Womusu.
39.
Dɑfidin womu ɡe u Yedutum, wom kowobun wiruɡii kuɑ. U nɛɛ, 
nɑ rɑɑ nɛɛ, kon nɛn sɑnu sɑnusu lɑɑkɑri ko kpɑ n ku durum ko nɛn ɡɑri ɡerubu sɔɔ. Kon nɛn nɔɔ kpĩ sɑnɑm mɛ nuku kɔ̃suruɡii wɑ̃ɑ nɛn bɔkuɔ. 
Nɑ rɑɑ mɑɑri, nɑ ǹ ɡɑ̃ɑnu ɡeruɑ, mɑ nɑ deemɑ n kuɑ kɑm, domi nɛn nɔni swɑ̃ɑru tɑ sosiwɑ. 
Nɛn lɑɑkɑri yɑ seewɑ. Ye nɑ bwisikumɔ yɑ mɑn nɛni nɡe dɔ̃ɔ, mɑ nɑ ɡeruɑ nɑ nɛɛ, 
Yinni Gusunɔ, ɑ mɑn nɛn wɑ̃ɑrun sɑkɑ sɔ̃ɔsio kpɑ nɑ n yɛ̃ nɡe mɛ nɑ ǹ dɑm mɔ. 
N wee ɑ nɛn tɔ̃ru yĩirɑ kɑ wunɛn nɔmɑn yɑsum, mɑ nɛn wɑ̃ɑrun sɑnɑm kun ɡɑ̃ɑnu turɑ wunɛn nɔni sɔɔ. Kɑ ɡeemɑ tɔnu bɑɑwure koo doonɑ nɡe woo tiɑ, 
ǹ kun mɛ nɡe tiro. Ye u mɔ̀ kpuro kɑmɑ. U ɑrumɑni mɛnnɑmɔ, u ǹ yɛ̃ wɑrɑ koo ye di. 
Tɛ̃ Yinni, mbɑ nɑ mɑɑ mɑrɑ. Nɛn yĩiyɔbu wɑ̃ɑ wunɛ sɔɔ. 
A mɑn yɑkio nɛn durum kpuron di. A ku de ɡɑri bɑkɑsu su n mɑn yɑɑkoru mɔ̀. 
Kon mɑri, nɑ ǹ ɡɑri ɡerumɔ, domi wunɑ ɑ derɑ yɑ koorɑ mɛ. 
A ku mɑɑ mɑn wɑhɑlɑ ko. Nɑ wɑsikirɑmɔ wunɛn nɔm ɡɛrɑn sɔ̃. 
A rɑ tɔnu ɡerusi kpɑ ɑ nùn sɛɛyɑsiɑ win torɑnun sɔ̃. Ye tɔnu u kĩ, yerɑ ɑ rɑ di nɡe kɔkɔbu. Geemɑ, tɔnu bɑɑwure u koo doonɑwɑ nɡe woo tiɑ. 
Yinni Gusunɔ, ɑ nɛn kɑnɑru nɔɔwɔ, kpɑ ɑ nɛn sokuru swɑɑ dɑki. A ku nɛn wuri ɑtɑfiiru ko, domi nɑ sɑ̃ɑwɑ sɔɔ wunɛn mi nɡe nɛn sikɑdobɑ kpuro. 
A mɑn derio sɛ̃ɛ, kpɑ n wom wɑ n sere sɑriru ko.