ܡܙܡܘܪ̈ܐ.
17.
ܫܡܹܥ، ܝܵܐ ܡܵܪܝܵܐ، ܠܦܲܪܦܲܠܬܵ‌ܐ ܙܲܕܝܼܩܬܵ‌ܐ، ܨܘܼܬ ܠܡܲܩܘܲܚܬ‌ܝܼ، ܗܲܒ݂ܠܔ ܢܵܬܵ‌ܐ ܠܨܠܘܿܬ‌ܝܼ، ܕܠܹܐ ܝܠܵܗ̇ ܒܣܸܦܘܵܬܹ̈‌ܐ ܕܦܸܠܡܵܐ. 
ܫܒ݂ܘܿܩ ܦܵܠܛܵܐ ܕܝܼܘܵܢܝܼ ܡܸܢܘܼܟ݂، ܥܲܝ̈ܢܘܼܟ݂ ܚܵܙܝܼ ܠܬܪ̈ܘܼܨܘܼܝܵܬܹ‌ܐ. 
ܒܘܼܚܸܪܘܼܟ݂ ܠܸܒܝܼ، ܣܘܼܚܒܸܪܘܼܟ݂ ܐܸܠܝܼ ܒܠܲܝܠܹܐ، ܨܘܼܪܸܦܸܢܘܼܟ݂، ܠܵܐ ܡܘܼܫ݇ܟ̰ܸܚ ܠܘܼܟ݂ ܡܸܢܕܝܼ ܚܸܠܛܵܐ ܒܝܼܝܼ، ܥܒ݂ܝܼܕ ܠܝܼ ܩܛܵܥܬܵ‌ܐ ܕܠܹܐ ܚܵܛܹܐ ܦܘܼܡܝܼ. 
ܒܘܼܬ ܦܘܼܠܚܵܢܹ̈ܐ ܕܒܲܪܢܵܫܵܐ، ܐܲܝܟ݂ ܗܹܡܸܙܡܵܢ ܕܣܸܦܘܵܬܘܼ̈ܟ݂، ܐܵܢܵܐ ܢܛܝܼܪܝܼ ܓܵܢܝܼ ܡ̣ܢ ܐܘܼܪ̈ܚܵܬܹ‌ܐ ܕܒܝܼܫܵܐ. 
ܩܘܹܐ ܠܗܘܿܢ ܦܵܣܘܿܥܝܵܬ‌ܝܼ̈ ܒܫܒ݂ܝܼܠܘܼ̈ܟ݂، ܠܵܐ ܫܥܝܼܫ ܠܗܘܿܢ ܐܲܩܠܵܬ‌ܝܼ̈. 
ܐܵܢܵܐ ܩܪܹܐ ܠܝܼ ܐܸܠܘܼܟ݂، ܝܵܐ ܐܲܠܵܗܵܐ، ܒܗ̇ܝ ܕܒܸܬ ܓ̰ܲܘܸܒܸܬ ܠܝܼ، ܡܲܟܸܦ ܢܵܬܘܼܟ݂ ܐܸܠܝܼ، ܫܡܹܥ ܠܗܹܡܸܙܡܵܢܝܼ̈. 
ܡܲܚܙܝܼ ܛܲܝܒܘܼܬܘܼܟ݂ ܒܥܲܓ̰ܝܼܒܘܼܬܵ‌ܐ، ܝܵܐ ܦܵܪܘܿܩܵܐ ܕܐܵܢܝܼ ܕܡ̣ܢ ܕܸܫ̃ܡܸܢܵܝ̈ܗ‌ܝ ܫܵܩܠܝܼ ܓܵܘܣܵܐ ܒܝܲܡܝܼܢܘܼܟ݂. 
ܢܛܘܿܪܝܼ ܐܲܝܟ݂ ܒܹܒܸܠܬܵ‌ܐ ܕܥܲܝܢܵܐ، ܒܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܛܲܫܹܝܬ ܠܝܼ؛ 
ܡ̣ܢ ܩܲܕܡ ܒܝܼܫܹ̈ܐ ܕܦܲܪܦܘܼܣܝܼ ܝܢܵܐ، ܡ̣ܢ ܕܸܫ̃ܡܸܢܝܼ̈ ܕܚܲܪܕܝܼ ܠܓܵܢܝܼ. 
ܕܒ݂ܝܼܪܘܼܗ‌ܝ ܝܢܵܐ ܠܸܒܵܝܗ‌ܝ ܩܸܫܝܵܐ، ܒܦܘܼܡܵܝܗ‌ܝ ܟܹܐ ܗܲܡܙܸܡܝܼ ܫܘܼܒ݂ܗܵܪܵܐ. 
ܚܘܼܪܕܝܼܹܐ ܝܢܵܐ ܐܸܠܝܼ ܐܵܕܝܼܵܐ ܒܦܵܣܘܿܥܝܵܬ‌ܝܼ̈، ܡܘܼܬܸܒ݂ ܠܗܘܿܢ ܥܲܝ̈ܢܵܝܗ‌ܝ ܠܪܲܦܘܼܝܝܼ ܠܐܲܪܥܵܐ. 
ܒܸܕܡܵܝܵܐ ܠܐܲܪܝܵܐ ܕܫܲܗܘܸܬ ܠܸܦܪܵܛܵܐ، ܘܠܓܘܼܪܝܵܐ ܕܐܲܪܝܵܐ ܝܬܝܼܒ݂ܵܐ ܒܣܸܬܵܪܹ̈ܐ. 
ܩܘܼܡ، ܝܵܐ ܡܵܪܝܵܐ، ܟܠܝܼ ܩܲܕܡ ܦܵܬܵܝܗ‌ܝ ܘܡܲܒܪܸܟ ܠܗܘܿܢ، ܦܲܨܝܼ ܠܓܵܢܝܼ ܡ̣ܢ ܪ̈ܲܫܝܼܥܹܐ ܒܝܲܕ ܣܲܝܦܘܼܟ݂؛ 
ܡ̣ܢ ܐܢܵܫܹ̈ܐ ܒܝܲܕ ܐܝܼܕܘܼܟ݂، ܝܵܐ ܡܵܪܝܵܐ، ܡ̣ܢ ܐܢܵܫܹ̈ܐ ܕܐܵܗܵܐ ܥܵܠܡܵܐ، ܕܣܵܗܡܵܝܗ‌ܝ ܒܐܲܢܹܐ ܚܲܝܹ̈ܐ ܝܠܹܗ، ܘܒܣܝܼܡܬܘܼܟ݂ ܟܹܐ ܡܵܠܹܝܬ ܟܹܪ݇ܣܵܝܗ‌ܝ، ܘܟܹܐ ܣܵܒ݂ܥܝܼ ܒܢܘܿܢܵܝ̈ܗ‌ܝ، ܘܫܵܒ݂ܩܝܼ ܫܲܪܟܵܢܵܐ ܠܝܲܠܘܼܕܵܝ̈ܗ‌ܝ. 
ܐܝܼܢܵܐ ܐܵܢܵܐ، ܒܸܬ ܚܵܙܹܝܢ ܠܦܵܬܘܼܟ݂ ܒܙܲܕܝܼܩܘܼܬܵ‌ܐ، ܒܸܬ ܣܵܒ݂ܥܹܢ ܒܨܘܼܪܬܘܼܟ݂ ܐܝܼܡܲܢ ܕܪܵܥܫܹܢ.