ܡܙܡܘܪ̈ܐ.
87.
ܫܲܬܐܸܣܬܵ‌ܐ ܕܡܕܝܼܢ݇ܬܹܗ ܒܛܘܼܪ̈ܵܢܹܐ ܕܩܘܼܕܫܵܐ ܝܠܵܗ̇. 
ܟܹܐ ܡܲܚܸܒ ܡܵܪܝܵܐ ܕܲܪ̈ܘܵܙܹܐ ܕܨܸܗܝܘܿܢ، ܒܘܼܫ ܡ̣ܢ ܟܠܵܝܗ‌ܝ ܡܲܫܟܢܹ̈ܐ ܕܝܲܥܩܘܿܒ݂. 
ܚܲܒܪܹ̈ܐ ܡܝܘܼܩܪܹ̈ܐ ܗܘܼܡܙܸܡܹܐ ܝܢܵܐ ܒܘܼܬ ܕܝܼܵܟ݂ܝ، ܝܵܐ ܡܕܝܼܢ݇ܬܵ‌ܐ ܕܐܲܠܵܗܵܐ. ܣܹܠܵܗ 
ܒܸܬ ܡܲܕܟܸܪܸܢ ܪܵܚܵܒ݂ ܘܒܵܒܹܠܔ ܓܵܘ ܝܵܕܥܵܢܝܼ̈، ܗܵܐ، ܦܠܸܫܬ ܘܨܘܿܪ ܥܲܡ ܟܘܼܫ: ܐܵܗܵܐ ܦܝܼܫ ܠܹܗ ܝܠܝܼܕܵܐ ܬܵܡܵܐ. 
ܐܝܼܢܵܐ ܒܘܼܬ ܨܸܗܝܘܿܢ ܒܸܬ ܦܵܐܹܫ ܐܡܝܼܪܵܐ: ”ܐܵܗܵܐ ܘܗ̇ܘ ܦܝܼܫ ܠܹܗ ܝܠܝܼܕܵܐ ܓܵܘܘܼܗ̇. ܘܗ̇ܘ ܥܸܠܵܝܵܐ ܒܸܬ ܡܲܩܘܹܐ ܠܵܗ̇.“ 
ܡܵܪܝܵܐ ܒܸܬ ܡܵܢܹܐ ܐܝܼܡܲܢ ܕܟܵܬܹܒ݂ ܥܲܡܡܹ̈ܐ: ”ܐܵܗܵܐ ܦܝܼܫ ܠܹܗ ܝܠܝܼܕܵܐ ܬܵܡܵܐ.“ ܣܹܠܵܗ 
ܙܲܡܵܪܹ̈ܐ ܥܲܡ ܪ̈ܲܩܵܕܹܐ ܐܵܡܪܝܼ: ”ܟܠܵܝܗ‌ܝ ܥܲܝܢܵܬ‌ܝܼ̈ ܕܡ̈ܝܼܵܐ ܓܵܘܵܟ݂ܝ ܝܼܢܵܐ.“