ܡܙܡܘܪ̈ܐ.
143.
ܝܵܐ ܡܵܪܝܵܐ، ܫܡܹܥ ܨܠܘܿܬ‌ܝܼ، ܗܲܒ݂ܠܔ ܢܵܬܵ‌ܐ ܠܢܵܘܢܲܝܬ‌ܝܼ، ܒܡܗܘܼܡܢܘܼܬܘܼܟ݂ ܓ̰ܲܘܸܒ ܠܝܼ، ܒܙܲܕܝܼܩܘܼܬܘܼܟ݂. 
ܘܠܵܐ ܡܲܥܒܸܪܸܬ ܠܹܗ ܪܹܓܘܼܟ݂ ܠܕܝܵܢܬܵ‌ܐ، ܣܵܒܵܒ ܠܹܐ ܝܠܹܗ ܙܲܕܝܼܩܵܐ ܩܲܕܡܘܼܟ݂ ܟܠܔ ܐܢܵܫܵܐ ܚܵܝܵܐ. 
ܒܗ̇ܝ ܕܢܦܝܼܠܔ ܠܹܗ ܕܸܫ̃ܡܸܢ ܒܵܬܪ ܓܵܢܝܼ، ܛܒ݂ܝܼܚ ܠܹܗ ܠܐܲܪܥܵܐ ܚܲܝܝܼ̈، ܩܵܡ ܡܲܬܸܒ݂ ܠܝܼ ܒܕܘܼܟܵܢܹ̈ܐ ܚܸܫܟܵܢܹ̈ܐ ܐܲܝܟ݂ ܡܝܼ̈ܬܹ‌ܐ ܕܠܥܵܠܲܡ. 
ܘܕܘܼܪܕܸܫ̃ܬܵ‌ܐ ܝܠܵܗ̇ ܒܓܵܘܝܼ ܪܘܼܚܝܼ، ܒܓܵܘܝܼ ܫܓ݂ܝܼܫܵܐ ܝܠܹܗ ܠܸܒܝܼ. 
ܕܟ݂ܝܼܪܝܼ ܠܝܵܘܡܵܢܹ̈ܐ ܩܲܕܝܼܡܵܝܹ̈ܐ، ܗܘܼܓܹܐ ܠܝܼ ܒܘܼܬ ܟܠܵܝܗ‌ܝ ܦܘܼܠܚܵܢܘܼ̈ܟ݂، ܒܘܼܬ ܥܒ݂ܵܕܹ̈ܐ ܕܐܝܼܕܵܬܘܼ̈ܟ݂ ܬܘܼܚܡܸܢܝܼ. 
ܦܘܼܫܸܛ ܠܝܼ ܐܝܼܕܵܬ‌ܝܼ̈ ܠܟܸܣܠܘܼܟ݂، ܓܵܢܝܼ ܨܗܝܼܬܵ‌ܐ ܝܠܵܗ̇ ܐܸܠܘܼܟ݂ ܐܲܝܟ݂ ܐܲܪܥܵܐ ܒܪܝܼܙܬܵ‌ܐ. ܣܹܠܵܗ 
ܡܲܠܝܸܙ ܓ̰ܲܘܸܒ ܠܝܼ، ܝܵܐ ܡܵܪܝܵܐ، ܬܝܼܡ ܠܵܗ̇ ܪܘܼܚܝܼ، ܠܵܐ ܛܲܫܹܝܬ ܦܵܬܘܼܟ݂ ܡܸܢܝܼ، ܐܸܠܵܐ ܒܸܬ ܗܵܘܹܝܢ ܕܘܼܡܝܵܐ ܠܨܵܠܝܵܢܹ̈ܐ ܕܓܘܼܒܵܐ. 
ܡܲܫܡܸܥ ܠܝܼ ܒܨܲܦܪܵܐ ܛܲܝܒܘܼܬܘܼܟ݂، ܣܵܒܵܒ ܒܝܼܘܼܟ݂ ܦܝܼܫ ܠܝܼ ܒܣܲܒ݂ܪܵܐ، ܡܲܕܸܥ ܠܝܼ ܐܘܼܪܚܵܐ ܕܐܵܙܹܠ݇ܢ، ܒܗ̇ܝ ܕܐܸܠܘܼܟ݂ ܡܘܼܪܡܵܐ ܠܝܼ ܓܵܢܝܼ. 
ܦܲܨܝܼ ܠܝܼ ܡ̣ܢ ܕܸܫ̃ܡܸܢܝܼ̈، ܝܵܐ ܡܵܪܝܵܐ، ܠܟܸܣܠܘܼܟ݂ ܛܘܼܫܝܘܼܗ̇ ܝܘܸܢ ܓܵܢܝܼ. 
ܡܲܠܸܦ ܠܝܼ ܠܸܥܒ݂ܵܕܵܐ ܨܸܒ݂ܝܵܢܘܼܟ݂، ܒܗ̇ܝ ܕܐܲܢ݇ܬ ܝܼܘܸܬ ܐܲܠܵܗ‌ܝܼ، ܪܘܼܚܘܼܟ݂ ܛܵܒ݂ܵܐ ܡܗܲܕܹܐ ܠܝܼ ܒܐܲܪܥܵܐ ܬܪܘܼܨܬܵ‌ܐ. 
ܒܘܼܬ ܫܸܡܘܼܟ݂ ܡܲܚܹܝܬ ܠܝܼ، ܝܵܐ ܡܵܪܝܵܐ، ܒܙܲܕܝܼܩܘܼܬܘܼܟ݂ ܦܲܠܛܸܬ ܓܵܢܝܼ ܡ̣ܢ ܐܘܼܠܨܵܢܵܐ. 
ܘܒܛܲܝܒܘܼܬܘܼܟ݂ ܡܲܫܬܸܩܸܬ ܠܕܸܫ̃ܡܸܢܝܼ̈، ܘܛܲܠܩܸܬ ܠܟܠܵܝܗ‌ܝ ܡܲܠܝܸܨܵܢܹ̈ܐ ܕܓܵܢܝܼ، ܒܗ̇ܝ ܕܪܹܓܘܼܟ݂ ܝܼܘܸܢ ܐܵܢܵܐ.