1 ܫܲܒܚܘܼܢ ܠܐܲܠܵܗܵܐ ܥܘܼܫܢܲܢ،

ܩܲܘܸܚܘܼܢ ܠܐܲܠܵܗܵܐ ܕܝܲܥܩܘܿܒ݂.

2 ܡܲܪܡܘܼܢ ܙܡܵܪܬܵ‌ܐ ܘܡܚܹܝܡܘܼܢ ܦܠܲܓܵܐ،

ܟܸܢܵܪܵܐ ܒܲܣܝܼܡܬܵ‌ܐ ܥܲܡ ܩܝܼܬܵܪܵܐ.

3 ܡܚܹܝܡܘܼܢ ܫܝܼܦܘܿܪܵܐ ܒܪܹܝܫ ܝܲܪܚܵܐ،

ܒܡܸܠܝܘܼܬܵ‌ܐ ܕܣܲܗܪܵܐ، ܒܝܵܘܡܵܐ ܕܥܹܐܕܲܢ،

4 ܣܵܒܵܒ ܩܵܢܘܿܢܵܐ ܝܠܹܗ ܠܐܝܼܣܪܵܐܹܝܠܔ،

ܕܝܼܘܵܢ ܕܐܲܠܵܗܵܐ ܕܝܲܥܩܘܿܒ݂.

5 ܩܵܡ ܡܲܬܸܒ݂ ܠܹܗ ܣܵܗܕܘܼܬܵ‌ܐ ܒܝܵܘܣܸܦ،

ܟܲܕ ܦܠܝܼܛ ܠܹܗ ܥܲܠܔ ܐܲܪܥܵܐ ܕܡܸܨܪܹܝܢ.

ܠܸܫܵܢܵܐ ܕܠܵܐ ܝܕܝܼܥ ܠܝܼ ܫܡܝܼܥ ܠܝܼ:

6 ܡܘܼܩܠܸܒ ܠܝܼ ܪܘܼܦ̮ܫܹܗ ܡ̣ܢ ܟܵܪܬܵ‌ܐ،

ܫܪܹܐ ܠܝܼ ܐܝܼܕܵܬܘܼ̈ܗ‌ܝ ܡ̣ܢ ܩܸܪܛܵܠܵܐ.

7 ܓܵܘ ܐܘܼܠܨܵܢܵܐ ܩܪܹܐ ܠܘܼܟ݂ ܘܩܵܡ ܦܲܨܸܢܘܼܟ݂،

ܩܵܡ ܓ̰ܲܘܸܒܸܢܘܼܟ݂ ܒܣܸܬܵܪܵܐ ܕܪܲܥܡܵܐ،

ܩܵܡ ܒܵܚܪܹܢܘܼܟ݂ ܒܡ̈ܝܼܵܐ ܕܡܪܝܼܒ݂ܵܐ.

8 ܫܡܹܥ، ܝܵܐ ܥܲܡܝܼ، ܘܣܵܗܕܹܢ ܥܲܠܘܼܟ݂،

ܝܵܐ ܐܝܼܣܪܵܐܹܝܠܔ، ܛܘܼܒ݂ܵܐ ܕܫܵܡܥܹܬ ܐܸܠܝܼ.

9 ܠܵܐ ܗܵܘܹܐ ܓܵܘܘܼܟ݂ ܐܲܠܵܗܵܐ ܩܵܪܝܼܒܵܝܵܐ،

ܘܠܵܐ ܣܵܓ݂ܕܹܬ ܠܐܲܠܵܗܵܐ ܢܘܼܟ݂ܪܵܝܵܐ.

10 ܐܵܢܵܐ ܝܘܸܢ ܡܵܪܝܵܐ ܐܲܠܵܗܘܼܟ݂،

ܕܩܵܡ ܡܲܐܣܩܸܢܘܼܟ݂ ܡ̣ܢ ܐܲܪܥܵܐ ܕܡܸܨܪܹܝܢ،

ܦܬܘܿܚ ܠܹܗ ܦܘܼܡܘܼܟ݂ ܘܒܸܬ ܡܵܠܹܢܹܗ.

11 ܐܝܼܢܵܐ ܥܲܡܝܼ ܠܵܐ ܩܵܡ ܫܵܡܹܥ ܠܹܗ ܩܵܠܝܼ،

ܘܐܝܼܣܪܵܐܹܝܠܔ ܠܵܐ ܒܥܹܐ ܠܹܗ ܡܲܨܝܸܬ ܐܸܠܝܼ.

12 ܒܘܼܬ ܐܵܗܵܐ، ܣܘܼܦܝܵܝ ܠܝܼ ܠܩܸܫܝܘܼܬܵ‌ܐ ܕܠܸܒܵܝܗ‌ܝ،

ܕܚܵܕܪܝܼ ܒܚܘܼܫܵܒ݂ܵܝܗ‌ܝ.

13 ܛܘܼܒ݂ܵܐ ܕܥܲܡܝܼ ܫܵܡܹܥ ܗܘܵܐ ܐܸܠܝܼ،

ܐܝܼܣܪܵܐܹܝܠܔ ܒܐܘܼܪ̈ܚܵܬ‌ܝܼ ܚܵܕܹܪ ܗܘܵܐ.

14 ܒܵܬܪ ܚܲܕܟ̰ܵܐ ܕܸܫ̃ܡܸܢܵܝ̈ܗ‌ܝ ܒܸܬ ܙܲܒܛܸܢܸܢ ܗܘܵܐ ܠܗܘܿܢ،

ܘܥܲܠܔ ܡܲܠܝܸܨܵܢܵܝ̈ܗ‌ܝ ܒܸܬ ܡܲܕܸܪܸܢ ܗܘܵܐ ܐܝܼܕܝܼ.

15 ܣܵܢܝܵܢܹ̈ܐ ܕܡܵܪܝܵܐ ܒܸܬ ܫܵܠܡܝܼ ܗܘܵܘ ܐܸܠܹܗ،

ܘܒܸܬ ܗܵܘܹܐ ܗܘܵܐ ܚܸܠܩܵܝܗ‌ܝ ܠܥܵܠܲܡ.

16 ܐܝܼܢܵܐ ܒܸܬ ܡܲܐܟ݂ܠܸܢ ܗܘܵܐ ܠܘܼܟ݂ ܡ̣ܢ ܫܲܡܝܼܢܘܼܬܵ‌ܐ ܕܚܸܛܹ̈ܐ،

ܘܡ̣ܢ ܕܸܒ݂ܫܵܐ ܕܐܝܼܨܵܪܵܐ ܒܸܬ ܡܲܣܒܸܥܸܢ ܗܘܵܐ ܠܘܼܟ݂.