ܪ̈ܗܘܡܝܐ.
10.
ܐܲܚܘܿܢܘܵܬ‌ܝܼ̈، ܫܲܗܘܲܬܬܵ‌ܐ ܕܠܸܒܝܼ ܘܦܲܪܦܲܠܬ‌ܝܼ ܒܐܲܠܵܗܵܐ ܒܘܼܬ ܒܢܲܝ̈ ܐܝܼܣܪܵܐܹܝܠܔ ܝܼܠܵܗ̇ ܕܦܵܪܩܝܼ. 
ܣܵܒܵܒ ܒܸܣܗܵܕܵܐ ܝܘܸܢ ܡ̣ܢ ܓܹܒܵܝܗ‌ܝ ܕܛܲܢܵܢܹ̈ܐ ܝܢܵܐ ܩܵܐ ܐܲܠܵܗܵܐ، ܐܝܼܢܵܐ ܠܵܐ ܒܝܕܵܥܬܵ‌ܐ. 
ܟܲܕ ܠܵܐ ܒܝܼܕܵܥܵܐ ܟܹܐܢܘܼܬܵ‌ܐ ܕܐܲܠܵܗܵܐ، ܘܒܸܛܥܵܝܵܐ ܕܡܲܫ݇ܟ̰ܚܝܼ ܟܹܐܢܘܼܬܵ‌ܐ ܕܓܵܢܵܝܗ‌ܝ، ܠܵܐ ܗܘܹܐ ܠܗܘܿܢ ܙܲܒܛ ܠܟܹܐܢܘܼܬܵ‌ܐ ܕܐܲܠܵܗܵܐ. 
ܣܵܒܵܒ ܡܫܝܼܚܵܐ ܝܠܹܗ ܚܘܼܬܵܡܵܐ ܕܙܲܕܝܼܩܘܼܬܵ‌ܐ ܕܟܹܐ ܐܵܬܝܵܐ ܒܝܲܕ ܢܵܡܘܿܣܵܐ، ܕܗܵܘܝܵܐ ܙܲܕܝܼܩܘܼܬܵ‌ܐ ܠܟܠܔ ܕܗܲܡܸܢ. 
ܡܘܼܫܹܐ ܟܬܝܼܒ݂ ܠܹܗ ܒܘܼܬ ܙܲܕܝܼܩܘܼܬܵ‌ܐ ܕܟܹܐ ܐܵܬܝܵܐ ܒܝܲܕ ܢܵܡܘܿܣܵܐ ܘܐܡܝܼܪܹܗ: ܟܠܔ ܡ̇ܢ ܕܥܵܒܹܕ ܐܲܢܹܐ ܒܸܬ ܚܵܝܹܐ ܒܝܼܵܝܗ‌ܝ. 
ܐܝܼܢܵܐ ܙܲܕܝܼܩܘܼܬܵ‌ܐ ܕܟܹܐ ܐܵܬܝܵܐ ܒܝܲܕ ܗܲܝܡܵܢܘܼܬܵ‌ܐ ܟܹܐ ܐܵܡܪܵܐ: ”ܠܵܐ ܐܵܡܪܹܬ ܓܵܘ ܠܸܒܘܼܟ݂، ’ܡܵܢܝܼ ܒܸܬ ܐܵܣܹܩ ܠܫܡܲܝܵܐ؟‘ ܝܲܥܢܹܐ ܕܡܲܨܠܹܐ ܠܡܫܝܼܚܵܐ، 
”ܝܲܢ ’ܡܵܢܝܼ ܒܸܬ ܨܵܠܹܐ ܠܥܘܼܡܩܵܐ؟‘ ܝܲܥܢܹܐ ܕܡܲܐܣܸܩ ܠܡܫܝܼܚܵܐ ܡ̣ܢ ܡܝܼ̈ܬܹ‌ܐ.“ 
ܐܝܼܢܵܐ ܡܘܼܕܝܼ ܟܹܐ ܐܵܡܪܵܐ؟ ܟܹܐ ܐܵܡܪܵܐ: ”ܗܹܡܸܙܡܵܢ ܩܘܼܪܒܘܼܟ݂ ܝܼܠܵܗ̇، ܐܘܼܦ ܓܵܘ ܦܘܼܡܘܼܟ݂ ܘܠܸܒܘܼܟ݂ ܝܼܠܵܗ̇،“ ܝܲܥܢܹܐ ܗܹܡܸܙܡܵܢ ܕܗܲܝܡܵܢܘܼܬܵ‌ܐ ܕܡܲܟܪܘܼܙܘܼܗ̇ ܝܘܲܚ، 
ܕܐܸܢ ܡܵܘܕܹܝܬ ܒܦܘܼܡܘܼܟ݂ ܕܝܼܫܘܿܥ ܡܵܪܲܢ ܝܼܠܹܗ، ܘܗܲܡܸܢܸܬ ܒܠܸܒܘܼܟ݂ ܕܐܲܠܵܗܵܐ ܡܘܼܩܸܡ ܠܹܗ ܐܸܠܹܗ ܡ̣ܢ ܓܵܘ ܡܝܼ̈ܬܹ‌ܐ، ܒܸܬ ܦܵܪܩܹܬ. 
ܣܵܒܵܒ ܒܠܸܒܘܼܟ݂ ܟܹܐ ܗܲܡܸܢܸܬ ܘܟܹܐ ܦܵܝܫܹܬ ܡܘܼܟܫܸܛܵܐ، ܘܒܦܘܼܡܘܼܟ݂ ܟܹܐ ܡܵܘܕܹܝܬ ܘܟܹܐ ܦܵܪܩܹܬ. 
ܕܵܐܟ݂ܝܼ ܕܒܹܐܡܵܪܵܐ ܝܠܹܗ ܟܬܵܒ݂ܵܐ: ܟܠܔ ܡ̇ܢ ܕܗܲܡܸܢ ܒܝܼܹܗ ܠܹܐ ܢܵܟܹܦ. 
ܣܵܒܵܒ ܠܲܝܬ ܦܘܼܪܫܘܼܢܝܵܐ ܒܹܝܠܔ ܝܗܘܼܕܵܝܵܐ ܘܝܵܘܢܵܝܵܐ، ܣܵܒܵܒ ܚܲܕ ܡܵܪܝܵܐ ܝܠܹܗ ܥܲܠܔ ܟܠܵܝܗ‌ܝ، ܘܪܵܒܵܐ ܟܹܐ ܒܲܪܸܟ݂ ܠܐܵܢܝܼ ܕܩܵܪܝܼ ܠܹܗ. 
ܣܵܒܵܒ ܟܠܔ ܡ̇ܢ ܕܩܵܪܹܐ ܒܫܸܡܵܐ ܕܡܵܪܝܵܐ ܒܸܬ ܦܵܪܹܩ. 
ܐܝܼܢܵܐ ܕܵܐܟ݂ܝܼ ܒܸܬ ܩܵܪܝܼ ܒܫܸܡܵܐ ܕܚܲܕ ܕܠܹܐ ܗܲܡܸܢܝܼ ܒܝܼܹܗ؟ ܘܕܵܐܟ݂ܝܼ ܒܸܬ ܗܲܡܸܢܝܼ ܒܚܲܕ ܕܠܹܐ ܝܢܵܐ ܫܡܝܼܥܹܐ ܒܘܼܬ ܕܝܼܹܗ؟ ܘܕܵܐܟ݂ܝܼ ܒܸܬ ܫܵܡܥܝܼ ܕܠܵܐ ܡܲܟܪܸܙܵܢܵܐ؟ 
ܘܕܵܐܟ݂ܝܼ ܒܸܬ ܡܲܟܪܸܙܝܼ ܐܸܢ ܠܹܐ ܝܢܵܐ ܦܝܼܫܹܐ ܫܘܼܕܪܹܐ؟ ܐܲܝܟ݂ ܕܝܼܠܹܗ ܟܬܝܼܒ݂ܵܐ: ܟܡܵܐ ܫܲܦܝܼܪܹ̈ܐ ܝܢܵܐ ܐܲܩܠܵܬܹ̈‌ܐ ܕܡܲܫܚܸܕܵܢܹ̈ܐ ܕܐܹܘܲܢܓܲܠܝܼܘܿܢ! 
ܐܝܼܢܵܐ ܟܠܵܝܗ‌ܝ ܒܢܲܝ̈ ܐܝܼܣܪܵܐܹܝܠܔ ܠܵܐ ܩܘܼܒܸܠܔ ܠܗܘܿܢ ܠܐܹܘܲܢܓܲܠܝܼܘܿܢ. ܐܲܝܟ݂ ܕܐܡܝܼܪܹܗ ܐܹܫܲܥܝܵܐ: ܡܵܪܝܼ، ܡܵܢܝܼ ܗܘܼܡܸܢܹܗ ܠܗܹܡܸܙܡܵܢܲܢ؟ 
ܗܵܕܟ݂ܵܐ، ܗܲܝܡܵܢܘܼܬܵ‌ܐ ܟܹܐ ܐܵܬܝܵܐ ܡ̣ܢ ܫܡܵܥܬܵ‌ܐ، ܘܫܡܵܥܬܵ‌ܐ ܡ̣ܢ ܗܹܡܸܙܡܵܢ ܕܡܫܝܼܚܵܐ. 
ܐܝܼܢܵܐ ܐܵܢܵܐ ܒܲܩܘܼܪܹܐ ܝܘܸܢ: ܠܹܐ ܝܢܵܐ ܫܡܝܼܥܹܐ ܐܵܢܝܼ؟ ܗܹܐ، ܫܡܝܼܥܹܐ ܝܢܵܐ. ܒܟܠܵܗ̇ ܐܲܪܥܵܐ ܦܠܝܼܛ ܠܹܗ ܩܵܠܵܝܗ‌ܝ، ܘܒܡܲܪ̈ܙܵܢܹܐ ܕܕܘܼܢܝܹܐ ܗܹܡܸܙܡܵܢܵܝܗ‌ܝ. 
ܡܸܢܕܪܸܫ ܒܲܩܘܼܪܹܐ ܝܘܸܢ، ܠܵܐ ܝܕܝܼܥ ܠܗܘܿܢ ܒܢܲܝ̈ ܐܝܼܣܪܵܐܹܝܠܔ؟ ܡ̣ܢ ܩܲܕܡܵܝܬܵ‌ܐ ܡܘܼܫܹܐ ܐܡܝܼܪܹܗ: ܒܸܬ ܥܵܒ݂ܕܹܢܵܘܟ݂ܘܿܢ ܕܒܲܚܸܠܝܼܬܘܿܢ ܒܐܘܼܡܬܵ‌ܐ ܕܠܹܐ ܝܠܵܗ̇ ܐܘܼܡܬܵ‌ܐ، ܘܒܸܬ ܡܲܟܪܸܒܸܢܵܘܟ݂ܘܿܢ ܒܐܘܼܡܬܵ‌ܐ ܕܠܵܐ ܦܲܪܡܲܝܬܵ‌ܐ. 
ܐܹܫܲܥܝܵܐ ܩܘܼܫܕܸܪܹܗ ܘܐܡܝܼܪܹܗ: ܦܝܼܫ ܠܝܼ ܡܘܼܫ݇ܟ̰ܚܵܐ ܠܐܵܢܝܼ ܕܠܵܐ ܛܥܹܐ ܠܗܘܿܢ ܐܸܠܝܼ، ܘܦܝܼܫ ܠܝܼ ܓܸܠܝܵܐ ܠܐܵܢܝܼ ܕܠܵܐ ܒܘܼܩܸܪܗܘܿܢ ܥܲܠܝܼ. 
ܐܝܼܢܵܐ ܒܘܼܬ ܐܝܼܣܪܵܐܹܝܠܔ ܐܡܝܼܪܹܗ: ܟܠܹܗ ܝܵܘܡܵܐ ܦܘܼܫܸܛ ܠܝܼ ܐܝܼܕܵܬ‌ܝܼ̈ ܠܟܸܣ ܥܲܡܵܐ ܠܵܐ ܡܲܨܝܸܬܵܢܵܐ، ܘܡܲܩܪܸܨܵܢܵܐ.