ܡܙܡܘܪ̈ܐ.
86.
ܨܲܠܝܼ ܢܵܬܘܼܟ݂، ܝܵܐ ܡܵܪܝܵܐ، ܘܓ̰ܲܘܸܒ ܠܝܼ، ܒܗ̇ܝ ܕܡܸܣܟܹܢܵܐ ܝܘܸܢ ܘܣܢܝܼܩܵܐ. 
ܢܛܘܿܪ ܓܵܢܝܼ ܒܗ̇ܝ ܕܟܫܝܼܛܵܐ ܝܘܸܢ ܐܵܢܵܐ، ܦܲܪܸܩ ܠܪܹܓܘܼܟ݂، ܝܵܐ ܐܲܠܵܗܵܐ، ܕܒܸܣܒܵܪܵܐ ܝܠܹܗ ܒܝܼܘܼܟ݂. 
ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܐܸܠܘܼܟ݂ ܒܸܩܪܵܝܵܐ ܝܘܸܢ ܟܠܹܗ ܝܵܘܡܵܐ. 
ܡܲܚܕܝܼ ܓܵܢܵܐ ܕܪܹܓܘܼܟ݂، ܒܗ̇ܝ ܕܐܸܠܘܼܟ݂، ܝܵܐ ܡܵܪܝܵܐ، ܡܲܪܘܼܡܘܼܗ̇ ܝܘܸܢ ܓܵܢܝܼ. 
ܒܗ̇ܝ ܕܐܲܢ݇ܬ، ܝܵܐ ܡܵܪܝܵܐ، ܛܵܒ݂ܵܐ ܝܘܸܬ ܘܫܵܒ݂ܩܵܢܵܐ، ܘܦܸܪܝܵܐ ܒܛܲܝܒܘܼܬܵ‌ܐ ܠܟܠܔ ܕܩܵܪܹܐ ܐܸܠܘܼܟ݂. 
ܗܲܒ݂ܠܔ ܢܵܬܵ‌ܐ، ܝܵܐ ܡܵܪܝܵܐ، ܠܨܠܘܿܬ‌ܝܼ، ܘܡܲܨܝܸܬ ܠܩܵܠܵܐ ܕܢܵܘܢܲܝܵܬ‌ܝܼ̈. 
ܒܝܵܘܡܵܐ ܕܥܵܘܩܵܢܝܼ ܒܸܬ ܩܵܪܹܝܢ ܐܸܠܘܼܟ݂، ܒܗ̇ܝ ܕܒܸܬ ܓ̰ܲܘܸܒܸܬ ܠܝܼ. 
ܠܲܝܬ ܐܲܝܟ݂ ܕܝܼܘܼܟ݂ ܓܵܘ ܐܲܠܵܗܹ̈ܐ، ܝܵܐ ܡܵܪܝܵܐ، ܘܠܲܝܬ ܦܘܼܠܚܵܢܹ̈ܐ ܐܲܝܟ݂ ܦܘܼܠܚܵܢܘܼ̈ܟ݂. 
ܟܠܵܝܗ‌ܝ ܐܸܡܘܵܬܹ̈‌ܐ ܕܥܒ݂ܝܼܕ ܠܘܼܟ݂ ܒܸܬ ܐܵܬ‌ܝܼ ܘܣܵܓ݂ܕܝܼ ܩܲܕܡܘܼܟ݂، ܝܵܐ ܡܵܪܝܵܐ، ܘܒܸܬ ܡܝܲܩܪܝܼ ܠܫܸܡܘܼܟ݂، 
ܒܗ̇ܝ ܕܓܘܼܪܵܐ ܝܘܸܬ ܐܲܢ݇ܬ ܘܥܵܒ݂ܕܵܢܵܐ ܕܕܘܼܡܵܪܹ̈ܐ، ܐܲܢ݇ܬ ܝܼܘܸܬ ܐܲܠܵܗܵܐ ܒܢܲܦ̮ܫܘܼܟ݂. 
ܡܲܠܸܦ ܠܝܼ ܐܘܼܪܚܘܼܟ݂، ܝܵܐ ܡܵܪܝܵܐ، ܕܚܵܕܪܹܢ ܒܫܲܪܝܼܪܘܼܬܘܼܟ݂، ܥܒ݂ܘܿܕ ܠܹܗ ܠܸܒܝܼ ܚܲܕ، ܕܙܵܕܹܥ ܡ̣ܢ ܫܸܡܘܼܟ݂. 
ܒܸܬ ܫܲܟܪܸܢܘܼܟ݂، ܝܵܐ ܡܵܪܝܵܐ ܐܲܠܵܗ‌ܝܼ، ܒܟܠܹܗ ܠܸܒܝܼ، ܘܒܸܬ ܡܝܲܩܪܸܢܹܗ ܫܸܡܘܼܟ݂ ܠܥܵܠܲܡ. 
ܒܗ̇ܝ ܕܛܲܝܒܘܼܬܘܼܟ݂ ܓܘܼܪܬܵ‌ܐ ܝܠܵܗ̇ ܥܲܠܝܼ، ܘܦܘܼܨܹܐ ܠܘܼܟ݂ ܓܵܢܝܼ ܡ̣ܢ ܫܝܘܿܠܔ ܬܲܚܬܵܝܬܵ‌ܐ. 
ܝܵܐ ܐܲܠܵܗܵܐ، ܚܵܬܪ̈ܵܢܹܐ ܩܝܼܡ ܠܗܘܿܢ ܥܲܠܝܼ، ܘܟܸܢܫܵܐ ܕܛܵܠܘܿܡܹ̈ܐ ܛܥܹܐ ܠܗܘܿܢ ܠܓܵܢܝܼ، ܘܠܵܐ ܩܵܡ ܡܲܬܒ݂ܝܼ ܠܘܼܟ݂ ܩܲܕܡ ܦܵܬܵܝܗ‌ܝ. 
ܘܐܲܢ݇ܬ، ܝܵܐ ܡܵܪܝܵܐ، ܐܲܠܵܗܵܐ ܡܪܲܚܡܵܢܵܐ ܘܚܲܢܵܢܵܐ ܝܘܸܬ، ܝܲܪܝܼܟ݂ܬܵ‌ܐ ܒܹܐܢܹܗ، ܘܪܵܒܵܐ ܒܛܲܝܒܘܼܬܵ‌ܐ ܘܒܫܲܪܝܼܪܘܼܬܵ‌ܐ. 
ܕܘܼܪ ܠܟܸܣܠܝܼ ܘܪܲܚܸܡ ܥܲܠܝܼ، ܗܲܒ݂ܠܔ ܥܘܼܫܢܘܼܟ݂ ܠܪܹܓܘܼܟ݂، ܘܦܲܪܸܩ ܠܒܪܘܿܢܵܐ ܕܚܸܕܲܡܬܘܼܟ݂. 
ܥܒ݂ܘܿܕ ܥܲܡܝܼ ܢܝܼܫܲܢܩܵܐ ܠܛܵܒ݂ܬܵ‌ܐ، ܕܚܵܙܝܼ ܣܵܢܝܵܢܝܼ̈ ܘܢܵܟ݂ܦܝܼ، ܒܗ̇ܝ ܕܐܲܢ݇ܬ، ܝܵܐ ܡܵܪܝܵܐ، ܩܵܡ ܗܲܝܸܪܸܬ ܘܝܵܗܒܹܬ ܠܝܼ ܠܸܒܵܐ.