ܡܙܡܘܪ̈ܐ.
27.
ܡܵܪܝܵܐ ܒܲܗܪܝܼ ܝܠܹܗ ܘܦܘܼܪܩܵܢܝܼ، ܡ̣ܢ ܡܵܢܝܼ ܙܵܕܥܹܢ؟ ܡܵܪܝܵܐ ܩܲܠܥܵܐ ܕܚܲܝܝܼ̈ ܝܠܹܗ، ܡ̣ܢ ܡܵܢܝܼ ܫܵܥܫܹܢ؟ 
ܟܲܕ ܩܘܼܪܒܸܢܗܘܿܢ ܥܲܠܝܼ ܒܝܼܫܹ̈ܐ ܕܐܵܟ݂ܠܝܼ ܒܸܣܪܝܼ، ܡܲܠܝܸܨܵܢܝܼ̈ ܘܕܸܫ̃ܡܸܢܝܼ̈، ܐܵܢܝܼ ܬܘܼܪܩܸܠܔ ܠܗܘܿܢ ܘܢܦܝܼܠܔ ܠܗܘܿܢ. 
ܐܸܢ ܫܵܪܝܵܐ ܥܲܠܝܼ ܡܲܫܪܝܼܬܵ‌ܐ، ܠܹܐ ܙܵܕܹܥ ܠܸܒܝܼ؛ ܐܸܢ ܩܵܐܹܡ ܥܲܠܝܼ ܦܠܵܫܵܐ، ܗܸܫ ܐܵܢܵܐ ܒܣܲܒ݂ܪܵܐ ܝܘܸܢ. 
ܚܕܵܐ ܛܠܵܒܬܵ‌ܐ ܥܒ݂ܝܼܕ ܠܝܼ ܡ̣ܢ ܡܵܪܝܵܐ، ܠܗ̇ܝ ܒܸܬ ܛܵܥܹܝܢ: ܕܝܵܬܒܹܢ ܒܒܲܝܬܵ‌ܐ ܕܡܵܪܝܵܐ ܟܠܵܝܗ‌ܝ ܝܵܘܡܵܢܹ̈ܐ ܕܚܲܝܝܼ̈؛ ܠܸܚܙܵܝܵܐ ܒܲܣܝܼܡܘܼܬܵ‌ܐ ܕܡܵܪܝܵܐ، ܘܠܦܲܪܦܘܼܠܹܐ ܒܗܲܝܟܠܹܗ. 
ܣܵܒܵܒ ܒܸܬ ܛܲܫܹܐ ܠܝܼ ܒܡܛܲܠܠܹܗ ܒܝܵܘܡܵܐ ܕܒܝܼܫܬܵ‌ܐ، ܒܸܬ ܟܲܣܹܐ ܠܝܼ ܒܣܸܬܵܪܵܐ ܕܡܲܫܟܢܹܗ، ܥܲܠܔ ܐܝܼܨܵܪܵܐ ܒܸܬ ܡܲܪܸܡ ܠܝܼ. 
ܘܐܵܕܝܼܵܐ ܒܸܬ ܦܵܐܹܫ ܡܘܼܪܡܵܐ ܪܹܝܫܝܼ ܥܸܠܸܠܔ ܡ̣ܢ ܕܸܫ̃ܡܸܢܝܼ̈ ܕܠܚܵܕܸܪ̈ܘܵܢܝܼ، ܘܒܸܬ ܕܵܒ݂ܚܹܢ ܒܡܲܫܟܢܹܗ ܕܸܒ݂ܚܹ̈ܐ ܟܲܕ ܫܲܒܘܼܚܹܐ، ܒܸܬ ܫܲܒܚܸܢ ܘܒܸܬ ܙܵܡܪܹܢ ܠܡܵܪܝܵܐ. 
ܫܡܹܥ ܡܵܪܝܵܐ ܩܵܠܝܼ ܐܝܼܡܲܢ ܕܩܵܪܹܝܢ، ܘܪܲܚܸܡ ܥܲܠܝܼ ܘܓ̰ܲܘܸܒ ܠܝܼ. 
ܐܝܼܡܲܢ ܕܐܡܝܼܪܘܼܟ݂: ”ܛܥܹܝܡܘܼܢ ܐܸܠܝܼ،“ ܐܡܝܼܪܹܗ ܐܸܠܘܼܟ݂ ܠܸܒܝܼ: ”ܐܸܠܘܼܟ݂، ܝܵܐ ܡܵܪܝܵܐ، ܒܸܬ ܛܵܥܹܝܢ.“ 
ܠܵܐ ܛܲܫܹܝܬ ܦܵܬܘܼܟ݂ ܡܸܢܝܼ، ܠܵܐ ܡܲܕܸܪܸܬ ܠܹܗ ܪܹܓܘܼܟ݂ ܒܟܲܪܒܵܐ، ܗܲܝܲܪܬ‌ܝܼ ܗܘܹܐ ܠܘܼܟ݂، ܠܵܐ ܪܲܦܹܝܬ ܠܝܼ ܘܠܵܐ ܫܵܒ݂ܩܹܬ ܠܝܼ، ܝܵܐ ܐܲܠܵܗܵܐ ܕܦܘܼܪܩܵܢܝܼ؛ 
ܣܵܒܵܒ ܒܵܒܝܼ ܘܝܸܡܝܼ ܫܒ݂ܝܼܩܸܢܗܘܿܢ، ܐܝܼܢܵܐ ܡܵܪܝܵܐ ܒܸܬ ܓ̰ܲܡܸܥ ܠܝܼ. 
ܡܲܠܸܦ ܠܝܼ، ܝܵܐ ܡܵܪܝܵܐ، ܐܘܼܪܚܘܼܟ݂، ܘܡܗܲܕܝܼ ܠܝܼ ܒܫܒ݂ܝܼܠܵܐ ܬܪܘܼܨܵܐ، ܡ̣ܢ ܥܸܠܬܵ‌ܐ ܕܕܸܫ̃ܡܸܢܝܼ̈. 
ܠܵܐ ܣܲܦܹܝܬ ܠܝܼ ܒܨܸܒ݂ܝܵܢܵܐ ܕܕܲܠܩܘܼܒ݂ܠܵܝܝܼ̈، ܣܵܒܵܒ ܩܝܼܡ ܠܗܘܿܢ ܥܲܠܝܼ ܣܵܗܕܹ̈ܐ ܕܲܓܵܠܹ̈ܐ ܘܢܵܦܚܵܢܹ̈ܐ ܕܚܸܡܬܵ‌ܐ. 
ܐܵܢܵܐ ܗܘܼܡܸܢܝܼ ܠܸܚܙܵܝܵܐ ܠܛܵܒ݂ܬܵ‌ܐ ܕܡܵܪܝܵܐ ܒܐܲܪܥܵܐ ܕܚܵܝܹ̈ܐ. 
ܣܦܘܿܪ ܠܡܵܪܝܵܐ، ܚܲܠܸܢ ܘܙܲܪܒܸܢ ܠܸܒܘܼܟ݂، ܘܣܦܘܿܪ ܠܡܵܪܝܵܐ.