Onger Akaba.
121.
Godɨn Dɨpenimɨn ghuavanaga an ziam fer ighiam. Kɨ uan akurvazim bagha mɨghsɨaba kozorogha dar gari. Eghtɨ gumazir nan akurvaghamim managhɨra ikegh otogh izam. 
Ikiavɨra Itir Godɨn overiam ko nguazimɨn ingarizim, a bar uabɨra nan akurvasi. 
A Godɨn akuir puvatɨzim. A nɨ akumakum deragh nɨn gantɨ, nɨ irɨghan kogham. 
A Israelia akumakua deragha men gari, egha dughiatamɨn bar akuizir puvatɨ. 
Ikiavɨra Itir God, nɨn boroghɨra ikia, mati dughuazim nɨ avara. Egha nɨ geghuva deragha nɨn gari. 
Aruem isiragh nɨ dapongeghan kogham, eghtɨ dɨmangan iakɨnim nɨ gasɨghasɨghan kogham. 
Ikiavɨra Itir God nɨ geghuv deragh nɨn gantɨ, bizir kuratam nɨ gasɨghasighan kogham. 
Nɨ uan dɨpenim ataghɨraghamin dughiam, a nɨ geghuv deragh nɨn ganam. Egh nɨ ua izamin dughiam, a kamaghɨra damuam, a datɨrɨghɨn ko, dughiar gɨn izamibar, kamaghɨra damuam.