ܡܙܡܘܪ̈ܐ.
41.
ܛܘܼܒ݂ܵܐ ܠܡ̇ܢ ܕܬܲܚܡܸܢ ܒܘܼܬ ܡܸܣܟܹܢܵܐ، ܒܝܵܘܡܵܐ ܕܒܝܼܫܬܵ‌ܐ ܒܸܬ ܦܲܨܹܐ ܠܹܗ ܡܵܪܝܵܐ. 
ܡܵܪܝܵܐ ܒܸܬ ܢܵܛܹܪܹܗ ܘܚܲܡܹܐ ܠܹܗ ܚܵܝܵܐ، ܒܸܬ ܗܵܘܹܐ ܛܘܼܒ݂ܵܢܵܐ ܒܐܲܪܥܵܐ، ܘܠܹܐ ܣܲܦܹܝܬ ܠܹܗ ܒܨܸܒ݂ܝܵܢܵܐ ܕܕܸܫ̃ܡܸܢܘܼ̈ܗ‌ܝ. 
ܡܵܪܝܵܐ ܒܸܬ ܣܵܢܹܕ ܠܹܗ ܥܲܠܔ ܫܘܝܼܬܵ‌ܐ ܕܟܹܐܒ݂ܘܼ̈ܗ‌ܝ، ܠܚܘܼܠܡܵܢܵܐ ܡܘܼܕܸܪܘܼܟ݂ ܟܠܹܗ ܡܲܪܥܹܗ. 
ܐܵܢܵܐ ܐܡܝܼܪܝܼ: ”ܝܵܐ ܡܵܪܝܵܐ، ܪܲܚܸܡ ܥܲܠܝܼ، ܒܲܣܸܡ ܠܓܵܢܝܼ ܒܗ̇ܝ ܕܚܛܹܐ ܠܝܼ ܐܸܠܘܼܟ݂.“ 
ܕܸܫ̃ܡܸܢܝܼ̈ ܟܹܐ ܐܵܡܪܝܼ ܒܝܼܫܬܵ‌ܐ ܥܲܠܝܼ: ”ܐܝܼܡܲܢ ܒܸܬ ܡܵܐܹܬ ܘܛܵܠܹܩ ܫܸܡܹܗ؟“ 
ܘܐܸܢ ܐܵܬܹ‌ܐ ܠܸܚܙܵܝܝܼ ܣܪܝܼܩܘܼܬܵ‌ܐ ܟܹܐ ܗܲܡܙܸܡ، ܟܹܐ ܓ̰ܲܡܸܥ ܥܵܘܠܵܐ ܠܸܒܹܗ، ܟܹܐ ܦܵܠܹܛ ܠܫܘܼܩܵܐ ܘܟܹܐ ܗܲܡܙܸܡ. 
ܟܠܵܝܗ‌ܝ ܣܵܢܝܵܢܝܼ̈ ܡܸܚܕܵܕܹ̈ܐ ܟܹܐ ܦܲܛܦܸܛܝܼ ܠܕܲܠܩܘܼܒ݂ܠܝܼ، ܟܹܐ ܚܵܫܒ݂ܝܼ ܒܝܼܫܬܵ‌ܐ ܥܲܠܝܼ، ܒܹܐܡܵܪܵܐ: 
”ܡܸܢܕܝܼ ܣܸܪܝܵܐ ܫܦܝܼܟ݂ܵܐ ܝܠܹܗ ܥܲܠܘܼܗ‌ܝ، ܘܐܝܼܡܲܢ ܕܕܵܡܹܟ݂ ܠܹܐ ܩܵܐܹܡ ܡܸܢܕܪܸܫ.“ 
ܐܘܼܦ ܪܵܚܡܝܼ ܕܩܘܼܪܒܵܐ، ܗ̇ܘ ܕܗܘܼܡܸܢܝܼ ܒܝܼܹܗ، ܐܵܟ݂ܠܵܢܵܐ ܕܠܲܚܡܝܼ، ܡܘܼܪܸܡ ܠܹܗ ܥܲܠܝܼ ܥܸܩܒܹܗ. 
ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܪܲܚܸܡ ܥܲܠܝܼ، ܘܡܲܩܸܡ ܠܝܼ ܕܦܵܪܥܹܢܗܘܿܢ. 
ܒܐܵܗܵܐ ܝܕܝܼܥ ܠܝܼ ܕܟܹܐ ܒܵܣܡܵܐ ܠܘܼܟ݂ ܒܝܼܝܼ، ܒܗ̇ܝ ܕܠܹܐ ܡܲܩܘܸܚ ܕܸܫ̃ܡܸܢܝܼ ܒܙܵܟ݂ܘܼܬܵ‌ܐ ܥܲܠܝܼ. 
ܘܒܘܼܬ ܕܝܼܝܼ، ܩܵܡ ܣܵܢܕܹܬ ܠܝܼ ܒܬܲܡܝܼܡܘܼܬ‌ܝܼ، ܘܢܨܝܼܒ݂ ܠܘܼܟ݂ ܐܸܠܝܼ ܩܲܕܡ ܦܵܬܘܼܟ݂ ܠܥܵܠܲܡ. 
ܒܪܝܼܟ݂ܵܐ ܝܠܹܗ ܡܵܪܝܵܐ ܐܲܠܵܗܵܐ ܕܐܝܼܣܪܵܐܹܝܠܔ، ܡ̣ܢ ܥܵܠܲܡ ܗܲܠܔ ܥܵܠܲܡ، ܐܵܡܹܝܢ ܘܐܵܡܹܝܢ.