Onger Akaba.
123.
Godɨn Dɨpenimɨn ghuavanaga an ziam fer ighiam. O, Ikiavɨra Itir God, nɨ uan Nguibamɨn atrivimɨn itima, kɨ kogha nɨn akurvazim bagha gari. 
Ingangarir gumazim, a uan gumazir dapanimɨn gantɨ, an an akurvagham. Ingangarir amizim, a uan amizir dapanimɨn gantɨ, an an akurvagham. Kamaghɨra, e Ikiavɨra Itir Godɨn ganvɨra ikɨ mangɨtɨ, a uan apangkuvim en akakagham. 
O, Ikiavɨra Itir God, gumazamiziba arazir kurabar e gami, kamagh nɨ en apangkufigh. 
Dughiar bar ruarimɨn dagɨaba itir gumazamiziba dɨbovir akabar e mɨgɨa, uari fa pazava e gami. Ezɨ e bar amɨra.