Gusunɔ Isirelibɑn Yinni ù kun dɑɑ kɑ sun wɑ̃ɑ,

wɑrɑ u koo sun kɔ̃su.

Isirelibɑ bu wureo bu ɡere bu nɛɛ,

2-4 sɑnɑm mɛ tɔn kɔ̃sobun mɔru yɑ seewɑ, mɑ bɑ sun seesi,

Yinni Gusunɔ ù kun dɑɑ kɑ sun wɑ̃ɑ, bɑ koo sun mwɛ wɑsiru,

kpɑ bu sun wukiri nɡe nim mɛ mu kokumɔ dɑɑ torɑɔ.

5 Nim kure dɑmɡinɑ nu koo sun tɑɑre.

6 Sɑ Yinni Gusunɔ siɑrɑ,

domi u ǹ dere bɛsɛn yibɛrɛbɑ bu sun nɔɔ bɛri.

7 U derɑ bɛsɛn hunde yɑ kisirɑ sɑɑ tɑɑn di nɡe ɡunɔ.

Tɑɑ yɑ kɑsikirɑ mɑ sɑ yɑrɑ.

8 Yinni Gusunɔwɑ u sɑ̃ɑ bɛsɛn fɑɑbɑ kowo.

Wiyɑ u wɔllu kɑ tem tɑkɑ kuɑ.