ܡܙܡܘܪ̈ܐ. 50. ܐܹܝܠܔ، ܐܲܠܵܗܵܐ، ܡܵܪܝܵܐ، ܗܘܼܡܙܸܡ ܠܹܗ، ܘܩܪܹܐ ܠܹܗ ܠܐܲܪܥܵܐ ܡ̣ܢ ܙܪܵܩܵܐ ܕܫܸܡܫܵܐ ܗܲܠܔ ܓܢܵܝܬܹܗ. ܡ̣ܢ ܨܸܗܝܘܿܢ، ܓܡܝܼܪܘܼܬܵ‌ܐ ܕܫܘܼܦܪܵܐ، ܐܲܠܵܗܵܐ ܙܪܝܼܩ ܠܹܗ. ܒܸܬ ܐܵܬܹ‌ܐ ܐܲܠܵܗܲܢ ܘܠܹܐ ܫܵܬܹܩ، ܩܲܕܡܘܼܗ‌ܝ ܢܘܼܪܵܐ ܒܸܬ ܐܵܟܹܠܔ، ܚܵܕܸܪ̈ܘܵܢܘܼܗ‌ܝ ܥܲܠܥܵܠܵܐ ܪܵܒܵܐ. ܒܸܬ ܩܵܪܹܐ ܠܫܡܲܝܵܐ ܡ̣ܢ ܥܸܠܸܠܔ، ܘܠܐܲܪܥܵܐ ܠܸܕܝܵܢܵܐ ܠܥܲܡܹܗ. ”ܓ̰ܲܡܸܥܡܘܼܢ ܠܟܸܣܠܝܼ ܡܗܘܼܡܢܝܼ̈، ܩܵܛܥܵܢܹ̈ܐ ܕܘܲܥܕܝܼ ܒܕܸܒ݂ܚܵܐ.“ ܘܟܹܐ ܡܲܕܥܵܐ ܫܡܲܝܵܐ ܙܲܕܝܼܩܘܼܬܹܗ، ܣܵܒܵܒ ܐܲܠܵܗܵܐ ܝܠܹܗ ܕܲܝܵܢܵܐ ܗ̇ܘ. ܣܹܠܵܗ ”ܫܡܹܥ، ܝܵܐ ܥܲܡܝܼ، ܘܒܸܬ ܗܲܡܙܸܡܸܢ، ܝܵܐ ܐܝܼܣܪܵܐܹܝܠܔ، ܘܒܸܬ ܣܵܗܕܹܢ ܕܲܠܩܘܼܒ݂ܠܘܼܟ݂، ܐܲܠܵܗܵܐ، ܐܲܠܵܗܘܼܟ݂ ܐܵܢܵܐ ܝܘܸܢ. ”ܒܘܼܬ ܕܸܒ݂ܚܘܼ̈ܟ݂ ܠܹܐ ܡܲܢܟܸܣܸܢܘܼܟ݂، ܝܲܢ ܒܘܼܬ ܕܸܒ݂ܚܘܼ̈ܟ݂ ܡܘܼܩܕܹ̈ܐ ܕܝܼܢܵܐ ܠܒܲܠܩܘܼܒ݂ܠܝܼ ܐܲܡܝܼܢܵܐܝܼܬ. ”ܠܹܐ ܫܵܩܠܹܢ ܡ̣ܢ ܒܲܝܬܘܼܟ݂ ܬܵܘܪܵܐ، ܠܵܐ ܡ̣ܢ ܓܘܼܡܵܢܘܼ̈ܟ݂ ܢܹܐܪ̈ܝܼܹܐ. ”ܣܵܒܵܒ ܕܝܼܝܼ ܝܢܵܐ ܟܠܵܝܗ‌ܝ ܚܲܝܘܵܬܹ̈‌ܐ ܕܥܵܒ݂ܵܐ، ܘܒܥܝܼܪܹ̈ܐ ܕܒܐܲܠܦܵܐ ܛܘܼܪ̈ܵܢܹܐ. ”ܟܹܐ ܝܵܕܥܹܢ ܠܟܠܵܗ̇ ܦܵܪܲܚܬܵ‌ܐ ܕܛܘܼܪ̈ܵܢܹܐ، ܘܓ̰ܵܘܓ̰ܵܢܹ̈ܐ ܕܕܸܫܬܵ‌ܐ ܥܲܡܝܼ ܝܢܵܐ. ”ܐܸܢ ܟܵܦܢܹܢ ܗܘܵܐ ܠܹܐ ܐܵܡܪܹܢ ܗܘܵܐ ܐܸܠܘܼܟ݂، ܣܵܒܵܒ ܕܝܼܝܼ ܝܠܵܗ̇ ܒܪܝܼܬܵ‌ܐ ܘܡܸܠܝܘܼܬܘܼܗ̇. ”ܗܵܐ، ܒܸܬ ܐܵܟ݂ܠܹܢ ܒܸܣܪܵܐ ܕܡܘܼܓ̰ܹ̈ܐ، ܘܫܵܬܹܝܢ ܕܸܡܵܐ ܕܢܹܐܪ̈ܝܼܹܐ؟ ”ܕܒ݂ܘܿܚ ܠܐܲܠܵܗܵܐ ܫܲܟܲܪܬܵ‌ܐ، ܘܬܲܡܸܡ ܠܥܸܠܵܝܵܐ ܢܸܕܪ̈ܘܼܟ݂. ”ܘܩܪܝܼ ܐܸܠܝܼ ܒܝܵܘܡܵܐ ܕܐܘܼܠܨܵܢܵܐ، ܒܸܬ ܦܲܨܸܢܘܼܟ݂ ܘܒܸܬ ܡܝܲܩܪܸܬ ܠܝܼ.“ ܐܝܼܢܵܐ ܠܪܲܫܝܼܥܵܐ ܒܹܐܡܵܪܵܐ ܝܠܹܗ ܐܲܠܵܗܵܐ: ”ܡܵܐ ܠܘܼܟ݂ ܠܗܲܩܘܼܝܹܐ ܩܵܢܘܿܢܝܼ̈، ܘܠܸܫܩܵܠܵܐ ܘܲܥܕܝܼ ܒܦܘܼܡܘܼܟ݂؟ ”ܣܵܒܵܒ ܐܲܢ݇ܬ ܣܢܹܐ ܠܘܼܟ݂ ܬܲܥܠܲܡܬܵ‌ܐ، ܘܪܘܼܦܹܐ ܠܘܼܟ݂ ܗܹܡܸܙܡܵܢܝܼ̈ ܒܵܬܪܘܼܟ݂. ”ܐܸܢ ܚܙܹܐ ܠܘܼܟ݂ ܓܹܢܵܒ݂ܵܐ، ܟܹܐ ܒܵܣܡܵܐ ܠܘܼܟ݂ ܒܝܼܹܗ، ܘܥܲܡ ܓܲܝܵܪܹ̈ܐ ܝܠܹܗ ܣܵܗܡܘܼܟ݂. ”ܦܘܼܡܘܼܟ݂ ܝܘܼܗܒܹܠܔ ܠܘܼܟ݂ ܠܒܝܼܫܬܵ‌ܐ، ܘܠܸܫܵܢܘܼܟ݂ ܟܹܐ ܡܲܠܚܸܡ ܦܸܠܡܵܐ. ”ܟܹܐ ܝܵܬܒܹܬ ܗܲܡܙܸܡܸܬ ܕܲܠܩܘܼܒ݂ܠܔ ܕܐܲܚܘܿܢܘܼܟ݂، ܥܲܠܔ ܒܪܘܿܢܵܐ ܕܝܸܡܘܼܟ݂ ܟܹܐ ܕܵܪܹܝܬ ܒܘܼܚܬܵܢ. ”ܐܲܢܹܐ ܥܒ݂ܝܼܕ ܠܘܼܟ݂ ܘܐܵܢܵܐ ܫܬܝܼܩ ܠܝܼ؛ ܚܫܝܼܒ݂ ܠܘܼܟ݂ ܗܘܵܝܵܐ ܒܸܬ ܗܵܘܹܝܢ ܐܲܝܟ݂ ܕܝܼܘܼܟ݂، ܐܝܼܢܵܐ ܒܸܬ ܡܲܢܟܸܣܸܢܘܼܟ݂ ܘܒܸܬ ܚܵܪܙܹܢ ܥܒ݂ܵܕܘܼ̈ܟ݂ ܩܲܕܡ ܥܲܝ̈ܢܘܼܟ݂. ”ܦܲܪܡܹܝܡܘܼܢ ܐܵܗܵܐ، ܝܵܐ ܢܵܫܝܵܢܹ̈ܐ ܕܐܲܠܵܗܵܐ، ܕܠܵܐ ܗܵܘܝܵܐ ܕܦܲܪܦܸܛܸܢ ܘܠܵܐ ܗܵܘܹܐ ܦܲܨܝܵܢܵܐ. ”ܟܠܔ ܕܕܵܒܹܚ ܫܲܟܲܪܬܵ‌ܐ ܟܹܐ ܡܝܲܩܸܪܝܼ، ܘܠܡܲܪܝܸܙܸܢܵܐ ܕܐܘܼܪܚܹܗ ܒܸܬ ܡܲܚܙܹܝܢ ܦܘܼܪܩܵܢܵܐ ܕܐܲܠܵܗܵܐ.“