi. Egha me dagɨabar Pol ginivigha an ganigha ghaze, an areme. Egha anemɨkɨrɨgha Listran nguibar ekiamɨn azenan ghu. 20 Ezɨ gɨn suren gumazamiziba iza an okarizɨ, a dɨkavigha uamategha Listran nguibar ekiamɨn ghu. Egha dughiar igharazimɨn a Barnabas ko Derben zui.
Pol ko Barnabas gavgavim isa suren gumazamizibagh anɨdi
21 Mt 28:19 Matyu 28:19Pol ko Barnabas Derben nguibar ekiamɨn ikia Akar Aghuim akura gumazamizir avɨribagh ami, me suren gumazamizibar otifi. Egha aning uamategha Listra ko Aikoniam ko Antioghɨn ghu. 22 Matyu 7:14; Aposel 11:23; 15:32; 18:23; 1 Tesalonika 3:3Aning gavgavim suren gumazamizibagh anɨga akurvazir mɨgɨrɨgɨabar me gamua ghaze, ia uan nɨghnɨzir gavgavibar tuivigh gavgafigh. Aning kamaghɨn me mɨgɨa ghaze, “E God Bizibagh Ativaghamin Dughiamɨn aven mangɨsɨ, e faragh osɨmtɨzir avɨribar aven mangɨgham.” 23 Ap 13:1-3, 15:40 Aposel 15:40Egha Pol ko Barnabas Kraisɨn adarazi itir nguibaba bagha vaghvagha gumazamizir dapaniba amɨsefe. Gumazamizir dapanir kaba nɨghnɨzir gavgaviba Ekiamɨn iti. Ezɨ aning me bagha dagheba tagha Ekiam ko mɨkemegha me isava Ekiamɨn agharim gatɨ.
Pol ko Barnabas uamategha Sirian Distrighɨn aven Antioghɨn zui
24 Egha Pol ko Barnabas Pisidian Distrighɨn ghugha gɨn iza Pamfilian Provinsɨn ghu. 25 Egha aning Pergan nguibamɨn Akar Aghuim akunigha gɨvagha Atalian nguibam uaghirɨ.
26 Ap 13:1-3, 15:40 Aposel 13:1-3; 15:40Egha aning Atalian ikegha kurim inigha uamategha Antioghɨn nguibamɨn ghu. Nguibar kamra, aning kagh faragha ikezɨ, Antioghɨn itir Kraisɨn adarazi aning isa Godɨn agharim ganɨga ghaze, Godɨn apangkuvim aning ko ikɨtɨ aning ingangarir kam damuam. Ezɨ aning ingangarir kam gamua iza datɨrɨghɨn anegɨvagha, uamategha Antioghɨn ghu. 27 Ap 11:18, 15:4, 15:12 Aposel 11:18; 15:4; 15:12Egha aning Antioghɨn otogha, Kraisɨn adarazir diazɨ me iza uari akuvazɨma, aning bizir God aningɨn dafaribar amiziba bar, dar gun me mɨgei. Egha uaghan God Kantrin Igharazibar Gumazamiziba bagha nɨghnɨzir gavgavimɨn tiam kuizir akam me mɨgei. 28 Egha aning kagh dughiar ruarimɨn suren gumazamiziba ko ike.
14:2: Ap 13:45
14:2: Aposel 13:45
14:3: Mk 16:20, Ap 19:11, Hi 2:4
14:3: Mak 16:20; Aposel 19:11; Hibru 2:4
14:5: Ap 14:19, 2 Ti 3:11
14:5: Aposel 14:19; 2 Timoti 3:11
14:6: Mt 10:23
14:6: Matyu 10:23
14:8: Jo 9:1, Ap 3:2
14:8: Jon 9:1; Aposel 3:2
14:9: Mt 8:10, 9:28-29, Ap 3:4
14:9: Matyu 8:10; 9:28-29; Aposel 3:4
14:11: Ap 8:10, 28:6
14:11: Aposel 8:10; 28:6
*14:12: Grighɨn gumazamiziba nɨghnɨzir gavgavim kamaghɨn iti, aser avɨriba uaghan iti. Men aser mam, Sus, a men asebar gumazir dapanir ekiam. Ezɨ Hermes, a men aser akaba inigha me bagha izim.
14:15: Kis 20:11, 2 Sml 12:21, Sng 33:6, 146:6, Ap 10:26, 1 Ko 8:4, 1 Te 1:9, Je 5:17
14:15: Ua Me Ini 20:11; Onger Akaba 33:6; 146:6; Aposel 10:26; 1 Korin 8:4; 1 Tesalonika 1:9; Jems 5:17
14:16: Sng 81:13, Ap 17:30, 1 Pi 4:3
14:16: Onger Akaba 81:12; Aposel 17:30; 1 Pita 4:3
14:17: Sng 147:8, Jer 5:24, 14:22, Ap 17:27, Ro 1:20
14:17: Onger Akaba 147:8; Jeremaia 5:24; 14:22; Aposel 17:27; Rom 1:20
14:19: Ap 13:45, 17:13, 2 Ko 11:25, 2 Ti 3:11
14:19: Aposel 13:45; 17:13; 2 Korin 11:25; 2 Timoti 3:11
14:21: Mt 28:19
14:21: Matyu 28:19
14:22: Matyu 7:14; Aposel 11:23; 15:32; 18:23; 1 Tesalonika 3:3
14:23: Ap 13:1-3, 15:40
14:23: Aposel 15:40
14:26: Ap 13:1-3, 15:40
14:26: Aposel 13:1-3; 15:40
14:27: Ap 11:18, 15:4, 15:12
14:27: Aposel 11:18; 15:4; 15:12