11
Atrivir igiam, dabirabir aghuim me danɨngam
1 Aisaia 53:2; Jeremaia 23:5; Sekaraia 3:8; Aposel 13:23; Akar Mogomem 5:5; 22:16Jesin ovavir boriba, mati temer povim me an okegha gɨvazɨ,
an dakam ikiavɨra iti.
Eghtɨ gumazir mam otogham,
mati temer ghuzir igiam temer dakar kamɨn otogh mavanangam.* Jesi, an Atrivim Devitɨn afeziam. (Nɨ 1 Samuel 16:10-13ɨn gan.) Temer ghuzir igiar kam oto, a mati Devitɨn ikɨzimɨn otozir atrivir igiamɨn ababanim.
2 Aisaia 61:1; Matyu 3:16; Jon 16:30; 2 Timoti 1:7Eghtɨ Ikiavɨra Itir Godɨn Duam izɨ gumazir kam gizɨvagh a ko ikɨ,
egh fofozir aghuim ko nɨghnɨzir aghuim a danɨngam.
Eghtɨ an atrivir gavgavimɨn ikɨva,
deraghvɨra ingangarim damuamin fofozim ikiam.
Egh a deraghvɨra Ikiavɨra Itir God gɨfogh,
an atiatingɨva zurara an apengan ikiam.
3 Eghtɨ Ikiavɨra Itir Godɨn atiatir arazir kam a damutɨ,
a bar akuegh mamaghɨra ikiam.
Egh kotiaba baraghamin dughiam,
a pura gumazimɨn ganganimɨn ganɨva, a tuisɨghan kogham.
Egh a gumazamizir tintinimɨn mɨgeir akaba,
a pura da baragh da tuisɨghan kogham.
Bar puvatɨgham.
4 Aisaia 9:7; 49:2; Malakai 4:6; 2 Tesalonika 2:8A kotɨn aven guizɨn arazir aghuimɨn gɨn mangɨ,
onganarazibar mɨgɨrɨgɨaba baragh, deraghvɨra me tuisɨgham.
A nguazir kamɨn itir gumazir uari abɨra aghumra itiba,
a men osɨmtɨziba baragh, me tuisɨgh men akurvagham.
An akam me danɨngtɨ, nguazir kamɨn gumazir kuraba, ivezir kuram iniam.
A mɨkɨmtɨ, gumazir kurar akaba batoziba arɨmɨghiram.
5 Efesus 6:14An arazir aghuim mati gumazim letɨn uabɨ amɨghɨrɨ,
an an ikɨtɨ, a gumazamizibar ganam.
Eghtɨ an nɨghnɨzir gavgavir arazir aghuim gamim, mati inim gumazimɨn evarim avara,
an an ikɨtɨ, a uan ingangarim damuvɨra ikiam.
6 Aisaia 65:25Eghtɨ afiar atiaba ko sipsipɨn nguziba uari inigh deraghvɨra ikiam,
eghtɨ lepatba, da kaziar ekiabar mɨn gari, da memen nguziba ko dakuam.
Eghtɨ bulmakaun nguziba ko laionɨn igiaba daru egh uari inigh damam,
eghtɨ borir dozir mam men gan men aku men faragh mangam.
7 Eghtɨ bulmakauba ko beaba uari inigh damɨtɨ,
men nguziba uari inigh dakuam.
Eghtɨ laionba bulmakaubar mɨn dadabar amam.
8 Eghtɨ borir dozir oteba apavɨra itiba,
me kuruzir imeziba itibar mozibar boroghɨra ikararangam.
Eghtɨ borir oteba ataghiziba,
uan dafariba isɨ kuruzir kuraba itir mozibar aven dar arɨgh, egh deraghvɨra ikiam.
9 Onger Akaba 98:2-3; Aisaia 48:18; 52:10; Habakuk 2:14Dughiar kamɨn, nguazimɨn itir gumazamiziba bar deraghvɨra Ikiavɨra Itir God gɨfogham.
Eghtɨ fofozir kam, nguazimɨn oteviba bar dagh izɨvagham,
mati ongarim bar ghua uan danganimra tu.
Kamaghɨn amizɨ, God baghavɨra itir mɨghsɨamɨn itir gumazamiziba ko, gumazamizir igharaziba bar moghɨra
uari inigh deraghvɨra ikɨva,
tav pazɨ tav damuan kogh, egh me gasɨghasɨghan kogham.
Judan gumazamizir ikiavɨra itir varazira, me uamategh izam
10 Rom 15:12Eghtɨ dughiar kamɨn, atrivir igiam, Jesin ovavir boribar tongɨn otogh,
mati temer ghuzir igiam, temer dakar kamɨn oto.
Eghtɨ gumazamiziba bar an gantɨ, a me bagh ababanimɨn mɨn ikiam.
Eghtɨ gumazir kamra, kantribar gumazamiziba a bagh izɨ a baghvɨra ikiam.
Eghtɨ an Dɨpenir an avughsɨ ikiamim,
bar gavgavigh ziar bar ekiam ikɨtɨ, an angazangarim bar me gisiragham.
11 Egh gɨn ua izamin dughiamɨn, Ekiam uamategh uan agharim ghufegh uan gavgavim akagh, uan gumazamiziba inigh uamategh izɨ, men nguibabar me arɨgham. Kar gumazamizir ikiavɨra itir varazira, me kantri Asiria ko, Isip ko, Itiopia ko, Elam ko, Babilonian kantri ko, Hamat ko, Mediterenianɨn Ongarir Ekiamɨn arighatɨzibar ikiavɨra itiba.
12 Kantriba bar dar gumazamiziba gansɨ, Ekiam nir avɨzim ghufegh ababanimɨn mɨn anesaragham,
egh a Israelia ko, Judan gumazamizir apaniba inigha ghua kalabuz gatɨziba, a ua me akuvagham.
Me datɨrɨghɨn tintinibar ikia nguazir ruaghateviba bar dar iti,
eghtɨ Ekiam ua me inigh izam.
13 Eghtɨ gɨn kantri Israel ua navir kuram kantri Judan ikian kogham.
Eghtɨ kantri Juda, uam kantri Israelɨn anɨngagheghan kogham.
Puvatɨ. Aning uaning inigh deraghvɨra dapiam.
14 Aning uaning inigh mangɨ aruem uaghiri naghɨn itir Filistiaba ko mɨsogham.
Egh aning mɨsoghɨva aruem anadi naghɨn itir gumazamizibar bizir aghuiba iniam.
Aning kantri Idom ko Moap ko, Amonɨn gumazamiziba dɨkabɨragh,
kantrin kaba gativaghtɨ, me men apengan ikiam.
15-16 Aisaia 35:8; 40:3; Akar Mogomem 16:12Ikiavɨra Itir God, Ongarir Aghevim damightɨ a bar dakegham.
Egh amɨnir fefer bar puvɨra ivaim damightɨ a izam,
eghtɨ amɨnir kam, Yufretisɨn Fanem damightɨ a dakɨ mangɨ suvigham.
Egh a 7plan dɨpar eghuravibar emɨr mangam.
Kamaghɨn amizɨ, dughiar kamɨn tuavim, tuavir ekiamɨn mɨn bar ekevegh aruegham,
eghtɨ gumazamiziba Asiria ategh daru izɨtɨ, men dagarir asuaba tong kumkumighan kogham.
Tuavim Israelia bagha kuiaghirɨzɨ me Isip ategha izezɨ moghɨn,
bizir kam uaghan kamaghɨram otivam.
11:1: Aisaia 53:2; Jeremaia 23:5; Sekaraia 3:8; Aposel 13:23; Akar Mogomem 5:5; 22:16
*11:1: Jesi, an Atrivim Devitɨn afeziam. (Nɨ 1 Samuel 16:10-13ɨn gan.) Temer ghuzir igiar kam oto, a mati Devitɨn ikɨzimɨn otozir atrivir igiamɨn ababanim.
11:2: Aisaia 61:1; Matyu 3:16; Jon 16:30; 2 Timoti 1:7
11:4: Aisaia 9:7; 49:2; Malakai 4:6; 2 Tesalonika 2:8
11:5: Efesus 6:14
11:6: Aisaia 65:25
11:9: Onger Akaba 98:2-3; Aisaia 48:18; 52:10; Habakuk 2:14
11:10: Rom 15:12
11:15-16: Aisaia 35:8; 40:3; Akar Mogomem 16:12