Womusu.
64.
Womu ɡe Dɑfidi u wom kowobun wiruɡii kuɑ. Ge wee. 
Gusunɔ, ɑ nɛn nɔɔ nɔɔwɔ sɑnɑm mɛ nɑ weeweenu mɔ̀. A mɑn kɔ̃suo nɛn yibɛrɛ wi nɑ nɑsien sɔ̃. 
A mɑn yɑro tɔn kɔ̃sobun wesiɑnɔsun di. Kpɑ ɑ mɑn yɑrɑ dɑɑ kɔ̃sɑɡibun suunun di. 
Bɑ ben yɑrɑ nɔɔ derɑmɔ nɡe tɑkobi, kpɑ bɑ n ɡɑri kɔ̃si kɑsukumɔ nɡe sɛ̃ɛnu, 
bu kɑ wi u kun ɡɑ̃ɑnu kue to ɑsiri sɔɔ. 
Bɑ tii dɑm kɛ̃mɔwɑ kɔ̃sɑn kobu sɔɔ. Bɑ rɑ nɔɔ tiɑ ko bu kɑ tɔmbu yinɑ bɛriɑ bɑ n mɔ̀, ɡoo kun bu wɑsi. 
Kɔ̃sɑ bɑ himbɑ mɔ̀ bɑ mɔ̀, ben kpunɑɑ ye, yɑ wɑ̃wɑ mɑm mɑm. Domi ɡoo kun kpɛ̃ u tɔnun ɡɔ̃run ɡɑri tubu. 
Gusunɔ u bu sɛ̃ɛnu twee. Wee nu bu ɡirɑri. 
U bu mwɑ kɑ ben tii tiin ɡɑri. Be bɑ bu wɑ kpuro bɑ rɑ wii ɡimɑnu kowɑ. 
Kpɑ bɛrum mu be kpuro mwɑ bɑ n kpɑrɑmɔ ye Gusunɔ u kuɑ, kpɑ bɑ n yen bwisikunu mɔ̀. 
Yinni Gusunɔn miyɑ ɡemɡii u rɑ kuku yeru kɑ nuku dobu wɑ. Kpɑ bèn ɡɔ̃ru ɡɑ dɛɛre bu bɛɛrɛ wɑ win mi.