ܡܙܡܘܪ̈ܐ.
127.
ܐܸܢ ܡܵܪܝܵܐ ܠܵܐ ܒܵܢܹܐ ܒܲܝܬܵ‌ܐ، ܣܪܝܼܩܵܐ ܝܠܹܗ ܥܲܡܠܵܐ ܕܒܲܢܵܝܘܼ̈ܗ‌ܝ، ܐܸܢ ܡܵܪܝܵܐ ܠܵܐ ܢܵܛܹܪ ܡܕܝܼܢ݇ܬܵ‌ܐ، ܣܪܝܼܩܬܵ‌ܐ ܝܠܵܗ̇ ܫܵܗܲܪܬܵ‌ܐ ܕܢܵܛܘܿܪܵܐ. 
ܣܪܝܼܩܬܵ‌ܐ ܝܠܵܗ̇ ܐܸܠܵܘܟ݂ܘܿܢ ܕܩܲܕܡܝܼܬܘܿܢ ܠܸܩܝܵܡܵܐ، ܥܲܪܩܸܠܝܼܬܘܿܢ ܠܸܬܝܵܒ݂ܵܐ، ܐܵܟ݂ܠܝܼܬܘܿܢ ܠܲܚܡܵܐ ܕܓ̰ܵܦܹ̈ܐ، ܣܵܒܵܒ ܟܹܐ ܝܵܗܒܹܠܔ ܠܡܘܼܚܸܒܹܗ ܒܫܸܢܬܹܗ. 
ܗܵܐ، ܝܵܪܬܘܼܬܵ‌ܐ ܡ̣ܢ ܡܵܪܝܵܐ ܒܢܘܿܢܹ̈ܐ ܝܢܵܐ، ܦܘܼܪܥܵܢܵܐ ܝܠܵܗ̇ ܛܥܘܼܢܬܵ‌ܐ ܕܡܲܪܒܥܵܐ. 
ܐܲܝܟ݂ ܓܹܐܪܹ̈ܐ ܓܵܘ ܐܝܼܕܵܐ ܕܓܲܒܵܪܵܐ، ܗܵܕܟ݂ܵܐ ܝܢܵܐ ܒܢܘܿܢܹ̈ܐ ܕܫܸܢܹ̈ܐ ܕܥܠܲܝܡܘܼܬܵ‌ܐ. 
ܛܘܼܒ݂ܵܐ ܠܓܲܒ݂ܪܵܐ ܕܡܠܹܐ ܠܹܗ ܚܸܠܬܹܗ ܡܸܢܵܝܗ‌ܝ، ܠܹܐ ܢܵܟ݂ܦܝܼ، ܟܲܕ ܗܲܡܙܸܡܝܼ ܥܲܡ ܕܸܫ̃ܡܸܢܹ̈ܐ ܒܕܲܪܘܵܙܵܐ.