Yoobu.
25.
Bilidɑ Suɑɡii u Yoobu wisɑ u nɛɛ, 
Gusunɔn dɑm mu nɑsiɑru turɑ. U rɑ de bɔri yɛndu tɑ n wɑ̃ɑ sere wɔllun sɔɔ sɔɔwɔ. 
Win tɑbu durɔbu bɑ ǹ ɡeeru mɔ. U rɑ de win yɑm bururɑm mu sɔ̃ɔsirɑ tɔmbu kpuron mi. 
Tɔnu kun kpɛ̃ u n ɡem mɔ Gusunɔn wuswɑɑɔ. Wi bɑ mɑrɑ ɡesi, u ǹ kpɛ̃ u n dɛɛre Gusunɔn wuswɑɑɔ. 
Domi bɑɑ suru u ǹ dɛɛre win wuswɑɑɔ. Mɛyɑ mɑɑ kperi kun buriri win wuswɑɑɔ, 
kɑɑ sere ɡere tɔnu wi u sɑ̃ɑ nɡe kɔkɔbu?