Onger Akaba.
67.
Gumazir onger akabar faragha zuim, kar an onger akam. Gumazir kam, gumazir gitabav sozibav kemezɨ me ighiam gami. God, e kamaghɨn nɨn azai, nɨ deraghvɨra e damuva en apangkuv. Mati nɨn angazangarim e gisirazɨ moghɨn, nɨ ragh en gan en akurvagh. 
Eghtɨ nguazimɨn gumazamiziba ganigh nɨn arazibagh fogham. Me kamaghɨn fogham, nɨ gavgavir bar ekiam ikia men akurvasi. 
O God, nan ifongiam, gumazamiziba bar nɨ gifuegh nɨn ziam fɨ. Guizbangɨra, me nɨn ziar ekiam pɨrafam. 
Nɨ guizbangɨra gumazamizibar araziba tuisɨgha, tuavir aghuim men akazɨ, me nɨn ifongiamɨn gɨrara zui. Kamaghɨn amizɨ, gumazamizibar naviba bar akueghɨva, ighiaba bangɨ nɨn ziam fam. 
O God, nan ifongiam, gumazamiziba bar nɨ gifuegh nɨn ziam fɨ. Guizbangɨra, me nɨn ziar ekiam pɨrafam. 
God, nɨ en God, nɨ bar deragha e gami. Ezɨ dagher aghuir avɨriba en nguazibar otifi. 
Bar guizbangɨra, God deragha e gami. Nguazimɨn gumazamiziba bar an atiating an apengan ikɨ.