ܡܬ‌ܝ.
4.
ܗ̇ܝܓܵܗ ܦܝܼܫ ܠܹܗ ܠܘܼܒܠܵܐ ܝܼܫܘܿܥ ܒܝܲܕ ܪܘܼܚܵܐ ܠܒܲܪܝܼܵܐ ܕܦܵܐܹܫ ܓ̰ܘܼܪܒܵܐ ܒܐܵܟܹܠܩܲܪܨܵܐ. 
ܘܨܝܼܡ ܠܹܗ ܐܲܪܒܥܝܼ ܝܵܘܡܵܢܹ̈ܐ ܘܐܲܪܒܥܝܼ ܠܲܝܠܵܘܵܬܹ̈‌ܐ، ܘܒܚܲܪܬܵ‌ܐ ܟܦܝܼܢܹܗ. 
ܘܩܘܼܪܒܸܢܹܗ ܓ̰ܲܪܒܵܢܵܐ ܘܐܡܝܼܪܹܗ ܐܸܠܹܗ: ”ܐܸܢ ܒܪܘܿܢܵܐ ܕܐܲܠܵܗܵܐ ܝܘܸܬ، ܦܩܘܿܕ ܠܐܲܢܹܐ ܟܹܐܦܹ̈ܐ ܕܗܵܘܝܼ ܠܲܚܡܵܐ.“ 
ܐܝܼܢܵܐ ܗ̇ܘ ܓ̰ܘܼܘܸܒ ܠܹܗ ܘܐܡܝܼܪܹܗ: ”ܦܝܼܫܬܵ‌ܐ ܝܠܵܗ̇ ܟܬܝܼܒ݂ܬܵ‌ܐ: ܠܹܐ ܝܠܵܗ̇ ܐܲܚܟ̰ܝܼ ܒܠܲܚܡܵܐ ܕܟܹܐ ܚܵܝܹܐ ܒܲܪܢܵܫܵܐ، ܐܸܠܵܐ ܒܟܠܔ ܗܹܡܸܙܡܵܢ ܕܦܵܠܛܵܐ ܡ̣ܢ ܦܘܼܡܵܐ ܕܐܲܠܵܗܵܐ.“ 
ܗ̇ܝܓܵܗ ܠܘܼܒܸܠܔ ܠܹܗ ܐܸܠܹܗ ܐܵܟܹܠܩܲܪܨܵܐ ܠܡܕܝܼܢ݇ܬܵ‌ܐ ܩܲܕܝܼܫܬܵ‌ܐ، ܘܡܘܼܟܠܹܐ ܠܹܗ ܐܸܠܹܗ ܥܲܠܔ ܟܸܢܦܵܐ ܕܗܲܝܟܠܵܐ. 
ܘܐܡܝܼܪܹܗ ܐܸܠܹܗ: ”ܐܸܢ ܒܪܘܿܢܵܐ ܕܐܲܠܵܗܵܐ ܝܘܸܬ، ܪܲܦܝܼ ܓܵܢܘܼܟ݂ ܠܬܸܚܬ؛ ܣܵܒܵܒ ܦܝܼܫܬܵ‌ܐ ܝܠܵܗ̇ ܟܬܝܼܒ݂ܬܵ‌ܐ: ܒܸܬ ܦܵܩܹܕ ܠܡܲܠܲܐܟ݂ܘܼ̈ܗ‌ܝ ܒܘܼܬ ܕܝܼܘܼܟ݂، ܘܒܸܬ ܛܵܥܢܝܼ ܠܘܼܟ݂ ܥܲܠܔ ܐܝܼܕܵܬܵܝ̈ܗ‌ܝ، ܕܠܵܐ ܬܲܪܩܸܠܵܐ ܐܲܩܠܘܼܟ݂ ܒܟܹܐܦܵܐ.“ 
ܐܡܝܼܪܹܗ ܐܸܠܹܗ ܝܼܫܘܿܥ: ”ܡܸܢܕܪܸܫ ܦܝܼܫܬܵ‌ܐ ܝܠܵܗ̇ ܟܬܝܼܒ݂ܬܵ‌ܐ: ܠܵܐ ܓ̰ܲܪܒܸܬ ܠܡܵܪܝܵܐ ܐܲܠܵܗܘܼܟ݂.“ 
ܡ̣ܢ ܒܵܬܪ ܐܵܗܵܐ، ܡܸܢܕܪܸܫ ܠܘܼܒܸܠܔ ܠܹܗ ܐܸܠܹܗ ܐܵܟܹܠܩܲܪܨܵܐ ܠܚܲܕ ܛܘܼܪܵܐ ܪܵܒܵܐ ܪܵܡܵܐ، ܘܡܘܼܚܙܹܐ ܠܹܗ ܐܸܠܹܗ ܟܠܵܝܗ‌ܝ ܡܲܠܟܘܵܬܹ̈‌ܐ ܕܕܘܼܢܝܹܐ ܘܚܸܩܪܵܝܗ‌ܝ؛ 
ܘܐܡܝܼܪܹܗ ܐܸܠܹܗ: ”ܒܸܬ ܝܵܗܒܹܢ ܐܸܠܘܼܟ݂ ܟܠܵܝܗ‌ܝ ܐܲܢܹܐ، ܐܸܢ ܢܵܦܠܹܬ ܘܣܵܓ݂ܕܹܬ ܐܸܠܝܼ.“ 
ܗ̇ܝܓܵܗ ܐܡܝܼܪܹܗ ܐܸܠܹܗ ܝܼܫܘܿܥ: ”ܛܠܘܿܩ، ܝܵܐ ܣܵܛܵܢܵܐ، ܣܵܒܵܒ ܦܝܼܫܬܵ‌ܐ ܝܠܵܗ̇ ܟܬܝܼܒ݂ܬܵ‌ܐ: ܠܡܵܪܝܵܐ ܐܲܠܵܗܘܼܟ݂ ܣܵܓ݂ܕܹܬ، ܘܐܸܠܹܗ ܒܢܲܦ̮ܫܹܗ ܦܵܠܚܹܬ.“ 
ܗ̇ܝܓܵܗ، ܫܒ݂ܝܼܩ ܠܹܗ ܐܸܠܹܗ ܐܵܟܹܠܩܲܪܨܵܐ، ܘܗܵܐ ܡܲܠܲܐܟܹ̈ܐ ܐܬܹ‌ܐ ܠܗܘܿܢ ܘܥܒ݂ܝܼܕ ܠܗܘܿܢ ܚܸܠܡܲܬ ܐܸܠܹܗ. 
ܐܝܼܡܲܢ ܕܫܡܝܼܥ ܠܹܗ ܝܼܫܘܿܥ ܕܦܝܼܫ ܠܹܗ ܕܒ݂ܝܼܩܵܐ ܝܘܿܚܲܢܵܢ، ܫܘܼܢܹܐ ܠܹܗ ܠܓܠܝܼܠܵܐ. 
ܘܫܒ݂ܝܼܩܵܐ ܠܹܗ ܢܵܨܪܲܬ، ܐܬܹ‌ܐ ܠܹܗ ܘܥܡܝܼܪܹܗ ܓܵܘ ܟܦܲܪܢܵܚܘܿܡ، ܕܝܼܠܵܗ̇ ܥܲܠܔ ܡܲܪܙܵܐ ܕܝܵܡܵܐ، ܓܵܘ ܬܚܘܼܡܵܐ ܕܙܒ݂ܘܿܠܘܿܢ ܘܕܢܲܦ̮ܬܵܠܝܼ. 
ܗܵܕܟ݂ܵܐ ܕܦܵܐܹܫ ܬܘܼܡܸܡܵܐ ܡܸܢܕܝܼ ܕܦܝܼܫ ܠܹܗ ܐܡܝܼܪܵܐ ܒܐܹܫܲܥܝܵܐ ܢܒ݂ܝܼܵܐ ܕܐܡܝܼܪܹܗ: 
ܐܲܪܥܵܐ ܕܙܒ݂ܘܿܠܘܿܢ، ܐܲܪܥܵܐ ܕܢܲܦ̮ܬܵܠܝܼ، ܕܝܼܠܵܗ̇ ܥܲܠܔ ܐܘܼܪܚܵܐ ܕܝܵܡܵܐ، ܥܸܒ݂ܪܵܐ ܕܝܘܿܪܕܢܵܢ، ܓܠܝܼܠܵܐ ܕܐܸܡܘܵܬܹ̈‌ܐ. 
ܥܲܡܵܐ ܕܝܬܝܼܒ݂ܵܐ ܝܠܹܗ ܓܵܘ ܚܸܫܟܵܐ ܚܙܹܐ ܠܹܗ ܒܲܗܪܵܐ ܓܘܼܪܵܐ، ܘܐܵܢܝܼ ܕܝܬܝܼܒܹܐ ܝܢܵܐ ܒܐܲܪܥܵܐ ܘܒܛܸܠܵܠܹ̈ܐ ܕܡܵܘܬܵ‌ܐ، ܙܪܝܼܩ ܠܹܗ ܒܲܗܪܵܐ ܥܲܠܵܝܗ‌ܝ. 
ܡ̣ܢ ܗ̇ܝ ܥܕܵܢܵܐ ܫܘܼܪܹܐ ܠܹܗ ܝܼܫܘܿܥ ܡܲܟܪܘܼܙܹܐ ܘܒܹܐܡܵܪܵܐ: ”ܬܲܘܸܒܘܼܢ، ܣܵܒܵܒ ܩܘܼܪܒܸܢܬܵ‌ܐ ܝܠܵܗ̇ ܡܲܠܟܘܼܬܵ‌ܐ ܕܫܡܲܝܵܐ.“ 
ܟܲܕ ܒܸܚܕܵܪܵܐ ܝܗܘܵܐ ܝܼܫܘܿܥ ܥܲܠܔ ܡܲܪܙܵܐ ܕܝܵܡܵܐ ܕܓܠܝܼܠܵܐ ܚܙܹܐ ܠܹܗ ܬܪܹܝ ܐܲܚܘܿܢܘܵܬܹ̈‌ܐ، ܫܸܡܥܘܿܢ ܕܦܝܼܫ ܠܹܗ ܩܸܪܝܵܐ ܟܹܐܦܵܐ ܘܐܲܢܕܪܹܐܘܿܣ ܐܲܚܘܿܢܘܼܗ‌ܝ، ܒܸܕܪܵܝܵܐ ܓܲܪ̈ܕܵܝܗ‌ܝ ܓܵܘ ܝܵܡܵܐ، ܣܵܒܵܒ ܨܲܝܵܕܹ̈ܐ ܝܗܘܵܘ. 
ܐܡܝܼܪܹܗ ܐܸܠܵܝܗ‌ܝ: ”ܬܹܝܡܘܼܢ ܒܵܬܪܝܼ ܘܒܸܬ ܥܵܒ݂ܕܹܢܵܘܟ݂ܘܿܢ ܨܲܝܵܕܹ̈ܐ ܕܒܢܲܝ̈ܢܵܫܵܐ.“ 
ܘܒܗ̇ܝ ܥܕܵܢܵܐ، ܫܒ݂ܝܼܩ ܠܗܘܿܢ ܓܲܪ̈ܕܵܝܗ‌ܝ ܘܐܙܝܼܠܔ ܠܗܘܿܢ ܒܵܬܪܹܗ. 
ܘܟܲܕ ܥܒ݂ܝܼܪܹܗ ܡ̣ܢ ܬܵܡܵܐ، ܚܙܹܐ ܠܹܗ ܬܪܹܝ ܐܲܚܘܿܢܘܵܬܹ̈‌ܐ ܐܚܹܪ̈ܢܹܐ، ܝܲܥܩܘܿܒ݂ ܒܪܘܿܢܵܐ ܕܙܲܒ݂ܕܲܝ ܘܝܘܿܚܲܢܵܢ ܐܲܚܘܿܢܘܼܗ‌ܝ، ܓܵܘ ܓܵܡܝܼ ܥܲܡ ܙܲܒ݂ܕܲܝ ܒܵܒܵܝܗ‌ܝ ܬܲܪܘܼܨܹܐ ܓܲܪ̈ܕܵܝܗ‌ܝ؛ ܘܩܸܪܝܵܝ ܠܹܗ. 
ܗܲܪ ܒܗ̇ܝ ܥܕܵܢܵܐ ܫܒ݂ܝܼܩ ܠܗܘܿܢ ܠܓܵܡܝܼ ܘܠܒܵܒܵܝܗ‌ܝ ܘܐܙܝܼܠܔ ܠܗܘܿܢ ܒܵܬܪܹܗ. 
ܒܸܚܕܵܪܵܐ ܝܗܘܵܐ ܝܼܫܘܿܥ ܒܟܠܹܗ ܓܠܝܼܠܵܐ ܘܡܲܠܘܼܦܹܐ ܝܗܘܵܐ ܓܵܘ ܟܢܘܼܫܝܵܬܵܝ̈ܗ‌ܝ ܘܡܲܟܪܘܼܙܹܐ ܐܹܘܲܢܓܲܠܝܼܘܿܢ ܕܡܲܠܟܘܼܬܵ‌ܐ ܘܒܲܣܘܼܡܹܐ ܟܠܔ ܟܹܐܒ݂ܵܐ ܘܟܠܔ ܡܲܪܥܵܐ ܕܓܵܘ ܥܲܡܵܐ. 
ܦܝܼܫ ܠܵܗ̇ ܫܡܝܼܥܬܵ‌ܐ ܒܘܼܬ ܕܝܼܹܗ ܓܵܘ ܟܠܵܗ̇ ܣܘܼܪܝܼܵܐ، ܘܡܘܼܝܬܹ‌ܐ ܠܗܘܿܢ ܠܟܸܣܠܹܗ ܟܠܵܝܗ‌ܝ ܐܵܢܝܼ ܕܓ̰ܲܢܓ̰ܘܼܪܹܐ ܝܗܘܵܘ ܒܡܲܪ̈ܥܹܐ ܦܪ̈ܝܼܫܹܐ ܘܡܘܼܠܝܸܨܹܐ ܒܬܘܼܫܢܵܩܹ̈ܐ، ܘܐܵܢܝܼ ܕܐܝܼܬ ܗܘܵܘ ܒܝܼܵܝܗ‌ܝ ܫܹܐܕܹ̈ܐ، ܘܒܲܪ ܐܸܓܵܪܹ̈ܐ، ܘܫܦܝܼܠܹ̈ܐ، ܘܒܘܼܣܡܵܝ ܠܹܗ. 
ܘܐܙܝܼܠܔ ܠܗܘܿܢ ܒܵܬܪܹܗ ܪܵܒܵܐ ܟܸܢܫܹ̈ܐ ܡ̣ܢ ܓܠܝܼܠܵܐ ܘܡ̣ܢ ܐܘܼܚܕܵܢܵܐ ܕܥܸܣܪܲܬ ܡܕܝܼܢܵܬܹ̈‌ܐ ܘܡ̣ܢ ܐܘܿܪܸܫܠܸܡ ܘܡ̣ܢ ܝܼܗܘܼܕ، ܘܡ̣ܢ ܥܸܒ݂ܪܵܐ ܕܝܘܿܪܕܢܵܢ.