ܒ ܩܘܪ̈ܢܬܝܐ.
2.
ܗܵܕܟ݂ܵܐ، ܩܛܝܼܥ ܠܝܼ ܒܠܸܒܝܼ ܕܠܵܐ ܐܵܬܹܝܢ ܠܟܸܣܠܵܘܟ݂ܘܿܢ ܚܕܵܐ ܓܵܗܵܐ ܐܚܹܪܬܵ‌ܐ ܒܦܵܫܲܡܬܵ‌ܐ، 
ܣܵܒܵܒ ܐܸܢ ܐܵܢܵܐ ܡܲܦܫܸܡܸܢܵܘܟ݂ܘܿܢ، ܡܵܢܝܼ ܒܸܬ ܡܲܚܕܹܐ ܠܝܼ ܫܒ݂ܘܿܩ ܡ̣ܢ ܗ̇ܘ ܕܡܘܼܦܫܸܡ ܠܝܼ؟ 
ܟܬܝܼܒ݂ ܠܝܼ ܐܵܗܵܐ ܡܸܢܕܝܼ ܣܵܒܵܒ ܐܝܼܡܲܢ ܕܐܵܬܹܝܢ ܕܠܵܐ ܦܵܝܫܹܢ ܡܘܼܦܫܸܡܵܐ ܒܐܵܢܝܼ ܕܘܵܠܹܐ ܝܠܵܗ̇ ܕܡܲܚܕܝܼ ܠܝܼ، ܣܵܒܵܒ ܚܵܬܸܪܓ̰ܲܡܥ ܝܼܘܸܢ ܕܟܠܵܘܟ݂ܘܿܢ ܒܸܬ ܫܲܪܸܟܝܼܬܘܿܢ ܒܚܲܕܘܼܬ‌ܝܼ. 
ܟܬܝܼܒ݂ ܠܝܼ ܐܸܠܵܘܟ݂ܘܿܢ ܒܐܘܼܠܨܵܢܵܐ ܓܘܼܪܵܐ ܘܒܡܲܪܝܼܪܘܼܬܵ‌ܐ ܕܠܸܒܵܐ ܘܒܪܵܒܵܐ ܕܸܡ̈ܥܹܐ، ܠܵܐ ܕܡܲܦܫܸܡܸܢܵܘܟ݂ܘܿܢ ܐܸܠܵܐ ܕܡܲܕܥܸܢܵܘܟ݂ܘܿܢ ܟܡܵܐ ܚܘܼܒܝܼ ܪܵܒܵܐ ܝܠܹܗ ܐܸܠܵܘܟ݂ܘܿܢ. 
ܐܝܼܢܵܐ ܐܸܢ ܚܲܕ ܗܘܝܼܵܐ ܝܠܹܗ ܥܸܠܬܵ‌ܐ ܕܦܵܫܲܡܬܵ‌ܐ، ܠܹܐ ܝܠܹܗ ܐܸܠܝܼ ܡܘܼܦܫܸܡܵܐ، ܐܸܠܵܐ، ܕܠܵܐ ܓܲܪܘܸܣܸܢܹܗ ܚܲܒܪܵܐ، ܒܚܕܵܐ ܐܘܼܪܚܵܐ، ܡܘܼܦܫܸܡܵܐ ܝܠܹܗ ܠܟܠܵܘܟ݂ܘܿܢ. 
ܒܲܣܵܐ ܝܠܵܗ̇ ܐܸܠܹܗ ܬܲܥܠܲܡܬܵ‌ܐ ܕܚܲܕ ܗܵܕܟ݂ܵܐ ܐܢܵܫܵܐ ܒܝܲܕ ܪܵܒܵܐ. 
ܡ̣ܢ ܓܹܒܵܐ ܕܐܵܗܵܐ ܘܵܠܹܐ ܝܠܵܗ̇ ܕܦܲܚܠܝܼܬܘܿܢ ܘܝܵܗܒ݂ܝܼܬܘܿܢ ܠܸܒܵܐ ܠܚܲܕ ܗܵܕܟ݂ܵܐ ܐܢܵܫܵܐ، ܕܠܵܐ ܦܵܐܹܫ ܒܠܝܼܥܵܐ ܒܦܵܫܲܡܬܵ‌ܐ ܒܘܼܫ ܙܵܘܕܵܐ. 
ܒܘܼܬ ܐܵܗܵܐ ܦܲܪܦܘܼܠܹܐ ܝܘܸܢ ܕܡܲܩܘܹܝܬܘܿܢ ܒܝܼܹܗ ܚܘܼܒܵܘܟ݂ܘܿܢ. 
ܐܘܼܦ ܣܵܒܵܒ ܐܵܗܵܐ ܟܬܝܼܒ݂ ܠܝܼ ܐܸܠܵܘܟ݂ܘܿܢ، ܕܓ̰ܲܪܒܸܢܵܘܟ݂ܘܿܢ ܕܐܸܢ ܒܸܬ ܗܵܘܹܝܬܘܿܢ ܡܲܨܝܸܬܵܢܹ̈ܐ ܒܟܠܔ ܡܸܢܕܝܼ. 
ܠܡ̇ܢ ܕܐܲܚܬܘܿܢ ܦܲܚܠܝܼܬܘܿܢ، ܐܘܼܦ ܐܵܢܵܐ ܦܲܚܘܼܠܹܐ ܝܘܸܢ. ܣܵܒܵܒ ܡܸܢܕܝܼ ܕܐܵܢܵܐ ܦܘܼܚܠܵܐ ܝܘܸܢ - ܐܸܢ ܐܝܼܬ ܗܘܵܐ ܡܸܢܕܝܼ ܠܦܲܚܘܼܠܹܐ - ܥܒ݂ܝܼܕܵܐ ܝܘܸܢ ܒܘܼܬ ܕܝܼܵܘܟ݂ܘܿܢ ܩܲܕܡ ܦܵܬܵ‌ܐ ܕܡܫܝܼܚܵܐ. 
ܕܠܵܐ ܥܵܒܹܕ ܠܹܐܒܹ̈ܐ ܐܸܠܲܢ ܣܵܛܵܢܵܐ، ܣܵܒܵܒ ܟܹܐ ܝܵܕܥܲܚ ܠܗܘܿܢ ܦܲܢܕܘܼ̈ܗ‌ܝ. 
ܐܝܼܡܲܢ ܕܐܬܹ‌ܐ ܠܝܼ ܠܛܪܘܿܐܘܿܣ ܡܲܟܪܘܼܙܹܐ ܐܹܘܲܢܓܲܠܝܼܘܿܢ ܕܡܫܝܼܚܵܐ، ܡܵܪܝܵܐ ܦܬܝܼܚ ܠܹܗ ܐܸܠܝܼ ܬܲܪܥܵܐ، 
ܐܝܼܢܵܐ ܪܸܥܝܵܢܝܼ ܠܹܐ ܝܗܘܵܐ ܫܸܠܝܵܐ، ܣܵܒܵܒ ܠܵܐ ܡܘܼܫ݇ܟ̰ܸܚ ܠܝܼ ܐܲܚܘܿܢܝܼ ܛܸܛܘܿܣ ܬܵܡܵܐ. ܗ̇ܝܓܵܗ ܐܡܝܼܪܝܼ ܐܸܠܵܝܗ‌ܝ: ”ܦܘܼܫܘܼܢ ܒܫܲܝܢܵܐ،“ ܘܐܙܝܼܠܔ ܠܝܼ ܠܡܵܩܹܕܘܿܢܝܼܵܐ. 
ܫܲܟܘܼܪܹܐ ܝܘܸܢ ܠܐܲܠܵܗܵܐ ܕܟܹܐ ܝܵܗܒܹܠܔ ܠܲܢ ܓ݂ܵܠܹܒܘܼܬܵ‌ܐ ܒܡܫܝܼܚܵܐ ܒܟܠܔ ܥܕܵܢܵܐ، ܘܟܹܐ ܓܵܠܹܐ ܒܝܼܲܢ ܪܹܝܚܵܐ ܕܝܕܵܥܬܹܗ ܒܟܠܔ ܕܘܼܟܵܐ. 
ܣܵܒܵܒ ܪܹܝܚܵܐ ܒܲܣܝܼܡܵܐ ܕܡܫܝܼܚܵܐ ܝܘܲܚ ܠܟܸܣ ܐܲܠܵܗܵܐ، ܠܐܵܢܝܼ ܕܦܪܝܼܩܹܐ ܝܢܵܐ ܘܠܐܵܢܝܼ ܕܒܸܛܠܵܩܵܐ ܝܢܵܐ. 
ܠܚܲܕܟܡܵܐ ܪܹܝܚܵܐ ܕܡܵܘܬܵ‌ܐ ܝܘܲܚ ܠܡܵܘܬܵ‌ܐ، ܘܠܐܚܹܪ̈ܢܹܐ ܪܹܝܚܵܐ ܕܚܲܝܹ̈ܐ ܠܚܲܝܹ̈ܐ. ܘܡܵܢܝܼ ܝܠܹܗ ܚܫܝܼܚܵܐ ܠܐܵܗܵܐ ܫܘܼܠܵܐ؟ 
ܠܹܐ ܝܘܲܚ ܡܐܲܝܟ݂ ܪܵܒܵܐ ܐܚܹܪ̈ܢܹܐ ܕܚܵܒ݂ܛܝܼ ܠܵܗ̇ ܗܹܡܸܙܡܵܢ ܕܐܲܠܵܗܵܐ، ܐܸܠܵܐ ܒܡܫܝܼܚܵܐ ܟܹܐ ܗܲܡܙܸܡܲܚ ܩܲܕܡ ܐܲܠܵܗܵܐ ܒܡܗܘܼܡܢܘܼܬܵ‌ܐ، ܐܲܝܟ݂ ܐܢܵܫܹ̈ܐ ܫܘܼܕܪܹ̈ܐ ܡ̣ܢ ܐܲܠܵܗܵܐ.