1 ܫܲܬܐܸܣܬܵ‌ܐ ܕܡܕܝܼܢ݇ܬܹܗ ܒܛܘܼܪ̈ܵܢܹܐ ܕܩܘܼܕܫܵܐ ܝܠܵܗ̇.

2 ܟܹܐ ܡܲܚܸܒ ܡܵܪܝܵܐ ܕܲܪ̈ܘܵܙܹܐ ܕܨܸܗܝܘܿܢ،

ܒܘܼܫ ܡ̣ܢ ܟܠܵܝܗ‌ܝ ܡܲܫܟܢܹ̈ܐ ܕܝܲܥܩܘܿܒ݂.

3 ܚܲܒܪܹ̈ܐ ܡܝܘܼܩܪܹ̈ܐ ܗܘܼܡܙܸܡܹܐ ܝܢܵܐ ܒܘܼܬ ܕܝܼܵܟ݂ܝ،

ܝܵܐ ܡܕܝܼܢ݇ܬܵ‌ܐ ܕܐܲܠܵܗܵܐ.

4 ܒܸܬ ܡܲܕܟܸܪܸܢ ܪܵܚܵܒ݂ ܘܒܵܒܹܠܔ ܓܵܘ ܝܵܕܥܵܢܝܼ̈،

ܗܵܐ، ܦܠܸܫܬ ܘܨܘܿܪ ܥܲܡ ܟܘܼܫ:

ܐܵܗܵܐ ܦܝܼܫ ܠܹܗ ܝܠܝܼܕܵܐ ܬܵܡܵܐ.

5 ܐܝܼܢܵܐ ܒܘܼܬ ܨܸܗܝܘܿܢ ܒܸܬ ܦܵܐܹܫ ܐܡܝܼܪܵܐ:

”ܐܵܗܵܐ ܘܗ̇ܘ ܦܝܼܫ ܠܹܗ ܝܠܝܼܕܵܐ ܓܵܘܘܼܗ̇.

ܘܗ̇ܘ ܥܸܠܵܝܵܐ ܒܸܬ ܡܲܩܘܹܐ ܠܵܗ̇.“

6 ܡܵܪܝܵܐ ܒܸܬ ܡܵܢܹܐ ܐܝܼܡܲܢ ܕܟܵܬܹܒ݂ ܥܲܡܡܹ̈ܐ:

”ܐܵܗܵܐ ܦܝܼܫ ܠܹܗ ܝܠܝܼܕܵܐ ܬܵܡܵܐ.“

7 ܙܲܡܵܪܹ̈ܐ ܥܲܡ ܪ̈ܲܩܵܕܹܐ ܐܵܡܪܝܼ:

”ܟܠܵܝܗ‌ܝ ܥܲܝܢܵܬ‌ܝܼ̈ ܕܡ̈ܝܼܵܐ ܓܵܘܵܟ݂ܝ ܝܼܢܵܐ.“