ܥܒ݂ܪ̈ܝܐ.
4.
ܣܵܒܵܒ ܩܵܘܠܵܐ ܕܥܒ݂ܵܪܬܵ‌ܐ ܠܢܝܵܚܬܹܗ ܡܩܵܘܝܵܢܵܐ ܝܠܹܗ، ܗܵܘܲܚ ܗܸܫܝܲܪ ܕܐܘܼܦ ܚܲܕ ܡܸܢܵܘܟ݂ܘܿܢ ܠܵܐ ܡܲܒܝܸܢ ܕܦܝܼܫܵܐ ܝܠܹܗ ܡ̣ܢ ܠܸܥܒ݂ܵܪܵܐ. 
ܣܵܒܵܒ ܐܹܘܲܢܓܲܠܝܼܘܿܢ ܦܝܼܫ ܠܹܗ ܡܘܼܫܚܸܕܵܐ ܐܸܠܲܢ ܐܘܼܦ ܐܲܝܟ݂ ܠܐܵܢܝܼ، ܐܝܼܢܵܐ ܡܲܟܪܲܙܬܵ‌ܐ ܠܲܝܬ ܗܘܵܐ ܠܵܗ̇ ܗܸܟ̃ ܚܲܕ ܝܘܼܬܪܵܢܵܐ ܩܵܬܵܝܗ‌ܝ، ܣܵܒܵܒ ܐܵܢܝܼ ܕܫܡܝܼܥܵܐ ܠܗܘܿܢ ܠܵܐ ܡܙܝܼܓ݂ܵܐ ܠܗܘܿܢ ܒܗܲܝܡܵܢܘܼܬܵ‌ܐ. 
ܐܝܼܢܵܐ ܐܲܚܢܲܢ ܕܗܘܼܡܸܢܲܢ ܥܵܒ݂ܪܲܚ ܠܗ̇ܝ ܢܝܵܚܬܵ‌ܐ، ܕܵܐܟ݂ܝܼ ܕܐܡܝܼܪܹܗ: ܐܲܝܟ݂ ܕܝܡܹܐ ܠܝܼ ܓܵܘ ܟܲܪܒܝܼ: ”ܠܹܐ ܥܵܒ݂ܪܝܼ ܠܢܝܵܚܬ‌ܝܼ،“ ܐܵܦܸܢ ܕܦܘܼܠܚܵܢܘܼ̈ܗ‌ܝ ܗܵܐ ܡ̣ܢ ܫܘܼܪܵܝܵܐ ܕܒܪܝܼܬܵ‌ܐ ܦܝܼܫܹܐ ܝܢܵܐ ܡܘܼܟܡܸܠܹܐ. 
ܣܵܒܵܒ ܒܚܕܵܐ ܕܘܼܟܵܐ ܗܵܕܟ݂ܵܐ ܐܡܝܼܪܹܗ ܒܘܼܬ ܝܵܘܡܵܐ ܕܫܲܒܬܵ‌ܐ: ܡܘܼܢܝܸܚ ܠܹܗ ܐܲܠܵܗܵܐ ܡ̣ܢ ܟܠܵܝܗ‌ܝ ܦܘܼܠܚܵܢܘܼ̈ܗ‌ܝ ܒܝܵܘܡܵܐ ܕܫܲܒܬܵ‌ܐ. 
ܡܸܢܕܪܸܫ ܗܲܪ ܒܗ̇ܝ ܕܘܼܟܵܐ ܐܡܝܼܪܹܗ: ܠܹܐ ܥܵܒ݂ܪܝܼ ܠܢܝܵܚܬ‌ܝܼ. 
ܒܟܠܵܗ̇ ܐܵܗܵܐ ܚܲܕܟܡܵܐ ܗܸܫ ܒܸܬ ܥܵܒ݂ܪܝܼ ܠܢܝܵܚܬܵ‌ܐ، ܐܝܼܢܵܐ ܐܵܢܝܼ ܕܐܹܘܲܢܓܲܠܝܼܘܿܢ ܦܝܼܫ ܠܹܗ ܡܘܼܟܪܸܙܵܐ ܐܸܠܵܝܗ‌ܝ ܠܵܐ ܥܒ݂ܝܼܪܗܘܿܢ ܣܵܒܵܒ ܠܵܐ ܡܘܼܨܝܸܬ ܠܗܘܿܢ. 
ܡܸܢܕܪܸܫ ܐܲܠܵܗܵܐ ܪܫܝܼܡ ܠܹܗ ܚܲܕ ܝܵܘܡܵܐ ܐܚܹܪܢܵܐ، ܕܩܪܹܐ ܠܹܗ ”ܐܸܕܝܘܿܡ ܝܵܘܡܵܐ،“ ܐܝܼܡܲܢ ܕܡ̣ܢ ܒܵܬܪ ܚܲܕ ܙܲܒ݂ܢܵܐ ܝܲܪܝܼܟ݂ܵܐ ܗܘܼܡܙܸܡ ܠܹܗ ܒܝܲܕ ܕܵܘܝܼܕ ܐܲܝܟ݂ ܕܐܡܝܼܪܹܗ ܩܲܕܡܵܝܬܵ‌ܐ: ܐܸܕܝܘܿܡ ܐܸܢ ܫܵܡܥܝܼܬܘܿܢ ܩܵܠܹܗ، ܠܵܐ ܡܲܩܫܹܝܬܘܿܢ ܠܸܒܵܘܟ݂ܘܿܢ. 
ܣܵܒܵܒ ܐܸܢ ܝܼܫܘܿܥ ܒܲܪ ܢܘܿܢ ܗܵܘܹܐ ܗܘܵܐ ܝܘܼܗܒ݂ܵܐ ܐܸܠܵܝܗ‌ܝ ܢܝܵܚܬܵ‌ܐ، ܐܲܠܵܗܵܐ ܠܹܐ ܗܲܡܙܸܡ ܗܘܵܐ ܡ̣ܢ ܒܵܬܪ ܗܵܕܵܐ ܒܘܼܬ ܚܲܕ ܝܵܘܡܵܐ ܐܚܹܪܢܵܐ. 
ܒܵܣ ܐܝܼܬ ܫܲܒܬܵ‌ܐ ܕܢܝܵܚܬܵ‌ܐ ܠܛܵܝܸܦܵܐ ܕܐܲܠܵܗܵܐ. 
ܗܵܕܟ݂ܵܐ ܡ̇ܢ ܕܥܵܒܹܪ ܠܢܝܵܚܬܵ‌ܐ ܕܐܲܠܵܗܵܐ ܡܘܼܢܝܸܚ ܠܹܗ ܐܘܼܦ ܡ̣ܢ ܦܘܼܠܚܵܢܘܼ̈ܗ‌ܝ، ܐܲܝܟ݂ ܕܐܲܠܵܗܵܐ ܡܘܼܢܝܸܚ ܠܹܗ ܡ̣ܢ ܦܘܼܠܚܵܢܘܼ̈ܗ‌ܝ. 
ܒܘܼܬ ܐܵܗܵܐ ܚܲܦܛܲܚ ܠܸܥܒ݂ܵܪܵܐ ܠܗ̇ܝ ܢܝܵܚܬܵ‌ܐ، ܕܐܘܼܦ ܚܲܕ ܠܵܐ ܢܵܦܹܠܔ ܒܫܩܵܠܬܵ‌ܐ ܕܛܘܼܦ̮ܣܵܐ ܡ̣ܢ ܥܵܨܝܘܼܬܵ‌ܐ ܕܐܵܢܝܼ. 
ܣܵܒܵܒ ܚܵܝܬܵ‌ܐ ܝܠܵܗ̇ ܗܹܡܸܙܡܵܢ ܕܐܲܠܵܗܵܐ ܘܚܲܝܠܵܢܬܵ‌ܐ ܝܠܵܗ̇، ܘܒܘܼܫ ܚܲܪܝܼܦܬܵ‌ܐ ܝܠܵܗ̇ ܡ̣ܢ ܟܠܔ ܣܲܝܦܵܐ ܕܬܪܹܝ ܦܘܼܡܵܢܹ̈ܐ. ܟܹܐ ܥܵܒ݂ܪܵܐ ܗܲܠܔ ܦܪܵܫܬܵ‌ܐ ܕܓܵܢܵܐ ܘܕܪܘܼܚܵܐ، ܘܕܘܲܪ̈ܝܼܕܹܐ ܘܕܡܘܼܚܵܐ ܘܕܓܲܪ̈ܡܹܐ، ܘܟܹܐ ܕܵܝܢܵܐ ܚܘܼܫܵܒܹ̈ܐ ܘܪܸ̈ܥܝܵܢܹܐ ܕܠܸܒܵܐ. 
ܘܠܲܝܬ ܡܸܢܕܝܼ ܒܸܪܝܵܐ ܕܗܵܘܹܐ ܛܸܫܝܵܐ ܡܸܢܹܗ؛ ܐܸܠܵܐ ܟܠܵܝܗ‌ܝ ܡܸܢܕܝܼܵܢܹ̈ܐ ܫܘܼܠܚܵܝܹ̈ܐ ܝܢܵܐ ܘܓܸܠܝܹܐ ܩܲܕܡ ܥܲܝ̈ܢܹܐ ܕܗ̇ܘ ܕܒܸܬ ܝܵܗܒܲܚ ܓ̰ܘܼܘܵܒ ܐܸܠܹܗ. 
ܒܵܣ ܟܲܕ ܐܝܼܬ ܠܲܢ ܓܘܼܪܵܐ ܕܟܵܗ̈ܢܹܐ ܥܸܠܵܝܵܐ، ܗ̇ܘ ܕܥܒ݂ܝܼܪܹܗ ܠܫܡܲܝܵܐ، ܝܼܫܘܿܥ ܒܪܘܿܢܵܐ ܕܐܲܠܵܗܵܐ، ܫܒ݂ܘܿܩ ܕܵܒ݂ܩܲܚ ܩܸܘܝܹܐ ܒܡܵܘܕܲܝܬܲܢ. 
ܣܵܒܵܒ ܠܲܝܬ ܠܲܢ ܓܘܼܪܵܐ ܕܟܵܗ̈ܢܹܐ ܕܠܵܐ ܡܵܨܹܐ ܫܲܪܸܟ ܥܲܡܲܢ ܒܚܲܫܵܐ ܓܵܘ ܙܲܒܘܼܢܘܼܝܵܬܲܢ̈، ܐܸܠܵܐ ܐܝܼܬ ܠܲܢ ܚܲܕ ܕܦܝܼܫܵܐ ܝܗܘܵܐ ܓ̰ܘܼܪܒܵܐ ܒܟܠܔ ܐܘܼܪܚܵܐ ܡܐܲܝܟ݂ ܕܝܼܲܢ، ܐܲܚܟ̰ܝܼ ܕܠܵܐ ܚܛܝܼܬܵ‌ܐ ܝܗܘܵܐ. 
ܒܵܣ ܫܒ݂ܘܿܩ ܩܲܪܒܸܢܲܚ ܒܓ̰ܘܼܪܐܲܬ ܠܟܘܼܪܣܝܵܐ ܕܫܵܦܵܩܲܬ، ܕܩܲܒܠܲܚ ܪ̈ܲܚܡܹܐ ܘܕܡܲܫ݇ܟ̰ܚܲܚ ܫܵܦܵܩܲܬ ܠܗܲܝܲܪܬܲܢ ܒܥܕܵܢܵܐ ܕܣܢܝܼܩܘܼܬܵ‌ܐ.