1 ܘܚܙܹܐ ܠܝܼ ܚܲܕ ܕܵܒܵܐ ܒܸܦܠܵܛܵܐ ܡ̣ܢ ܝܵܡܵܐ. ܐܝܼܬ ܗܘܵܐ ܠܹܗ ܥܸܣܪܵܐ ܩܲܪ̈݇ܢܵܢܹܐ ܘܫܲܒ݂ܥܵܐ ܪܹ̈ܝܫܵܢܹܐ، ܘܥܲܠܔ ܩܲܪ̈݇ܢܵܢܘܼܗ‌ܝ ܥܸܣܪܵܐ ܬܵܓܹ̈ܐ، ܘܥܲܠܔ ܪܹ̈ܝܫܵܢܘܼܗ‌ܝ ܫܸܡܵܢܹ̈ܐ ܕܓܘܼܕܵܦܵܐ. 2 ܗ̇ܘ ܕܵܒܵܐ ܕܚܙܹܐ ܠܝܼ ܟܹܐ ܕܵܡܹܐ ܗܘܵܐ ܠܢܸܡܪܵܐ، ܘܐܲܩܠܵܬܘܼ̈ܗ‌ܝ ܐܲܝܟ݂ ܐܲܩܠܵܬܹ̈‌ܐ ܕܕܸܒܵܐ، ܘܦܘܼܡܹܗ ܐܲܝܟ݂ ܦܘܼܡܵܐ ܕܐܲܪܝܵܐ. ܝܘܼܗܒܹܠܔ ܠܹܗ ܬܲܢܝܼܢܵܐ ܠܕܵܒܵܐ ܚܲܝܠܹܗ، ܘܬܪܘܿܢܘܿܣܹܗ ܘܫܘܼܠܛܵܢܵܐ ܓܘܼܪܵܐ. 3 ܘܚܲܕ ܡ̣ܢ ܪܹ̈ܝܫܵܢܹܐ ܕܕܵܒܵܐ ܕܘܼܪܒܸܢܵܐ ܝܗܘܵܐ ܐܲܝܟ݂ ܡܚܘܿܬܵ‌ܐ، ܐܝܼܢܵܐ ܕܲܪܒܵܐ ܕܡܵܘܬܵ‌ܐ ܒܣܝܼܡ ܠܵܗ̇؛ ܘܟܠܵܗ̇ ܕܘܼܢܝܹܐ ܬܒܝܼܥ ܠܵܗ̇ ܠܗ̇ܘ ܕܵܒܵܐ. 4 ܘܐܢܵܫܹ̈ܐ ܣܓ݂ܝܼܕ ܠܗܘܿܢ ܠܬܲܢܝܼܢܵܐ ܣܵܒܵܒ ܝܘܼܗܒܹܠܔ ܠܹܗ ܫܘܼܠܛܵܢܵܐ ܠܕܵܒܵܐ، ܘܣܓ݂ܝܼܕ ܠܗܘܿܢ ܠܕܵܒܵܐ ܒܹܐܡܵܪܵܐ: ”ܡܵܢܝܼ ܝܠܹܗ ܐܲܝܟ݂ ܕܵܒܵܐ؟ ܘܡܵܢܝܼ ܡܵܨܹܐ ܦܵܠܹܫ ܥܲܡܹܗ؟“ 5 ܦܝܼܫ ܠܹܗ ܝܘܼܗܒ݂ܵܐ ܠܕܵܒܵܐ ܦܘܼܡܵܐ ܕܗܲܡܙܸܡ ܡܸܢܕܝܼܵܢܹ̈ܐ ܓܘܼܪܹ̈ܐ ܘܓܘܼܕܵܦܹ̈ܐ؛ ܘܦܝܼܫ ܠܹܗ ܝܘܼܗܒ݂ܵܐ ܐܸܠܹܗ ܫܘܼܠܛܵܢܵܐ ܩܵܐ ܡܸܬܚܵܐ ܕܐܲܪܒܥܝܼ ܘܬܪܹܝ ܝܲܪ̈ܚܹܐ. 6 ܘܦܬܝܼܚ ܠܹܗ ܦܘܼܡܹܗ ܒܓܘܼܕܵܦܹ̈ܐ ܥܲܠܔ ܐܲܠܵܗܵܐ، ܒܸܓܕܵܦܵܐ ܥܲܠܔ ܫܸܡܹܗ، ܘܠܡܲܫܟܢܹܗ، ܘܠܐܵܢܝܼ ܕܒܸܥܡܵܪܵܐ ܝܢܵܐ ܒܫܡܲܝܵܐ. 7 ܦܝܼܫ ܠܹܗ ܝܘܼܗܒ݂ܵܐ ܐܸܠܹܗ ܚܲܝܠܵܐ ܠܸܦܠܵܫܵܐ ܕܲܠܩܘܼܒ݂ܠܔ ܕܩܲܕܝܼܫܹ̈ܐ ܘܠܸܓ݂ܠܵܒܵܝ. ܘܐܘܼܦ ܦܝܼܫ ܠܹܗ ܝܘܼܗܒ݂ܵܐ ܐܸܠܹܗ ܫܘܼܠܛܵܢܵܐ ܥܲܠܔ ܟܠܔ ܫܲܒ݂ܛܵܐ ܘܛܵܝܸܦܵܐ ܘܠܸܫܵܢܵܐ ܘܐܘܼܡܬܵ‌ܐ. 8 ܟܠܵܝܗ‌ܝ ܥܵܡܪ̈ܵܢܹܐ ܕܐܲܪܥܵܐ ܒܸܬ ܣܵܓ݂ܕܝܼ ܠܕܵܒܵܐ، ܟܠܔ ܕܠܹܐ ܝܠܹܗ ܟܬܝܼܒ݂ܵܐ ܫܸܡܹܗ ܓܵܘ ܟܬܵܒ݂ܵܐ ܕܚܲܝܹ̈ܐ ܕܗ̇ܘ ܦܹܐܪܵܐ ܦܪܝܼܡܵܐ ܡ̣ܢ ܫܘܼܪܵܝܵܐ ܕܒܪܝܼܬܵ‌ܐ. 9 ܗ̇ܘ ܕܐܝܼܬ ܠܹܗ ܢܵܬܝܵܬܹ̈‌ܐ، ܫܵܡܹܥ. 10 ܗ̇ܘ ܕܗܕܝܼܪܵܐ ܝܠܹܗ ܕܐܵܙܹܠܔ ܒܣܠܵܒܵܐ، ܒܣܠܵܒܵܐ ܒܸܬ ܐܵܙܹܠܔ؛ ܗ̇ܘ ܕܒܣܲܝܦܵܐ ܩܵܛܹܠܔ، ܒܣܲܝܦܵܐ ܒܸܬ ܦܵܐܹܫ ܩܛܝܼܠܵܐ. ܠܲܐܟ݂ܵܐ ܘܵܠܹܐ ܝܠܵܗ̇ ܠܩܲܕܝܼܫܹ̈ܐ ܕܗܵܘܹܐ ܠܗܘܿܢ ܚܡܵܠܬܵ‌ܐ ܘܗܲܝܡܵܢܘܼܬܵ‌ܐ.

11 ܗ̇ܝܓܵܗ ܚܙܹܐ ܠܝܼ ܚܲܕ ܕܵܒܵܐ ܐܚܹܪܢܵܐ ܒܸܦܠܵܛܵܐ ܡ̣ܢ ܐܲܪܥܵܐ. ܐܝܼܬ ܗܘܵܐ ܠܹܗ ܬܪܹܝ ܩܲܪ̈݇ܢܵܢܹܐ ܐܲܝܟ݂ ܩܲܪ̈݇ܢܵܢܹܐ ܕܦܹܐܪܵܐ، ܐܝܼܢܵܐ ܗܲܡܙܘܼܡܹܐ ܝܗܘܵܐ ܐܲܝܟ݂ ܬܲܢܝܼܢܵܐ. 12 ܘܒܸܥܒ݂ܵܕܵܐ ܝܗܘܵܐ ܩܲܕܡ ܥܲܝܢܘܼ̈ܗ‌ܝ ܟܠܹܗ ܫܘܼܠܛܵܢܵܐ ܕܗ̇ܘ ܕܵܒܵܐ ܩܲܕܡܵܝܵܐ، ܘܥܒ݂ܝܼܕ ܠܹܗ ܠܐܲܪܥܵܐ ܘܠܥܵܡܪ̈ܵܢܹܐ ܕܥܲܠܘܼܗ̇ ܕܣܵܓ݂ܕܝܼ ܠܗ̇ܘ ܕܵܒܵܐ ܩܲܕܡܵܝܵܐ، ܗ̇ܘ ܕܒܣܝܼܡ ܠܹܗ ܡ̣ܢ ܡܚܘܿܬܵ‌ܐ ܕܡܵܘܬܵ‌ܐ. 13 ܟܹܐ ܥܵܒܹܕ ܢܝܼܫܲܢܩܹ̈ܐ ܓܘܼܪܹ̈ܐ، ܗܵܕܵܐ ܕܐܘܼܦ ܢܘܼܪܵܐ ܡܘܼܨܠܹܐ ܠܹܗ ܡ̣ܢ ܫܡܲܝܵܐ ܠܐܲܪܥܵܐ ܩܲܕܡ ܒܢܲܝ̈ܢܵܫܵܐ. 14 ܘܡܘܼܚܠܸܛ ܠܹܗ ܠܥܵܡܪ̈ܵܢܹܐ ܕܐܲܪܥܵܐ ܒܘܼܬ ܢܝܼܫܲܢܩܹ̈ܐ ܕܦܝܼܫܹܐ ܝܗܘܵܘ ܝܘܼܗܒܹܐ ܐܸܠܹܗ ܠܸܥܒ݂ܵܕܵܐ ܩܲܕܡ ܕܵܒܵܐ، ܒܹܐܡܵܪܵܐ ܠܥܵܡܪ̈ܵܢܹܐ ܕܐܲܪܥܵܐ ܕܥܵܒ݂ܕܝܼ ܨܲܠܡܵܐ ܠܕܵܒܵܐ ܕܦܝܼܫܵܐ ܝܗܘܵܐ ܕܘܼܪܒܸܢܵܐ ܒܣܲܝܦܵܐ، ܘܚܝܹܐ ܠܹܗ. 15 ܘܦܝܼܫ ܠܹܗ ܝܘܼܗܒ݂ܵܐ ܐܸܠܹܗ ܚܲܝܠܵܐ ܕܝܵܗܒܹܠܔ ܚܲܝܹ̈ܐ ܠܨܲܠܡܵܐ ܕܕܵܒܵܐ، ܗܵܕܟ݂ܵܐ ܕܨܲܠܡܵܐ ܕܕܵܒܵܐ ܐܘܼܦ ܡܵܨܹܐ ܗܲܡܙܸܡ، ܘܐܘܼܦ ܥܵܒܹܕ ܟܠܵܝܗ‌ܝ ܐܵܢܝܼ ܕܠܵܐ ܣܵܓ݂ܕܝܼ ܠܨܲܠܡܵܐ ܕܕܵܒܵܐ ܕܦܵܝܫܝܼ ܩܛܝܼܠܹܐ. 16 ܘܕܥܵܒܹܕ ܠܟܠܵܝܗ‌ܝ، ܠܓܘܼܪܵܐ ܘܠܙܥܘܿܪܵܐ، ܠܥܲܬܝܼܪܹ̈ܐ ܘܠܡܸܣܟܹܢܹ̈ܐ، ܠܚܹܐܪܹ̈ܐ ܘܠܥܲܒ݂ܕܹ̈ܐ، ܕܦܵܝܫܝܼ ܝܘܼܗܒܹܐ ܢܝܼܫܲܢܩܵܐ ܥܲܠܔ ܐܝܼܕܵܝܗ‌ܝ ܕܝܲܡܝܼܢܵܐ ܝܲܢ ܥܲܠܔ ܩܸܨܵܝܗ‌ܝ، 17 ܗܵܕܟ݂ܵܐ ܕܐܘܼܦ ܚܲܕ ܠܵܐ ܡܵܨܹܐ ܙܵܒܹܢ ܝܲܢ ܙܲܒܸܢ، ܫܒ݂ܘܿܩ ܡ̣ܢ ܗ̇ܘ ܕܐܝܼܬ ܠܹܗ ܢܝܼܫܲܢܩܵܐ، ܕܝܼܠܹܗ ܫܸܡܵܐ ܕܕܵܒܵܐ، ܝܲܢ ܡܸܢܝܵܢܵܐ ܕܫܸܡܹܗ. 18 ܠܲܐܟ݂ܵܐ ܝܠܵܗ̇ ܚܸܟ݂ܡܬܵ‌ܐ. ܗ̇ܘ ܕܐܝܼܬ ܠܹܗ ܗܵܘܢܵܐ ܚܲܫܒܸܢ ܡܸܢܝܵܢܵܐ ܕܕܵܒܵܐ؛ ܣܵܒܵܒ ܡܸܢܝܵܢܵܐ ܕܒܲܪܢܵܫܵܐ ܝܠܹܗ؛ ܘܡܸܢܝܵܢܹܗ ܝܼܠܹܗ ܫܬܵܡܵܐܐ ܘܫܬ‌ܝܼ ܘܫܬܵ‌ܐ.