ܡܙܡܘܪ̈ܐ.
42.
ܐܲܝܟ݂ ܐܲܝܠܵܐ ܕܪܲܚܪܸܚ ܠܫܵܩ̈ܝܼܵܬܹ‌ܐ ܕܡ̈ܝܼܵܐ، ܗܵܕܟ݂ܵܐ ܓܵܢܝܼ ܪܲܚܪܘܼܚܹܐ ܝܠܵܗ̇ ܐܸܠܘܼܟ݂، ܝܵܐ ܐܲܠܵܗܵܐ. 
ܨܗܝܼܬܵ‌ܐ ܝܠܵܗ̇ ܓܵܢܝܼ ܠܐܲܠܵܗܵܐ، ܠܐܲܠܵܗܵܐ ܚܵܝܵܐ. ܐܝܼܡܲܢ ܒܸܬ ܐܵܬܹܝܢ ܘܦܵܝܫܹܢ ܚܸܙܝܵܐ ܩܲܕܡ ܐܲܠܵܗܵܐ؟ 
ܕܸܡܥܝܼܬ‌ܝܼ ܗܘܹܐ ܠܵܗ̇ ܐܸܠܝܼ ܠܡܹܐܟ݂ܘܼܠܬܵ‌ܐ، ܐܝܼܡܵܡܵܐ ܘܠܲܝܠܹܐ، ܟܲܕ ܒܹܐܡܵܪܵܐ ܝܢܵܐ ܐܸܠܝܼ ܟܠܹܗ ܝܵܘܡܵܐ: ”ܐܲܝܟܵܐ ܝܠܹܗ ܐܲܠܵܗܘܼܟ݂؟“ 
ܐܲܢܹܐ ܟܹܐ ܕܵܟ݂ܪܹܢ ܘܟܹܐ ܝܵܠܨܵܐ ܥܲܠܝܼ ܓܵܢܝܼ: ܕܵܐܟ݂ܝܼ ܕܥܒ݂ܝܼܪܝܼ ܓܵܘ ܟܸܢܫܵܐ، ܙܘܼܝܸܚ ܠܝܼ ܥܲܡܵܝܗ‌ܝ ܗܲܠܔ ܒܲܝܬܵ‌ܐ ܕܐܲܠܵܗܵܐ، ܒܩܵܠܵܐ ܕܬܸܫܒܘܿܚܬܵ‌ܐ ܘܫܲܟܲܪܬܵ‌ܐ، ܟܢܘܼܫܝܵܐ ܒܸܥܒ݂ܵܕܵܐ ܥܹܐܕܵܐ. 
ܩܵܡܘܿܕܝܼ ܟܝܼܦܬܵ‌ܐ ܝܘܲܬ‌ܝ، ܝܵܐ ܓܵܢܝܼ، ܘܫܓ݂ܝܼܫܬܵ‌ܐ ܝܘܲܬ‌ܝ ܒܓܵܘܝܼ؟ ܣܦܘܿܪܝ ܠܐܲܠܵܗܵܐ، ܣܵܒܵܒ ܡܸܢܕܪܸܫ ܒܸܬ ܫܲܟܪܸܢܹܗ، ܝܵܐ ܦܵܪܘܿܩܝܼ 
ܘܐܲܠܵܗ‌ܝܼ. ܓܵܢܝܼ ܟܝܼܦܬܵ‌ܐ ܝܠܵܗ̇ ܒܓܵܘܝܼ، ܒܘܼܬ ܐܵܗܵܐ، ܒܸܬ ܕܵܟ݂ܪܹܢܘܼܟ݂ ܡ̣ܢ ܐܲܪܥܵܐ ܕܝܘܿܪܕܢܵܢ، ܘܛܘܼܪ̈ܵܢܹܐ ܕܚܸܪܡܘܿܢ، ܡ̣ܢ ܛܘܼܪܵܐ ܕܡܸܨܥܲܪ. 
ܬܗܘܿܡܵܐ ܠܬܗܘܿܡܵܐ ܟܹܐ ܩܵܪܹܐ ܒܩܵܠܵܐ ܕܫܲܪܫܘܿܪ̈ܘܼܟ݂، ܟܠܵܝܗ‌ܝ ܡܲܚܫܘܼܠܘܼ̈ܟ݂ ܘܠܲܦܘܼ̈ܟ݂ ܥܲܠܝܼ ܥܒ݂ܝܼܪܗܘܿܢ. 
ܒܐܝܼܡܵܡܵܐ ܟܹܐ ܦܵܩܹܕ ܡܵܪܝܵܐ ܛܲܝܒܘܼܬܹܗ، ܘܒܠܲܝܠܹܐ ܬܸܫܒܘܿܚܬܹܗ ܥܲܡܝܼ ܝܠܵܗ̇- ܨܠܘܿܬܵ‌ܐ ܠܐܲܠܵܗܵܐ ܕܚܲܝܝܼ̈. 
ܒܸܬ ܐܵܡܪܹܢ ܠܐܲܠܵܗܵܐ ܩܵܝܝܼ: ”ܩܵܡܘܿܕܝܼ ܩܵܡ ܡܲܢܫܹܝܬ ܠܝܼ؟ ܩܵܡܘܿܕܝܼ ܚܵܕܪܹܢ ܒܸܥܒ݂ܵܕܵܐ ܐܸܒ݂ܠܵܐ ܒܡܲܠܝܲܨܬܵ‌ܐ ܕܕܸܫ̃ܡܸܢ؟ 
”ܐܲܝܟ݂ ܬܒ݂ܵܪܬܵ‌ܐ ܕܓܵܘ ܓܲܪ̈ܡܝܼ ܟܹܐ ܠܵܝܡܝܼ ܠܝܼ ܡܲܠܝܸܨܵܢܝܼ̈، ܟܲܕ ܒܹܐܡܵܪܵܐ ܝܢܵܐ ܐܸܠܝܼ ܟܠܹܗ ܝܵܘܡܵܐ: ܐܲܝܟܵܐ ܝܠܹܗ ܐܲܠܵܗܘܼܟ݂؟“ 
ܩܵܡܘܿܕܝܼ ܟܝܼܦܬܵ‌ܐ ܝܘܲܬ‌ܝ، ܝܵܐ ܓܵܢܝܼ؟ ܘܩܵܡܘܿܕܝܼ ܫܓ݂ܝܼܫܬܵ‌ܐ ܝܘܲܬ‌ܝ ܒܓܵܘܝܼ؟ ܣܦܘܿܪܝ ܠܐܲܠܵܗܵܐ ܣܵܒܵܒ ܡܸܢܕܪܸܫ ܒܸܬ ܫܲܟܪܸܢܹܗ، ܝܵܐ ܦܵܪܘܿܩܝܼ ܘܐܲܠܵܗ‌ܝܼ.