22
Poroghamibar isar ekiamɨn
akar isɨn zuim
akar isɨn zuim
(Luk 14:16-24)
1 Ezɨ Iesus uam akar isɨn zuir mamɨn gumazir dapanibagh amua kamaghɨn me mɨgei, 2 “God Bizibagh Ativamin Dughiam mati, atrivir mamɨn otarim amuimɨn ikiasava amima, an a bagh isar ekiam gami. 3 Isar dughiam tɨghar otivam, a faraghavɨra isam bagh izasa gumazamiziba bagha akam amada. Ezɨ isamɨn dughiam otozɨma, a gighamizir gumazamiziba izasa uan ingangarir gumaziba amada. Ezɨ puvatɨ, gumazamizir a gighamiziba, me izan aghua. 4 Mt 21:36Ezɨ a uan ingangarir gumazir maba amaga, kamaghɨn me mɨgei, ‘Ia mangɨ, gumazir kɨ gighamiziba kamagh me mɨkɨm, “Ia oragh. Kɨ dagheba tuegha gɨvagha, uan bulmakaun apuribav suegha, egha uaghan uan asɨzir ekiabav soke. Ezɨ isamɨn biziba bar gɨfa. Ia poroghamibar isar ekiamɨn izɨ.” ’
5 “Ezɨ ingangarir gumaziba ghua akar kamɨn gumazibav gei. Ezɨ me oraghan aghuagha tintinibar zui. Mav uan azenimɨn zui, ezɨ mav uan dagɨar ingangarim bagha zui. 6 Mt 21:35 Matyu 21:35Ezɨ marazi atrivimɨn ingangarir gumazibar suigha, puv me mɨsoghezɨ me ariaghire.
7 “Kamaghɨn amizɨ, atrivim puv atari, egha uan mɨdorozir gumaziba amada. Ezɨ me ghua an ingangarir gumazibav soghezir gumaziba, me mɨsogha bar me agɨvaghava, men nguibar ekiam gaborozɨ a isi.
8 Mt 10:11-13, Ap 13:46“Egha atrivim uan ingangarir gumazibav gei, ‘Poroghamibar isamɨn dagheba isigha gɨfa. Ezɨ gumazir kɨ gighamiziba, me gumazir kuraba, kamaghɨn me isamɨn ikian kogham. 9 Kamaghɨn amizɨ, ia mangɨ tuavir ekiaba bar dar mangɨ, egh gumazir manaba ia me bativigh, egh ia men diaghtɨ, me poroghamibar isar kamɨn izɨ.’ 10 A kamaghɨn mɨkemezɨma, an ingangarir gumaziba tuaviba bar dar ghuava gumazamiziba bar me akufa, gumazamizir aghuiba ko kuraba sara. Ezɨ me iza damasa poroghamibar isar dɨpenim gapiazɨ a bar izɨfa.
11 2 Ko 5:3, Ef 4:24, MAA 3:4, 19:8 2 Korin 5:3; Akar Mogomem 3:4; 19:8“Ezɨ gumazamiziba apiazɨma, atrivim men ganasa aven zui. Egha a ghua gumazir mamɨn garima, a poroghamibar isamɨn azuir adiaritam aruzir puvatɨ. 12 Ezɨ atrivim an azara, ‘Namakam, manmaghɨn amizɨ, nɨ adiarir aghuitam aruzir puvatɨgha, puram aven ize?’ Ezɨ gumazim mɨkɨman asa.
13 Mt 8:12, 25:30, Lu 13:28 Matyu 8:12; 25:30; Luk 13:28“Kamaghɨn amizɨ, atrivim ingangarir gumazibav gɨa ghaze, ‘Ia an soroghafariba ikegh, a isɨva azenan mɨtatemɨn anekunigh. Danganir mɨtater kamɨn me puvɨra tuavara atariba kuskusi.’
14 Mt 20:16, 2 Pi 1:10, MAA 17:14 2 Pita 1:10; Akar Mogomem 17:14“Ia oragh. God gumazamizir avɨribar dei, egha varazira, a me amɨsevima, me aven zui.”
Gumazamiziba dagɨaba Atrivim Sisar danɨngam, o markiam?
(Mak 12:13-17; Luk 20:20-26)
15 Mk 3:6 Mak 3:6Ezɨ Farisiba ghua akabav suegha Iesusɨn suighasa tuaviba buri. Egha me ghaze, a pazɨ bizitam mɨkemeghtɨ, me an mɨgɨrɨgɨam baghavɨram an suigham. 16 Mk 3:6, 8:15, 12:13 Mak 3:6; 8:15; 12:13Egha me uan suren gumazir maba ko Herotɨn gɨn zuir marazi amadazɨ, me Iesus bagha ghua kamaghɨn a mɨgei, “Tisa, e fo nɨ guizbangɨra bizibav geir gumazim. Nɨ Godɨn Arazibar gumazamizibar sure gamua guizbangɨra me mɨgei. Nɨ tavɨn nɨghnɨzimɨn gɨn zuir puvatɨ. Akar vamɨra nɨ gumazamizir ziaba itiba, ko gumazamizir kɨniba uaghara, me mɨgei. 17 Kamaghɨn, nɨ deragh e mɨkɨm. Judan Araziba manmaghɨn mɨgei? E dagɨaba isɨva Atrivim Sisar danɨngtɨma, arazir kam Godɨn damazimɨn dera, o puvatɨ? Nɨ manmaghɨn nɨghnɨsi?”
18 Ezɨ Iesus men nɨghnɨzir kurar kam gɨfo, egha kamaghɨn me mɨgei, “Ia gumazir ifavaribagh amiba, ia tizim bagha na gifarasava ami? 19 Ia gavman ganɨdir dagɨatam nan akagh.” Ezɨ me dagɨar mam inigha iza a ganɨngi.
20 Ezɨ Iesus kamaghɨn men azai, “Kar tinan nedazim ko tinan ziam?”
Ezɨ a me mɨgɨa ghaze, “Kamaghɨra, ia Sisarɨn biziba isɨ Sisar danɨng, egh Godɨn biziba isɨ, God danɨng.”
22 Ezɨ me mɨgɨrɨgɨar kam baregha dɨgavir kuram gamigha, anetegha ghue.
Sadyusiba gumazir aremegha ua dɨkavizibar arazim bagha Iesusɨn azai
(Mak 12:18-27; Luk 20:27-40)
23 Ap 23:8 Aposel 23:8Ezɨ aruer kamra, Sadyusiba Iesus bagha ize. Sadyusiba ghaze, gumazir aremeziba ua dɨkavir puvatɨ. Egha me kamaghɨn Iesusɨn azai, 24 Lo 25:5 Godɨn Araziba 25:5“Tisa, Moses kamaghɨn mɨkeme, Gumazir manatam boriba puvatɨgh aremeghtɨ, an aveghbuatam an amuim inigh an ikɨtɨ, amizir kam boriba batɨtɨ, an aveghbuamɨn ikɨzim kuavaremeghan kogham. 25 Ezɨ fomɨra aveghbuar 7pla, en tongɨn ike. Men avebam amuimɨn ikiava boritam inizir puvatɨ, egha areme. Kamaghɨn amizɨ, an dozir mam an amuim inigha an iti. 26 Ezɨ an dozir kam uaghan boritam inizir puvatɨgha areme. Ezɨ aningɨn dozir mɨkezim ko an gɨn iziba kamaghɨram ami. 27 Egha me bar ariaghire, ezɨ abuan amizir kam uaghan areme. 28 Kamaghɨn nɨ e mɨkɨm, gumazamiziba ua dɨkavamin dughiamɨn, amizir kam tinan amuimra? Nɨ nɨghnɨgh, me bar an ike!”
29 Jo 20:9 Jon 20:9Ezɨ Iesus me ikarvagha kamaghɨn me mɨgei, “Ia Godɨn Akɨnafarimɨn itir akam gɨfozir puvatɨ, egha ia uaghan Godɨn gavgavim gɨfozir puvatɨ. Kamaghɨn, ia paza mɨgei. 30 1 Jo 3:2 1 Jon 3:2Gumazamizir aremeziba ua dɨkavamin dughiamɨn, paba amuibar ikian kogham, uaghan me amuiba isɨ pabar arɨghan kogham. Me enselbar mɨn Godɨn Nguibamɨn ikiam.
31 “Ezɨ kɨ ua dɨkavamin dughiam bagh ian azangasa. Ia ti God ia mɨkemezir akar kamɨn ganiz, o puvatɨ? A ghaze, 32 Kis 3:6, Mt 8:11, Mk 12:26, Lu 20:37, Ap 7:32 Ua Me Ini 3:6; Matyu 8:11; Mak 12:26; Luk 20:37; Aposel 7:32‘Kɨ Abraham ko Aisak ko Jekopɨn God.’ God gumazir ariaghirezibar God puvatɨ, a gumazir angamɨra itibar God.”
Godɨn Akar Gavgavir faraghavɨra itim
(Mak 12:28-31; Luk 10:25-28)
34 Farisiba orazi, Iesusɨn mɨgɨrɨgɨaba Sadyusibagh amizɨma, me mɨkɨman ibura. Ezɨ me uari akuvagha a bagha izi. 35 Me ko izir gumazir mam, a Judan Arazibagh fozir gumazim. Egha a Iesus basamasa kamaghɨn an azai, 36 “Tisa, Godɨn Akar Gavgavir manamra maba bar dagh afira egha faraghavɨra iti?”
37 Lo 6:5, 10:12, Lu 10:27 Godɨn Araziba 6:5; 10:12; Luk 10:27Ezɨ Iesus kamaghɨn a mɨgɨa ghaze, “Ia bar uan navir averiaba ko uan duaba ko uan nɨghnɨziba ko uan gavgaviba sara bar a gifongegh. 38 Kar Akar Gavgavir bar ekiam, egha Akar Gavgavir igharazibar faraghavɨra iti. 39 Wkp 19:18, Mk 12:31, Ro 13:9, Ga 5:14 Ofa Gami 19:18; Mak 12:31; Rom 13:9; Galesia 5:14Ezɨ an gɨrara irim. A kamakɨn: nɨ uabɨra uabɨ gifongezɨ moghɨn, gumazamizir igharazibagh ifongegh. 40 Mt 7:12, Ro 13:10, Ga 5:14, 1 Ti 1:5 Matyu 7:12; Rom 13:10; Galesia 5:14; 1 Timoti 1:5Moses Osirizir Araziba ko Godɨn akam inigha izir gumazibar akaba, da bar arazir kamning gisɨn tu.”
Iesus God Uam E Iniasa Mɨsevezir Gumazim bagha Farisibar azai
(Mak 12:35-37; Luk 20:41-44)
41 Farisiba uari akuvagha ikiav itima, Iesus men azara, 42 Jo 7:42 Jon 7:42“Ia God Ua Gumazamiziba Iniasa Mɨsevezir Gumazim, manmaghɨn a gɨnɨghnɨsi? A tinan otarim?”
Ezɨ me an mɨgɨa ghaze, “A Devitɨn Ovavim.”
43 Sng 110:1, Mt 26:64Ezɨ Iesus kamaghɨn men azai, “Manmaghɨn amizɨ, Godɨn Duam nɨghnɨzim Devit ganɨngizɨ, a gumazir kam, ‘Ekiam,’ a gatɨ, egha kamaghɨn mɨgɨa ghaze:
44 Sng 110:1, Ap 2:34, 1 Ko 15:25, Hi 1:13 Onger Akaba 110:1; Matyu 26:64; Aposel 2:34; 1 Korin 15:25; Hibru 1:13“ ‘Ekiam, nan Ekiam mɨgɨa ghaze,
“Nɨ nan agharir guvimɨn daperagh ikɨ mangɨtɨ,
kɨ nɨn apaniba dɨkabɨragh me isɨ nɨn dafarim datɨghtɨ,
me nɨn dagarimningɨn apengan ikiam.” ’
45 “Ezɨ ia nɨghnɨgh, Devit uabɨ gumazir kamɨn mɨgɨa ghaze, a nan Ekiam. Ezɨ manmaghɨn, gumazir kam ua Devitɨn Ovavimɨn mɨn iti?”
46 Mk 12:34, Lu 14:6, 20:40 Mak 12:34; Luk 14:6; 20:40Ezɨ men tav bar Iesus ikarvaghan buraghburaki. Egha me aruer kamɨn ikegha ghua ua gɨn bizitam bagha an azangan atiati.
22:4: Mt 21:36
22:6: Mt 21:35
22:6: Matyu 21:35
22:8: Mt 10:11-13, Ap 13:46
22:11: 2 Ko 5:3, Ef 4:24, MAA 3:4, 19:8
22:11: 2 Korin 5:3; Akar Mogomem 3:4; 19:8
22:13: Mt 8:12, 25:30, Lu 13:28
22:13: Matyu 8:12; 25:30; Luk 13:28
22:14: Mt 20:16, 2 Pi 1:10, MAA 17:14
22:14: 2 Pita 1:10; Akar Mogomem 17:14
22:15: Mk 3:6
22:15: Mak 3:6
22:16: Mk 3:6, 8:15, 12:13
22:16: Mak 3:6; 8:15; 12:13
22:21: Stt 1:27, Ro 13:7
22:21: Rom 13:7
22:23: Ap 23:8
22:23: Aposel 23:8
22:24: Lo 25:5
22:24: Godɨn Araziba 25:5
22:29: Jo 20:9
22:29: Jon 20:9
22:30: 1 Jo 3:2
22:30: 1 Jon 3:2
22:32: Kis 3:6, Mt 8:11, Mk 12:26, Lu 20:37, Ap 7:32
22:32: Ua Me Ini 3:6; Matyu 8:11; Mak 12:26; Luk 20:37; Aposel 7:32
22:33: Mt 7:28
22:33: Matyu 7:28
22:37: Lo 6:5, 10:12, Lu 10:27
22:37: Godɨn Araziba 6:5; 10:12; Luk 10:27
22:39: Wkp 19:18, Mk 12:31, Ro 13:9, Ga 5:14
22:39: Ofa Gami 19:18; Mak 12:31; Rom 13:9; Galesia 5:14
22:40: Mt 7:12, Ro 13:10, Ga 5:14, 1 Ti 1:5
22:40: Matyu 7:12; Rom 13:10; Galesia 5:14; 1 Timoti 1:5
22:42: Jo 7:42
22:42: Jon 7:42
22:43: Sng 110:1, Mt 26:64
22:44: Sng 110:1, Ap 2:34, 1 Ko 15:25, Hi 1:13
22:44: Onger Akaba 110:1; Matyu 26:64; Aposel 2:34; 1 Korin 15:25; Hibru 1:13
22:46: Mk 12:34, Lu 14:6, 20:40
22:46: Mak 12:34; Luk 14:6; 20:40