ܡܙܡܘܪ̈ܐ.
67.
ܐܲܠܵܗܵܐ ܗܵܘܹܐ ܚܲܢܵܢܵܐ ܐܸܠܲܢ ܘܒܲܪܸܟ݂ ܠܲܢ، ܒܲܗܪܸܢ ܦܵܬܹܗ ܠܟܸܣܠܲܢ. ܣܹܠܵܗ 
ܫܒ݂ܘܿܩ ܦܵܝܫܵܐ ܝܕܝܼܥܬܵ‌ܐ ܒܐܲܪܥܵܐ ܐܘܼܪܚܘܼܟ݂، ܒܟܠܵܝܗ‌ܝ ܐܸܡܘܵܬܹ̈‌ܐ ܦܘܼܪܩܵܢܘܼܟ݂. 
ܫܲܟܪܝܼ ܠܘܼܟ݂ ܥܲܡܡܹ̈ܐ، ܝܵܐ ܐܲܠܵܗܵܐ، ܫܲܟܪܝܼ ܠܘܼܟ݂ ܟܠܵܝܗ‌ܝ ܥܲܡܡܹ̈ܐ. 
ܚܵܕܝܼ ܘܫܲܒܚܝܼ ܐܸܡܘܵܬܹ̈‌ܐ، ܣܵܒܵܒ ܟܹܐ ܕܵܝܢܹܬ ܥܲܡܡܹ̈ܐ ܒܬܪܘܼܨܘܼܬܵ‌ܐ، ܘܐܸܡܘܵܬܹ̈‌ܐ ܒܐܲܪܥܵܐ ܟܹܐ ܡܕܲܒܪܸܬ ܠܗܘܿܢ. ܣܹܠܵܗ 
ܫܲܟܪܝܼ ܠܘܼܟ݂ ܥܲܡܡܹ̈ܐ، ܝܵܐ ܐܲܠܵܗܵܐ، ܫܲܟܪܝܼ ܠܘܼܟ݂ ܟܠܵܝܗ‌ܝ ܥܲܡܡܹ̈ܐ. 
ܐܲܪܥܵܐ ܝܘܼܗܒܹܠܔ ܠܵܗ̇ ܛܥܘܼܢܬܘܼܗ̇، ܟܹܐ ܒܲܪܸܟ݂ ܠܲܢ، ܐܲܠܵܗܵܐ، ܐܲܠܵܗܲܢ. 
ܟܹܐ ܒܲܪܸܟ݂ ܠܲܢ ܐܲܠܵܗܵܐ، ܘܟܹܐ ܙܵܕܥܝܼ ܡܸܢܹܗ ܟܠܵܝܗ‌ܝ ܡܲܪ̈ܙܵܢܹܐ ܕܐܲܪܥܵܐ.