ܡܙܡܘܪ̈ܐ.
126.
ܟܲܕ ܡܘܼܕܸܪܹܗ ܡܵܪܝܵܐ ܓܵܠܘܼܬܵ‌ܐ ܕܨܸܗܝܘܿܢ، ܗܘܹܐ ܠܲܢ ܐܲܝܟ݂ ܚܵܙܝܵܢܹ̈ܐ ܕܚܸܠܡܵܐ. 
ܗ̇ܝܓܵܗ ܦܝܼܫ ܠܹܗ ܡܸܠܝܵܐ ܓܸܚܟܵܐ ܦܘܼܡܲܢ، ܘܠܸܫܵܢܲܢ ܫܲܒܲܚܬܵ‌ܐ، ܗ̇ܝܓܵܗ ܐܡܝܼܪܗܘܿܢ ܓܵܘ ܐܸܡܘܵܬܹ̈‌ܐ: ”ܥܒ݂ܝܼܕ ܠܹܗ ܡܵܪܝܵܐ ܫܘܼܠܵܢܹ̈ܐ ܓܘܼܪܹ̈ܐ ܩܵܐ ܐܲܢܹܐ.“ 
ܥܒ݂ܝܼܕ ܠܹܗ ܡܵܪܝܵܐ ܫܘܼܠܵܢܹ̈ܐ ܓܘܼܪܹ̈ܐ ܩܵܬܲܢ، ܚܸܕܝܹܐ ܝܘܲܚ. 
ܡܲܕܸܪ، ܝܵܐ ܡܵܪܝܵܐ، ܓܵܠܘܼܬܲܢ، ܐܲܝܟ݂ ܫܵܩ̈ܝܼܵܬܹ‌ܐ ܒܬܲܝܡܢܵܐ. 
ܐܵܢܝܼ ܕܙܵܪܥܝܼ ܒܕܸܡܥܝܼܬܵ‌ܐ، ܒܫܲܒܲܚܬܵ‌ܐ ܒܸܬ ܚܵܨܕܝܼ. 
ܗ̇ܘ ܕܚܕܵܪܵܐ ܚܵܕܹܪ ܘܒܵܟܹܐ ܟܲܕ ܛܥܝܼܢܵܐ ܟܝܼܣܬܵ‌ܐ ܕܒܲܪܙܲܪܥܵܐ، ܐܬܵܝܵܐ ܒܸܬ ܐܵܬܹ‌ܐ ܒܫܲܒܲܚܬܵ‌ܐ ܟܲܕ ܛܥܝܼܢܵܐ ܕܲܪ̈ܙܘܼܗ‌ܝ.