ܡܙܡܘܪ̈ܐ.
115.
ܠܵܐ ܐܸܠܲܢ، ܝܵܐ ܡܵܪܝܵܐ، ܠܵܐ ܐܸܠܲܢ، ܐܸܠܵܐ ܠܫܸܡܘܼܟ݂ ܗܲܒ݂ܠܔ ܐܝܼܩܵܪܵܐ، ܒܘܼܬ ܛܲܝܒܘܼܬܘܼܟ݂، ܒܘܼܬ ܫܲܪܝܼܪܘܼܬܘܼܟ݂. 
ܩܵܡܘܿܕܝܼ ܐܵܡܪܝܼ ܐܸܡܘܵܬܹ̈‌ܐ: ”ܐܲܝܟܵܐ ܝܠܹܗ ܐܲܠܵܗܵܝܗ‌ܝ؟“ 
ܟܲܕ ܐܲܠܵܗܲܢ ܒܫܡܲܝܵܐ ܝܠܹܗ، ܟܠܔ ܕܒܵܣܡܵܐ ܠܹܗ ܟܹܐ ܥܵܒܹܕ. 
ܨܵܢܲܡܵܝ̈ܗ‌ܝ ܣܹܐܡܵܐ ܘܕܲܗܒ݂ܵܐ ܝܢܵܐ، ܦܘܼܠܚܵܢܵܐ ܕܐܝܼܕܵܬܹ̈‌ܐ ܕܒܲܪܢܵܫܵܐ. 
ܦܘܼܡܵܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܗܲܡܙܸܡܝܼ، ܥܲܝ̈ܢܹܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܚܵܙܝܼ. 
ܢܵܬܝܵܬܹ̈‌ܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܫܵܡܥܝܼ، ܢܵܚܝܼܪܵܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܫܵܩܠܝܼ ܪܹܝܚܵܐ. 
ܐܝܼܕܵܬܹ̈‌ܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܪܵܓ݂ܫܝܼ، ܐܲܩܠܵܬܹ̈‌ܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܚܵܕܪܝܼ، ܠܹܐ ܦܲܠܛܝܼ ܩܵܠܵܐ ܒܒܵܠܘܿܥܬܵܝܗ‌ܝ. 
ܐܲܝܟ݂ ܕܝܼܵܝܗ‌ܝ ܒܸܬ ܗܵܘܝܼ ܬܲܪ̈ܨܵܢܵܝܗ‌ܝ، ܘܟܠܔ ܕܣܵܒܹܪ ܒܝܼܵܝܗ‌ܝ. 
ܝܵܐ ܐܝܼܣܪܵܐܹܝܠܔ، ܣܒܘܿܪ ܒܡܵܪܝܵܐ، ܗܲܝܲܪܬܵܝܗ‌ܝ ܘܡܵܛܵܠܵܝܗ‌ܝ ܗ̇ܘ ܝܼܠܹܗ. 
ܝܵܐ ܒܹܝܬ ܐܲܗܪܘܿܢ، ܣܒܘܿܪܘܼܢ ܒܡܵܪܝܵܐ، ܗܲܝܲܪܬܵܝܗ‌ܝ ܘܡܵܛܵܠܵܝܗ‌ܝ ܗ̇ܘ ܝܼܠܹܗ. 
ܝܵܐ ܙܕܝܼ̈ܥܹܐ ܕܡܵܪܝܵܐ، ܣܒܘܿܪܘܼܢ ܒܡܵܪܝܵܐ، ܗܲܝܲܪܬܵܝܗ‌ܝ ܘܡܵܛܵܠܵܝܗ‌ܝ ܗ̇ܘ ܝܼܠܹܗ. 
ܡܵܪܝܵܐ ܩܵܡ ܕܵܟܹܪܲܢ؛ ܒܸܬ ܒܲܪܸܟ݂، ܒܸܬ ܒܲܪܸܟ݂ ܠܒܹܝܬ ܐܝܼܣܪܵܐܹܝܠܔ، ܒܸܬ ܒܲܪܸܟ݂ ܠܒܹܝܬ ܐܲܗܪܘܿܢ. 
ܒܸܬ ܒܲܪܸܟ݂ ܠܙܕܝܼ̈ܥܹܐ ܕܡܵܪܝܵܐ، ܙܥܘܿܪܹ̈ܐ ܥܲܡ ܓܘܼܪܹ̈ܐ. 
ܡܲܙܝܸܕ ܡܵܪܝܵܐ ܥܲܠܵܘܟ݂ܘܿܢ، ܥܲܠܵܘܟ݂ܘܿܢ ܘܥܲܠܔ ܒܢܘܿܢܵܘ̈ܟ݂ܘܿܢ. 
ܒܪܝܼܟܹܐ ܝܬܘܿܢ ܠܡܵܪܝܵܐ، ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ. 
ܫܡܲܝܹ̈ܐ، ܫܡܲܝܹ̈ܐ ܕܡܵܪܝܵܐ ܝܢܵܐ، ܐܝܼܢܵܐ ܐܲܪܥܵܐ ܝܘܼܗܒܹܠܔ ܠܹܗ ܠܒܢܲܝ̈ܢܵܫܵܐ. 
ܡܝܼ̈ܬܹ‌ܐ ܠܹܐ ܫܲܒܚܝܼ ܠܡܵܪܝܵܐ، ܐܵܦܠܵܐ ܟܠܵܝܗ‌ܝ ܨܵܠܝܵܢܹ̈ܐ ܠܫܸܬܩܵܐ. 
ܐܝܼܢܵܐ ܐܲܚܢܲܢ ܒܸܬ ܒܲܪܟܲܚ ܠܡܵܪܝܵܐ، ܡ̣ܢ ܐܵܕܝܼܵܐ ܘܗܲܠܔ ܥܵܠܲܡ. ܗܲܠܸܠܘܼܝܵܐ.