30
1 Yinni Gusunɔ u nɛɛ,
bɔ̃rurobɑ Yudɑbɑ be bɑ ku rɑ mɛm nɔ.
Bɑ ku rɑ mɑn sɑɑwɑrɑ ko bɑ̀ n wesiɑnɑmɔ.
Kpɑ bu kɑ ɡɑbu ɑrukɑwɑni bɔke
bɑ kun nɛn kĩru bikie.
Bɑ tii durum ɡuremɔ bɑ sɔbimɔ bɑ dɔɔ.
2 Be wee bɑ kpikiru dɔɔ Eɡibitiɔ
bɑ ǹ mɑn sɑɑwɑrɑ kue.
Bɑ fɑɑbɑ kɑsu Eɡibiti sunɔn mi.
3 Adɑmɑ u ǹ kpɛ̃ u bu fɑɑbɑ ko.
U koo bu sekuru dokewɑ.
4 Wee ben wiruɡibu bɑ turɑ bɑ
wɑ̃ɑ Soɑniɔ kɔ.
Mɛyɑ mɑɑ ben ɡɔro be, bɑ Hɑnɛsi turɑ.
5 Adɑmɑ be kpuro bɑ koo sekuru di
Eɡibitiɡibun sɔ̃,
domi bɑ ǹ kpɛ̃ bu bu fɑɑbɑ ko.
Bɑ koo bu sekuru dokewɑ kpɑ bu bɛɛrɛ biɑ.
Isirelibɑ bɑ Eɡibitiɡibun
somiru dweem dɔɔ
6 Wee Yudɑbɑ bɑ ben yɑɑ sɑbenu sɔmunu sɔbi
bɑ kɑ dɔɔ sɔ̃ɔ yɛ̃sɑn nɔm dwɑru ɡiɑ
mi nuku sɑnkirɑrɑ wɑ̃ɑ.
Domi ɡbee sinɑnsu su wɑ̃ɑ mi,
kɑ surɔkɔnu kɑ sere wɛɛ nɑnumɡii ɡɛɛ.
Tɔn be, bɑ ben dukiɑ kɑ ben ɑrumɑni kpuro
kɛtɛkunu kɑ yooyoosu sɔbi,
bɑ kɑ Eɡibitiɡibu dɑɑwɔ,
be bɑ ǹ koo bu ɑrufɑɑni ɡɑɑ kuɑ.
7 Domi ben somiru tɑ sɑ̃ɑwɑ kɑm.
Yen sɔ̃nɑ nɑ Eɡibiti ye sokumɔ wɑɑ ye yɑ kun dɛ̃ɛ mɔ.
Mɛm nɔɔ sɑribɑ
8 Gusunɔ u Esɑi sɔ̃ɔwɑ u nɛɛ,
tɛ̃, ɑ ye kpuro yoruo kpee bɛsi sɔɔ kɑ tirenɔ
Yudɑbɑn wuswɑɑɔ kpɑ yɑ n yii mi,
yɑ n sɑ̃ɑ seedɑ sere kɑ bɑɑdommɑɔ.
9 Domi tɔn be, bɑ sɑ̃ɑwɑ mɛm nɔɔ sɑribɑ kɑ wee kowobu.
Bɑ swɑɑ tɑu, bɑ ǹ kĩ bu sɔ̃ɔsiru swĩi.
10 Mɑ bɑ yɑm wɑobu sɔ̃ɔmɔ bu ku yɑm wɑ.
Mɛyɑ bɑ mɑɑ nɛn sɔmɔbu sɔ̃ɔmɔ bu ku bu ɡɑri ɡee sɔ̃.
Adɑmɑ bu bu ɡɑri dori sɔ̃ɔwɔ bɑɑ ǹ n mɛren nɑ.
11 Bu swɑɑ ye derio
kpɑ bu ku mɑɑ bu nɛ, Isirelibɑn Yinni Dɛɛron ɡɑri sɔ̃.
Yudɑbɑ bɑ koo wurɑmɑ
mɑm mɑm
12 Mɑ Esɑi u Yudɑbɑ sɔ̃ɔwɑ u nɛɛ,
ɑmɛniwɑ Gusunɔ bɛɛn Yinni Dɛɛro u bɛɛ sɔ̃ɔmɔ.
U nɛɛ, yèn sɔ̃ i ɡɑri yi yinɑmɔ
mɑ i tii yɔ̃su dɑɑ bɔɔbɔyɑ sɔɔ, kɑ weesu sɔɔ,
mɑ i tɑ̃sɑ ye sɔɔ,
13 torɑ nini, nu koo bɛɛ ko dɑm sɑriruɡibu,
kpɑ i wɔrumɑ subɑru sɔɔ,
nɡe ɡɑnɑ ye yɑ beu mɔ.
14 I ko i kɔsikirɑwɑ muku muku
nɡe wekeru tèn kɛ̃kɑ bɑ ǹ kpɛ̃ bu kɑ dɔ̃ɔ ɡurɑ,
ǹ kun mɛ bu kɑ nim sɔkɑ.
I Yinni Gusunɔ nɑɑnɛ koowo
15 Adɑmɑ u wure u nɛɛ,
ì n ɡɔ̃ru ɡɔsiɑ i wurɑmɑ win mi lɑɑkɑri sɔɔ,
i ko fɑɑbɑ wɑ.
Mɛyɑ ì n kuɑ tɛɛru i nùn nɑɑnɛ doke,
i ko dɑm wɑ.
Adɑmɑ i ǹ mɛ kĩɛ.
16 I nɛɛ, i ko yɑkurɑwɑ kɑ dumi.
Yen sɔ̃nɑ u koo mɑɑ de i yɑkurɑ.
I nɛɛ, i ko dɑwɑ kɑ dumi yi yi duki mɔ.
Yen sɔ̃nɑ u koo de
be bɑ koo mɑɑ bɛɛ nɑɑ ɡirɑ bɑ n sɑ̃u.
17 Bɛɛn nɔrɔbu (1.000) bɑ̀ n yibɛrɛ turo wɑ,
bɑ koo duki yɑrinɑ.
Yibɛrɛbɑ nɔɔbu bɑ koo mɑɑ bɛɛ kpuro yɑrinɑsiɑ
kpɑ i dɑ i n sebi sebi
nɡe dɛkɑ ye bɑ ɡire ɡuuru wɔllɔ.
Yinni Gusunɔ u koo
win tɔmbu domɑru kuɑ
18 Yinni Gusunɔ u tɔ̃ru mɑrɑ
tè sɔɔ u koo bɛɛ durom kuɑ
kpɑ u bɛɛ wɔnwɔndu sɔ̃ɔsi.
Domi u sɑ̃ɑwɑ ɡemɡii.
Doo nɔɔruɡibɑ be bɑ nùn nɑɑnɛ sɑ̃ɑ.
19 Bɛɛ Yerusɑlɛmuɡibu,
bɛɛ be i wɑ̃ɑ Siɔnin ɡuurɔ,
bɛɛn ɡoo kun mɑɑ sumɔ.
Yinni Gusunɔ u koo bɛɛn wɔnwɔndu wɑ
sɑnɑm mɛ i nùn sokɑ.
Ù n bɛɛn nɔɔ nuɑ, u koo bɛɛ wurɑri.
20 U koo bɛɛ dĩɑnu wɛ̃ i di nɔni swɑ̃ɑrun sɑɑ sɔɔ,
kpɑ u bɛɛ nim wɛ̃ i nɔ wɑhɑlɑn sɑɑ sɔɔ.
Wi, wi u bɛɛ keu sɔ̃ɔsimɔ
u ǹ mɑɑ kukumɔ bee tiɑ.
I ko i nùn wɑ.
21 Ì n sĩɑ i turɑ swɑɑ kɛɛnɑnɔ,
bɛɛn swɑɑ koo ɡɑri yi nɔ, yi yi nɛɛ,
swɑɑ wee, i sĩiyɔ ye sɔɔ.
22 I ko i bɛɛn sii ɡeesu kɑ wurɑ
ye i rɑɑ bɛɛn bwɑ̃ɑrokunu pote ɡɑrisi disi,
kpɑ i bwɑ̃ɑroku nin kɛ̃ki yɑri nɡe kubɑnu,
kpɑ i nɛɛ, bu kɑ nu yɑrio sɑɑ min di.
23 Sɑɑ yerɑ Gusunɔ u koo de ɡurɑ yu nɛ
bɛɛn dĩɑ ni i duurɑ sɔɔ,
kpɑ dĩɑ ni, nu ɡeɑ ko nu mɑ.
Sɑɑ ye sɔɔrɑ, yɑɑ sɑbenu koo yɑkɑsu di bɑtumɑ bɑkɑ sɔɔ.
24 Nɛɛ yi bɑ kɑ sɔmburu mɔ̀ kɑ sere kɛtɛkunu
nu koo dobi di yi bɑ bɔru yɛ̃kɑ.
25 Nim tori yi ko yi n wɑ̃ɑwɑ
ɡuu bɑkɑnun wɔllɔ, kɑ ɡunɡunu wɔllɔ,
dɔmɑ te bɑ koo tɔmbu ɡo
bu ben kuku yenu kɔsuku.
26 Kpɑ Yinni Gusunɔ u win tɔmbun bosu nɔɔri,
kpɑ u bu bɛkiɑ mi u bu mɛɛrɑ kuɑ.
Dɔmɑ terɑ, surun yɑm bururɑm mu koo ko nɡe sɔ̃ɔɡim,
kpɑ sɔ̃ɔɡim mu dorɑ mu sosi
nɔn nɔɔbɑ yiru n kere yellu.
Yinni Gusunɔ
u koo Asiriɡibu sɛɛyɑsiɑ
27 Wee Yinni Gusunɔn yĩsirɑ nɔɔrɑmɔ
sɑɑ tontonden di.
Win mɔru yɑ kpɑ̃ yɑ sɑ̃ɑ nɡe dɔ̃ɔ wii bɑkɑru.
Win nɔɔ ɡɑ mɔru yibɑ.
Mɑ win yɑrɑ yɑ sɑ̃ɑ nɡe dɔ̃ɔ yɑri bɑkɑru.
28 Win mɔrun wɛ̃siɑru tɑ sɑ̃ɑwɑ nɡe dɑɑru
te tɑ nim yibɑ tɑ tɔnu mwɛɛ sere wĩirɔ,
u kɑ tɔmbu kɑm koosiɑ,
mɑ tɑ sɑ̃ɑ nɡe yɑrukɑ ben nɔsɔ
u kɑ bu dɑ mi bɑ ǹ kĩ.
29 I ko i womusu ko nɡe mɛ i rɑ ko Gɔɔ sɑrɑribun tɔ̃ɔ bɑkɑru sɔɔ wɔ̃kuru, kpɑ i n nuku dobu mɔ nɡe wi u ɡuuru soomɔ u kɑ sĩimɔ sɑnɑm mɛ i sɑ̃ɑru dɔɔ Yinni Gusunɔn ɡuurɔ, wi, wi u sɑ̃ɑ Isirelibɑn dɑm.
30 Sɑɑ yerɑ u koo de win nɔɔ dɑmɡuu ɡe, ɡu nɔɔrɑ.
Win mɔru bɑkɑ ye, yɑ̀ n seewɑ
u koo win dɑm sɔ̃ɔsi dɔ̃ɔ boko kɑ nim yibu bɑkɑru
kɑ ɡuru woo bɔkɔ kɑ ɡuru kpenu sɔɔ.
31 Yinni Gusunɔ ù n ɡbɑ̃rɑ,
Asirin sinɑ boko u koo nɑndɑ u diiri.
Domi u koo nùn sɛɛyɑsiɑ kɑ win bokuru.
32 Mɛ̀n nɔɔ u ɡesi nùn boku te so, ɡɑ̃ɑsu kɑ mɔrɔkunɑ nu koo nɔɔrɑ. U koo nùn sowɑ kɑ dɑm.
33 Sɑɑ yellun di
bɑ wi sinɑ bokon kpɑku yeru kuɑ tɑ wɑ̃ɑ mi.
Tɑ duku, tɑ mɑɑ yɑsu.
Mɑ tɑ dɔ̃ɔ mɔ tɑ mɑɑ dɑ̃ɑ yibɑ.
Wee Yinni Gusunɔn mɔrun wɛ̃siɑru tɑ dɔ̃ɔ wi yɑbiɑmɔ
nɡe ɡbim mɛ bɑ dɔ̃ɔ doke.
Eɡibitiɡibɑ sɑ̃ɑwɑ tɔmbu