ܡܙܡܘܪ̈ܐ.
112.
ܛܘܼܒ݂ܵܐ ܠܐܢܵܫܵܐ ܕܙܵܕܹܥ ܡ̣ܢ ܡܵܪܝܵܐ، ܒܦܘܼܩܕܵܢܘܼ̈ܗ‌ܝ ܒܵܣܡܵܐ ܠܹܗ ܪܵܒܵܐ. 
ܓܲܒܵܪܵܐ ܒܐܲܪܥܵܐ ܒܸܬ ܗܵܘܹܐ ܙܲܪܥܹܗ، ܕܵܪܵܐ ܕܬܪ̈ܘܼܨܹܐ ܒܸܬ ܦܵܐܹܫ ܒܘܼܪܟ݂ܵܐ. 
ܕܵܘܸܠܬܵ‌ܐ ܘܥܘܼܬܪܵܐ ܓܵܘ ܒܲܝܬܹܗ ܝܢܵܐ، ܘܙܲܕܝܼܩܘܼܬܹܗ ܦܵܝܫܵܢܬܵ‌ܐ ܝܠܵܗ̇ ܠܥܵܠܲܡ. 
ܙܪܝܼܩ ܠܹܗ ܒܲܗܪܵܐ ܓܵܘ ܚܸܫܟܵܐ ܠܬܪܘܼܨܵܐ، ܚܲܢܵܢܵܐ ܝܠܹܗ ܘܡܪܲܚܡܵܢܵܐ ܘܙܲܕܝܼܩܵܐ. 
ܛܘܼܒ݂ܵܢܵܐ ܝܠܹܗ ܐܢܵܫܵܐ ܚܲܢܵܢܵܐ ܘܕܟܹܐ ܝܵܗܒܹܠܔ ܕܲܝܢܵܐ، ܕܟܹܐ ܥܵܒܹܕ ܨܒ݂ܘܼܝܵܬܘܼ̈ܗ‌ܝ ܒܗܵܩܘܼܬܵ‌ܐ، 
ܘܠܥܵܠܲܡ ܠܹܐ ܫܵܥܹܫ، ܕܟ݂ܵܪܵܐ ܕܙܲܕܝܼܩܵܐ ܒܸܬ ܗܵܘܹܐ ܠܥܵܠܲܡ. 
ܡ̣ܢ ܚܲܒܪܵܐ ܚܸܪܒܵܐ، ܠܹܐ ܙܵܕܹܥ، ܡܩܵܘܝܵܢܵܐ ܝܠܹܗ ܠܸܒܹܗ ܒܣܲܒ݂ܪܵܐ ܠܡܵܪܝܵܐ. 
ܣܢܝܼܕܵܐ ܝܠܹܗ ܠܸܒܹܗ ܠܹܐ ܙܵܕܹܥ، ܗܲܠܔ ܕܚܵܙܹܐ ܙܵܟ݂ܘܼܬܵ‌ܐ ܠܕܸܫ̃ܡܸܢܘܼ̈ܗ‌ܝ. 
ܒܘܼܪܒܸܙ ܠܹܗ ܘܝܘܼܗܒܹܠܔ ܠܹܗ ܠܣܢܝܼܩܹ̈ܐ، ܙܲܕܝܼܩܘܼܬܹܗ ܦܵܝܫܵܢܬܵ‌ܐ ܝܠܵܗ̇ ܠܥܵܠܲܡ، ܪܹܝܫܹܗ ܒܸܬ ܪܵܐܹܡ ܒܐܝܼܩܵܪܵܐ. 
ܪܲܫܝܼܥܵܐ ܒܸܬ ܚܵܙܹܐ ܘܒܸܬ ܟܵܪܹܒ، ܟܹܟܘܼ̈ܗ‌ܝ ܒܸܬ ܚܲܪܚܸܟ̃ ܘܒܸܬ ܦܵܫܹܪ، ܫܲܗܘܲܬܬܵ‌ܐ ܕܪ̈ܲܫܝܼܥܹܐ ܒܸܬ ܛܵܠܩܵܐ.