ܡܙܡܘܪ̈ܐ.
10.
ܩܵܡܘܿܕܝܼ، ܝܵܐ ܡܵܪܝܵܐ، ܟܵܠܹܝܬ ܪܸܚܩܵܐ، ܛܲܫܹܝܬ ܓܵܢܘܼܟ݂ ܒܥܕܵܢܵܬܹ̈‌ܐ ܕܥܵܘܩܵܢܵܐ؟ 
ܒܝܼܫܹ̈ܐ ܒܫܘܼܒ݂ܗܵܪܵܐ ܟܹܐ ܡܲܠܝܸܨܝܼ ܠܡܸܣܟܹܢܵܐ، ܫܒ݂ܘܿܩ ܦܵܝܫܝܼ ܕܒ݂ܝܼܩܹܐ ܒܚܘܼܫܵܒܹ̈ܐ ܕܥܒ݂ܝܼܕ ܠܗܘܿܢ. 
ܣܵܒܵܒ ܟܹܐ ܚܵܬܹܪ ܒܝܼܫܵܐ ܒܘܼܬ ܫܲܗܘܲܬܬܵ‌ܐ ܕܢܲܦ̮ܫܹܗ، ܘܚܵܛܘܿܦܵܐ ܟܹܐ ܠܵܐܹܛ ܘܟܹܐ ܡܲܣܠܹܐ ܠܡܵܪܝܵܐ. 
ܒܝܼܫܵܐ ܢܵܚܝܼܪܹܗ ܪܵܡܵܐ ܠܹܐ ܛܵܥܹܐ ܒܵܬܪܹܗ، ܠܲܝܬ ܐܲܠܵܗܵܐ ܒܟܠܵܝܗ‌ܝ ܚܘܼܫܵܒ݂ܘܼ̈ܗ‌ܝ. 
ܡܲܢܬܝܼܵܢܹ̈ܐ ܝܢܵܐ ܐܘܼܪ̈ܚܵܬܘܼܗ‌ܝ ܒܟܠܔ ܥܕܵܢܵܐ، ܪ̈ܵܡܹܐ ܝܢܵܐ ܕܝܼܘܵܢܘܼ̈ܟ݂، ܥܸܠܸܠܔ ܡ̣ܢ ܚܙܵܝܬܹܗ، ܟܹܐ ܓܲܫܸܩ ܒܥܲܝܢܵܐ ܕܡܲܣܠܲܝܬܵ‌ܐ ܠܟܠܵܝܗ‌ܝ ܕܸܫ̃ܡܸܢܘܼ̈ܗ‌ܝ. 
ܐܡܝܼܪܹܗ ܒܠܸܒܹܗ: ”ܠܹܐ ܫܵܥܫܹܢ، ܠܹܐ ܚܵܙܹܝܢ ܣܸܪܝܘܼܬܵ‌ܐ ܡ̣ܢ ܕܵܪܵܐ ܠܕܵܪܵܐ.“ 
ܦܘܼܡܹܗ ܡܸܠܝܵܐ ܝܠܹܗ ܠܵܘܛܬܵ‌ܐ ܘܦܸܠܡܹ̈ܐ ܘܓܸܙܡܵܐ، ܬܚܘܿܬ ܠܸܫܵܢܹܗ ܡܲܠܝܲܨܬܵ‌ܐ ܘܥܵܘܠܵܐ. 
ܟܹܐ ܝܵܬܹܒ݂ ܒܟܡܹܐܢܵܐ ܓܵܘ ܡܵܬܘܵܬܹ̈‌ܐ، ܓܵܘ ܣܸܬܵܪܹ̈ܐ ܟܹܐ ܩܵܛܹܠܔ ܠܙܲܟܵܝܵܐ، ܥܲܝܢܘܼ̈ܗ‌ܝ ܒܛܸܫܘܵܐ ܟܹܐ ܛܵܥܝܼ ܠܒܝܼܫܓܲܕܹ̈ܐ. 
ܟܹܐ ܝܵܬܹܒ݂ ܒܣܸܬܵܪܹ̈ܐ ܐܲܝܟ݂ ܐܲܪܝܵܐ ܒܓܘܼܒܹܗ، ܟܹܐ ܝܵܬܹܒ݂ ܒܟܡܹܐܢܵܐ ܠܸܚܛܵܦܵܐ ܠܡܸܣܟܹܢܵܐ، ܟܹܐ ܚܵܛܹܦ ܠܡܸܣܟܹܢܵܐ ܐܝܼܡܲܢ ܕܓܵܪܹܫ ܠܹܗ ܠܓܲܪܕܹܗ. 
ܟܹܐ ܟܵܐܹܦ ܠܸܨܦܵܚܵܐ، ܘܒܚܲܝܠܹܗ ܟܹܐ ܢܵܦܠܝܼ ܒܝܼܫܓܲܕܹ̈ܐ. 
ܐܡܝܼܪܹܗ ܒܠܸܒܹܗ: ”ܠܹܐ ܡܲܣܸܡ ܒܵܠܵܐ ܐܲܠܵܗܵܐ، ܟܘܼܣܝܘܼܗ̇ ܝܠܹܗ ܦܵܬܹܗ، ܠܹܐ ܚܵܙܹܐ ܠܥܵܠܲܡ.“ 
ܩܘܼܡ، ܝܵܐ ܡܵܪܝܵܐ ܐܲܠܵܗܵܐ، ܡܲܪܸܡ ܐܝܼܕܘܼܟ݂، ܠܵܐ ܢܵܫܹܝܬ ܠܡܸܣܟܹܢܹ̈ܐ. 
ܩܵܡܘܿܕܝܼ ܡܲܣܠܹܐ ܪܲܫܝܼܥܵܐ ܠܐܲܠܵܗܵܐ؟ ܐܡܝܼܪܹܗ ܒܠܸܒܹܗ: ”ܠܹܐ ܚܲܫܒܸܢܵܗ̇ ܥܲܠܝܼ.“ 
ܐܝܼܢܵܐ ܚܸܙܝܵܐ ܠܘܼܟ݂ ܐܲܢ݇ܬ! ܟܹܐ ܚܵܝܪܹܬ ܠܥܵܘܩܵܢܵܐ ܘܠܚܲܫܵܐ، ܠܸܫܩܵܠܵܐ ܓܵܘ ܐܝܼܕܵܬܹ̈‌ܐ ܕܓܵܢܘܼܟ݂؛ ܥܲܠܘܼܟ݂ ܟܹܐ ܣܲܦܹܐ ܠܵܗ̇ ܓܵܢܹܗ ܒܝܼܫܓܲܕܵܐ، ܠܝܲܬܘܼܡܵܐ ܐܲܢ݇ܬ ܟܹܐ ܗܵܘܹܝܬ ܗܲܝܸܪܵܢܵܐ. 
ܬܵܒ݂ܪܹܬ ܕܪܲܥܢܵܐ ܕܪܲܫܝܼܥܵܐ ܘܕܒܝܼܫܵܐ، ܬܲܥܠܡܸܬ ܠܒܝܼܫܬܹܗ ܗܲܠܔ ܕܠܵܐ ܡܲܫ݇ܟ̰ܚܸܬ ܠܵܗ̇ ܐܚܹܪܢܵܐ. 
ܡܵܪܝܵܐ ܡܲܠܟܵܐ ܝܠܹܗ ܠܥܵܠܲܡ ܥܵܠܡܝܼܢ، ܛܠܝܼܩ ܠܗܘܿܢ ܐܸܡܘܵܬܹ̈‌ܐ ܡ̣ܢ ܐܲܪܥܹܗ. 
ܛܠܵܒܬܵ‌ܐ ܕܡܸܣܟܹܢܹ̈ܐ ܫܡܝܼܥ ܠܘܼܟ݂، ܝܵܐ ܡܵܪܝܵܐ، ܒܸܬ ܡܲܩܘܹܝܬ ܠܸܒܵܝܗ‌ܝ، ܒܸܬ ܨܲܠܹܝܬ ܢܵܬܘܼܟ݂. 
ܠܸܥܒ݂ܵܕܵܐ ܕܝܼܘܵܢ ܕܝܲܬܘܼܡܵܐ ܘܡܘܼܠܝܸܨܵܐ، ܕܐܢܵܫܵܐ ܕܡ̣ܢ ܐܲܪܥܵܐ ܠܵܐ ܡܲܙܝܸܕ ܐܚܹܪܢܵܐ ܠܡܲܙܕܘܼܥܹܐ.