ܡܙܡܘܪ̈ܐ.
61.
ܫܡܹܥ، ܝܵܐ ܐܲܠܵܗܵܐ، ܠܡܲܩܘܲܚܬ‌ܝܼ، ܨܘܼܬ ܠܨܠܘܿܬ‌ܝܼ. 
ܡ̣ܢ ܦܪܵܩܬܵ‌ܐ ܕܐܲܪܥܵܐ ܒܸܬ ܩܵܪܹܝܢ ܐܸܠܘܼܟ݂ ܟܲܕ ܕܘܼܪܕܸܫ̃ܵܐ ܠܸܒܝܼ، ܡܗܲܕܝܼ ܠܝܼ ܠܐܝܼܨܵܪܵܐ ܒܘܼܫ ܪܵܡܵܐ ܡܸܢܝܼ. 
ܣܵܒܵܒ ܗܘܹܐ ܠܘܼܟ݂ ܒܹܝܬ ܓܵܘܣܵܐ ܐܸܠܝܼ، ܒܘܼܪܓ̰ܵܐ ܙܲܪܒܵܢܵܐ ܩܲܕܡ ܕܸܫ̃ܡܸܢ. 
ܒܸܬ ܥܵܡܪܹܢ ܓܵܘ ܡܲܫܟܢܘܼܟ݂ ܠܥܵܠܡܝܼܢ، ܒܸܬ ܫܵܩܠܹܢ ܓܵܘܣܵܐ ܒܣܸܬܵܪܵܐ ܕܓܘܼܠܦܵܢܘܼ̈ܟ݂. ܣܹܠܵܗ 
ܒܗ̇ܝ ܕܐܲܢ݇ܬ، ܝܵܐ ܐܲܠܵܗܵܐ، ܫܡܝܼܥ ܠܘܼܟ݂ ܢܸܕܪ̈ܝܼ، ܩܵܡ ܝܵܗܒܹܬ ܠܝܼ ܝܘܼܪܬܵܢܵܐ ܥܲܡ ܙܕܝܼ̈ܥܹܐ ܕܫܸܡܘܼܟ݂. 
ܝܵܘܡܵܢܹ̈ܐ ܒܸܬ ܡܲܙܝܸܕܸܬ ܥܲܠܔ ܝܵܘܡܵܢܹ̈ܐ ܕܡܲܠܟܵܐ، ܫܸܢܘܼ̈ܗ‌ܝ ܒܸܬ ܗܵܘܝܼ ܠܕܵܪܵܐ ܘܕܵܪܵܐ. 
ܒܸܬ ܝܵܬܹܒ݂ ܠܥܵܠܲܡ ܩܲܕܡ ܐܲܠܵܗܵܐ، ܦܩܘܿܕ ܛܲܝܒܘܼܬܵ‌ܐ ܘܫܪܵܪܵܐ ܠܸܢܛܵܪܵܐ ܐܸܠܹܗ. 
ܗܵܕܟ݂ܵܐ ܠܫܸܡܘܼܟ݂ ܒܸܬ ܙܵܡܪܹܢ ܠܥܵܠܲܡ، ܟܲܕ ܬܲܡܘܼܡܹܐ ܢܸܕܪ̈ܝܼ ܝܵܘܡܵܐ ܒܝܵܘܡܵܐ.