19
Iesus poroghamiba uari
ataghɨrazir arazibav gei
ataghɨrazir arazibav gei
(Mak 10:1-12; Luk 16:18)
1 Iesus mɨgɨrɨgɨar kaba agɨvagha, Galilin Distrik ategha, Judian Distrighɨn ghua Jordanɨn Fanemɨn vongɨn ghu. 2 Ezɨ gumazamizir avɨrim an gɨn zui, ezɨ a danganir kamɨn men arɨmariaba agɨfa. 3 Mt 16:1 Matyu 16:1Ezɨ Farisin maba Iesus basamasa iza kamaghɨn an azai, “Nɨ manmaghɨn nɨghnɨsi? Gumazim uan ifongiamɨn gɨn ghua uan amuim puram anetaghɨraghsɨ damutɨ, Judan Araziba ti an amamangatɨgham, o ti puvatɨgham?”
4 Stt 1:27, 5:2, Mal 2:15 Jenesis 1:27; 5:2; Malakai 2:15Ezɨ Iesus me ikaragha kamaghɨn men azai, “Ia ti Godɨn mɨgɨrɨgɨaba itir Akɨnafarimɨn ganizir puvatɨ? Akar kam ghaze, ‘God bar faraghavɨra nguazir kam ko biziba bar dar ingara, gumazamizibar ingarigha me gamizɨ, men marazi gumazibar mɨn otivizɨ, marazi amizibar mɨn otifi.’ 5 Stt 2:24, 1 Ko 6:16, 7:2, Ef 5:21, 5:31 Jenesis 2:24; 1 Korin 6:16; 7:2; Efesus 5:21; 5:31Ezɨ God ghaze, ‘Kamaghɨn amizɨ, gumazim uan ameboghfeziaba ategh mangɨ, a uan amuim ko aning uaningɨn porogham. Egh aning inivafɨzir vamɨram otogham.’ 6 God kamaghɨn mɨkemezɨma, aning ua gumazir pumuning puvatɨ. Aning inivafɨzir vamɨra ikiam. Kamaghɨn amizɨ, God bizir pumuning isafuraghtɨ, gumazitam aning abighan kogham.”
7 Lo 24:1-4, Mt 5:31 Godɨn Araziba 24:1-4; Matyu 5:31Ezɨ Farisiba kamaghɨn a mɨgei, “Manmaghɨn amizɨ, Moses osira ghaze, gumazim amuim ataghɨraghsɨva, a bagh akɨnafarim osirigh a danɨngigh, egh amuim batueghtɨma a mangɨ?”
8 Ezɨ Iesus kamaghɨn me mɨgɨa ghaze, “Ian naviba gavgafi. Kamaghɨn amizɨ, Moses ian amamangatɨzɨma, ia uan amuiba ataghɨrasi. Faraghavɨra arazir kam puvatɨ. 9 Mt 5:32, Mk 10:11, Lu 16:18, 1 Ko 7:10-11 Matyu 5:32; Mak 10:11; Luk 16:18; 1 Korin 7:10-11Ezɨ kɨ kamaghɨn ia mɨgei, gumazitamɨn amuim, a gumazir igharaziba tintinibar me isava akuir arazitam damighan koghtɨma, an a batuegh egh amizir igharazitam inigh an ikiam, gumazir kam poroghamiba uari bakeir arazim gami.”
10 1 Korin 7:1-2; 7:7-9; 7:17Ezɨ Iesusɨn suren gumaziba akar kam baregha kamaghɨn Iesus mɨgei, “Arazir kabanagh poroghamibar tongɨn ikɨtɨma, gumaziba amuibar ikian kogham.”
11 Ezɨ Iesus kamaghɨn me mɨgei, “Gumazamiziba bar akar kam inian kogham. Puvatɨ, God gavgavir kam isava gumazir vabaram anɨngi. Kamaghɨn me amuibar ikian kogham. 12 1 Ko 7:32-34, 9:5, 9:15 1 Korin 7:32-34; 9:5Guizbangɨra, marazi amebaba me batima, men inivafɨziba ikufi. Marazi, me me aghori, eghtɨ me boriba inian kogham. Marazi God Bizibagh Ativamin Dughiam gɨnɨghnɨgha amuiba ko pabar ikian aghua. Tina akar kam inisɨva a mar a ini.”
Iesus ghaze, Ia boriba ateghtɨ,
me na bagh izɨ
me na bagh izɨ
(Mak 10:13-16; Luk 18:15-17)
13 Ezɨ dughiar kamɨn gumazamiziba borir doziba inigha Iesus bagha izi. Eghtɨ a uan dafarimning me gisɨn darɨgh me bagh God ko mɨkɨmasa me izima, an suren gumaziba men atara men anogorosi. 14 Mt 18:2-3 Matyu 18:2-3Ezɨ Iesus kamaghɨn me mɨgei, “Nɨ tina God Bizibagh Ativamin Dughiamɨn aven ikɨsɨ, borir dozir kabar mɨn ikɨ. Kamaghɨn amizɨ, ia borir doziba ateghtɨ, me na bagh izɨ, egh men anogoroghan markɨ.”
15 Egha Iesus dafarimning vaghvagha me gisɨn arigha, danganir kam ategha ghu.
Gumazir igiar bizir avɨriba itim iza Iesus ko mɨgei
(Mak 10:17-31; Luk 18:18-30)
16 Mk 10:17, Lu 10:25, 18:18 Mak 10:17; Luk 10:25; 18:18Ezɨ gumazir mam iza kamagh Iesusɨn azai, “Tisa, kɨ manmaghɨn damigh zurara itir ikɨrɨmɨrir aghuarim iniam?”
17 Wkp 18:5, Lu 10:28 Ofa Gami 18:5; Luk 10:28Ezɨ Iesus kamaghɨn a mɨgɨa ghaze, “Nɨ tizim bagha arazir aghuiba bagha nan azai? Gumazir vamɨra, a dera. Egh nɨ zurara itir ikɨrɨmɨrir aghuim inisɨ, Godɨn akabar gɨn mangɨ.”
18 Kis 20:13-16, Lo 5:17-20 Ua Me Ini 20:13-16; Godɨn Araziba 5:17-20Ezɨ gumazir kam kamaghɨn Iesusɨn aza ghaze, “Nɨ Godɨn Akar Gavgavir manabav gei?”
Ezɨ Iesus ghaze, “Ia gumazitam mɨsueghtɨ an aremeghan markɨ, ia poroghamiba uari bakeir arazim damuan markɨ, ia okɨman markɨ, egh ia pura gumazamizibagh ifarɨva, me isɨ kotiam darɨghan markɨ, 19 Kis 20:12, Wkp 19:18, Lo 5:16, Ro 13:9, Ga 5:14, Je 2:8 Ua Me Ini 20:12; Ofa Gami 19:18; Godɨn Araziba 5:16; Rom 13:9; Galesia 5:14; Jems 2:8egh ia uan amebaba ko afeziabar apengan ikɨ me baragh, egh ia uarigh ifongezɨ moghɨn gumazamizir igharazibagh ifongegh.”
20 Ezɨ gumazir igiar kam kamaghɨn Iesus mɨgei, “Akar kabanagh, kɨ bar dar gɨn zui. Kɨ ua tizim damuam?”
21 Mt 6:20, Lu 12:33, Ap 2:45, 4:34-37, 1 Ti 6:18-19 Matyu 6:20; Luk 12:33; Aposel 2:45; 4:34-37; 1 Timoti 6:18-19Ezɨ Iesus kamaghɨn a mɨgɨa ghaze, “Nɨ bar deragh otivan ifueghɨva, mangɨ uan biziba bar da amadagh. Egh dar dagɨaba inigh egh da isɨ gumazamizir biziba puvatɨzibar anɨngigh. Nɨ kamaghɨn damightɨ, bizir bar aghuiba nɨ bagh Godɨn Nguibamɨn ikiam. Egh nɨ nan gɨn izɨ.”
22 Gumazir igiar kam, a bizir bar avɨriba ikia, kamaghɨn oregha navim bar an osemezɨ, a ghu.
23 Mt 13:22, Mk 10:24, 1 Ti 6:9-10 Matyu 13:22; Mak 10:24; 1 Timoti 6:9-10Ezɨ Iesus kamaghɨn uan suren gumazibav gei, “Bar guizbangɨra kɨ ia mɨgei, gumazamizir bizir bar avɨriba itiba, God Bizibagh Ativamin Dughiamɨn aven mangan iburagham. 24 Egha kɨ ua ia mɨgei, kamelɨn tam iniba isair dɨkonir torimɨn aven mangɨsɨ ingangarir dafam damigh aven mangam. Eghtɨ gumazamizir biziba avɨrasemeziba, me God Bizibagh Ativamin Dughiamɨn mangɨsɨ guizbangɨra bar iburagham!”
25 Ezɨ an suren gumaziba akar kam baregha dɨgavir kuram gamigha ghaze, “Kamaghɨn damightɨ, tinara zurara itir ikɨrɨmɨrir aghuir kam iniam?”
26 Stt 18:14, Jop 42:2, Jer 32:17, Sek 8:6, Lu 18:27 Jenesis 18:14; Jop 42:2; Jeremaia 32:17; Sekaraia 8:6; Luk 18:27Ezɨ Iesus damazim meraram asaragha ghaze, “Bizir kaba gumazimɨn bar osemegham. Bizir kaba Godɨn osemezir puvatɨ. A biziba bar dagh ami.”
27 Mk 10:28, Lu 5:11, 18:28 Mak 10:28; Luk 5:11; 18:28A kamaghɨn mɨkemezɨ, Pita an akam ikaragha ghaze, “Nɨ ge, e uan biziba bar da ategha, nɨn gɨn ize. E tizitam iniam?”
28 Mt 20:21, 25:31, Lu 22:30, 1 Ko 6:2-3, MAA 2:26, 3:21 Matyu 20:21; 25:31; Luk 22:30; 1 Korin 6:2-3; Akar Mogomem 2:26; 3:21Ezɨ Iesus kamaghɨn me mɨgei, “Kɨ guizbangɨra ia mɨgei, God nguazim ko overiar igiam akɨramin dughiamɨn Gumazamizibar Otarim ziar bar ekiam iniam, egh atrivir dabirabim daperagham. Eghtɨ ia nan gɨn aruizir darasi, ia uaghan 12plan atrivir dabirabibar apiagh Israelian anabar 12plan ganam. 29 Mk 10:29-30, Lu 18:29-30, Hi 10:34 Mak 10:29-30; Luk 18:29-30; Hibru 10:34Eghtɨ tina nan ziam bagh nɨghnigh, uan dɨpeniba, aveghbuaba, buaramiziba, afeziam, amebam, boriba ko nguaziba, ateghtɨ, God gumazir kam ivezir bar aghuim a danɨngam. Ivezir kam, a nguazir kamɨn itir bizir kaba bar dagh afiragham. Eghtɨ a uaghan zurara itir ikɨrɨmɨrir aghuimɨn aven ikiam. 30 Mt 20:16, Mk 10:31, Lu 13:30 Matyu 20:16; Mak 10:31; Luk 13:30Eghtɨ dughiar kamɨn faragha itir gumazamizir avɨriba, me gɨn ikɨtɨma, datɨrɨghɨn gɨn itir gumazamizir avɨriba, me gɨn faragh mangam.”
19:3: Mt 16:1
19:3: Matyu 16:1
19:4: Stt 1:27, 5:2, Mal 2:15
19:4: Jenesis 1:27; 5:2; Malakai 2:15
19:5: Stt 2:24, 1 Ko 6:16, 7:2, Ef 5:21, 5:31
19:5: Jenesis 2:24; 1 Korin 6:16; 7:2; Efesus 5:21; 5:31
19:7: Lo 24:1-4, Mt 5:31
19:7: Godɨn Araziba 24:1-4; Matyu 5:31
19:9: Mt 5:32, Mk 10:11, Lu 16:18, 1 Ko 7:10-11
19:9: Matyu 5:32; Mak 10:11; Luk 16:18; 1 Korin 7:10-11
19:10: 1 Korin 7:1-2; 7:7-9; 7:17
19:12: 1 Ko 7:32-34, 9:5, 9:15
19:12: 1 Korin 7:32-34; 9:5
19:14: Mt 18:2-3
19:14: Matyu 18:2-3
19:16: Mk 10:17, Lu 10:25, 18:18
19:16: Mak 10:17; Luk 10:25; 18:18
19:17: Wkp 18:5, Lu 10:28
19:17: Ofa Gami 18:5; Luk 10:28
19:18: Kis 20:13-16, Lo 5:17-20
19:18: Ua Me Ini 20:13-16; Godɨn Araziba 5:17-20
19:19: Kis 20:12, Wkp 19:18, Lo 5:16, Ro 13:9, Ga 5:14, Je 2:8
19:19: Ua Me Ini 20:12; Ofa Gami 19:18; Godɨn Araziba 5:16; Rom 13:9; Galesia 5:14; Jems 2:8
19:21: Mt 6:20, Lu 12:33, Ap 2:45, 4:34-37, 1 Ti 6:18-19
19:21: Matyu 6:20; Luk 12:33; Aposel 2:45; 4:34-37; 1 Timoti 6:18-19
19:23: Mt 13:22, Mk 10:24, 1 Ti 6:9-10
19:23: Matyu 13:22; Mak 10:24; 1 Timoti 6:9-10
19:26: Stt 18:14, Jop 42:2, Jer 32:17, Sek 8:6, Lu 18:27
19:26: Jenesis 18:14; Jop 42:2; Jeremaia 32:17; Sekaraia 8:6; Luk 18:27
19:27: Mk 10:28, Lu 5:11, 18:28
19:27: Mak 10:28; Luk 5:11; 18:28
19:28: Mt 20:21, 25:31, Lu 22:30, 1 Ko 6:2-3, MAA 2:26, 3:21
19:28: Matyu 20:21; 25:31; Luk 22:30; 1 Korin 6:2-3; Akar Mogomem 2:26; 3:21
19:29: Mk 10:29-30, Lu 18:29-30, Hi 10:34
19:29: Mak 10:29-30; Luk 18:29-30; Hibru 10:34
19:30: Mt 20:16, Mk 10:31, Lu 13:30
19:30: Matyu 20:16; Mak 10:31; Luk 13:30