ܡܙܡܘܪ̈ܐ.
116.
ܡܘܼܚܸܒ ܠܝܼ ܠܡܵܪܝܵܐ ܣܵܒܵܒ ܫܡܝܼܥ ܠܹܗ ܩܵܠܝܼ ܘܦܲܪ̈ܦܲܠܝܵܬ‌ܝܼ. 
ܣܵܒܵܒ ܡܘܼܟܸܦ ܠܹܗ ܢܵܬܹܗ ܐܸܠܝܼ، ܒܝܘܼܪܟ݂ܵܐ ܕܝܵܘܡܵܢܝܼ̈ ܒܸܬ ܩܵܪܹܝܢ ܐܸܠܹܗ. 
ܟܪܝܼܟܸܢܗܘܿܢ ܚܸܒ݂ܠܹ̈ܐ ܕܡܵܘܬܵ‌ܐ، ܘܡܘܼܫ݇ܟ̰ܚܸܢܗܘܿܢ ܐܘܼܠܨܵܢܹ̈ܐ ܕܫܝܘܿܠܔ، ܥܵܘܩܵܢܵܐ ܘܚܲܫܵܐ ܡܘܼܫ݇ܟ̰ܸܚ ܠܝܼ. 
ܗ̇ܝܓܵܗ ܒܫܸܡܵܐ ܕܡܵܪܝܵܐ ܩܪܹܐ ܠܝܼ: ”ܐܘܿܗ، ܝܵܐ ܡܵܪܝܵܐ، ܦܲܨܝܼ ܠܓܵܢܝܼ.“ 
ܚܲܢܵܢܵܐ ܝܠܹܗ ܡܵܪܝܵܐ ܘܙܲܕܝܼܩܵܐ، ܘܐܲܠܵܗܲܢ ܡܪܲܚܡܵܢܵܐ ܝܠܹܗ. 
ܟܹܐ ܢܵܛܹܪ ܠܦܫܝܼ̈ܛܹܐ ܡܵܪܝܵܐ، ܦܝܼܫ ܠܝܼ ܡܘܼܟܸܦܵܐ ܘܩܵܡ ܦܲܪܸܩ ܠܝܼ. 
ܕܘܼܪܝ، ܝܵܐ ܓܵܢܝܼ، ܠܢܝܵܚܬܵܟ݂ܝ، ܣܵܒܵܒ ܡܵܪܝܵܐ ܦܪܝܼܥ ܠܹܗ ܐܸܠܵܟ݂ܝ ܒܦܸܪܝܘܼܬܵ‌ܐ. 
ܣܵܒܵܒ ܦܘܼܨܹܐ ܠܘܼܟ݂ ܓܵܢܝܼ ܡ̣ܢ ܡܵܘܬܵ‌ܐ، ܥܲܝܢܝܼ ܡ̣ܢ ܕܸܡܥܝܼܬܵ‌ܐ، ܐܲܩܠܝܼ ܡ̣ܢ ܬܲܪܩܲܠܬܵ‌ܐ. 
ܒܸܬ ܚܵܕܪܹܢ ܩܲܕܡ ܡܵܪܝܵܐ ܒܐܲܪ̈ܥܵܬܹ‌ܐ ܕܚܵܝܹ̈ܐ. 
ܗܘܼܡܸܢܝܼ ܟܲܕ ܗܘܼܡܙܸܡ ܠܝܼ: ”ܐܵܢܵܐ ܦܝܼܫ ܠܝܼ ܡܘܼܠܝܸܨܵܐ ܪܵܒܵܐ.“ 
ܐܵܢܵܐ ܐܡܝܼܪܝܼ ܓܵܘ ܡܲܠܝܲܙܬ‌ܝܼ: ”ܟܠܔ ܒܲܪܢܵܫܵܐ ܕܲܓܵܠܵܐ ܝܠܹܗ.“ 
ܡܘܼܕܝܼ ܡܲܕܸܪܸܢ ܠܡܵܪܝܵܐ، ܒܘܼܬ ܟܠܹܗ ܦܘܼܪܥܵܢܹܗ ܐܸܠܝܼ؟ 
ܟܵܣܵܐ ܕܦܘܼܪ̈ܩܵܢܹܐ ܒܸܬ ܡܲܪܡܸܢ، ܘܒܫܸܡܵܐ ܕܡܵܪܝܵܐ ܒܸܬ ܩܵܪܹܝܢ. 
ܢܸܕܪ̈ܝܼ ܠܡܵܪܝܵܐ ܒܸܬ ܬܲܡܸܡܸܢ ܩܲܕܡ ܦܵܬܵ‌ܐ ܕܟܠܹܗ ܥܲܡܹܗ. 
ܝܲܩܝܼܪܵܐ ܝܠܹܗ ܒܥܲܝ̈ܢܹܐ ܕܡܵܪܝܵܐ ܡܵܘܬܵ‌ܐ ܕܙܲܕܝܼܩܘܼ̈ܗ‌ܝ. 
ܐܘܿܗ، ܝܵܐ ܡܵܪܝܵܐ، ܗܹܐ، ܐܵܢܵܐ ܪܹܓܘܼܟ݂ ܝܼܘܸܢ، ܪܹܓܘܼܟ݂ ܒܪܘܿܢܵܐ ܕܚܸܕܲܡܬܘܼܟ݂، ܩܵܡ ܫܵܪܹܝܬ ܠܗܘܿܢ ܐܸܣܘܼܪ̈ܝܼ. 
ܐܸܠܘܼܟ݂ ܒܸܬ ܕܵܒ݂ܚܹܢ ܕܸܒ݂ܚܵܐ ܕܫܲܟܲܪܬܵ‌ܐ، ܘܒܫܸܡܵܐ ܕܡܵܪܝܵܐ ܒܸܬ ܩܵܪܹܝܢ. 
ܢܸܕܪ̈ܝܼ ܠܡܵܪܝܵܐ ܒܸܬ ܬܲܡܸܡܸܢ ܩܲܕܡ ܦܵܬܵ‌ܐ ܕܟܠܹܗ ܥܲܡܹܗ، 
ܓܵܘ ܕܵܪ̈ܵܬܹ‌ܐ ܕܒܲܝܬܵ‌ܐ ܕܡܵܪܝܵܐ، ܒܓܵܘܵܟ݂ܝ، ܝܵܐ ܐܘܿܪܸܫܠܸܡ. ܗܲܠܸܠܘܼܝܵܐ