Womusu.
93.
Yinni Gusunɔ, ɑ bɑndu dii, mɑ ɑ wunɛn yiiko sebuɑ nɡe yɑberu. Mɑ ɑ dɑm sɛ̃ke nɡe kpɑkɑ. A mɑɑ derɑ tem mu dɑm mɔ, mu ǹ yĩirimɔ. 
Sɑɑ yee yellun diyɑ ɑ wunɛn bɑndu swĩi. Sɑɑ yee yellun diyɑ ɑ wɑ̃ɑ. 
Yinni Gusunɔ, dɑɑnu nu rɑ n nɔɔɡiru sue nu n wɔki, kpɑ nu n kuuki mɔ̀. 
Adɑmɑ wunɛ, ɑ dɑm mɔ ɑ ni kpuro kere. A bɑndu dii wɔllɔ. 
Yinni Gusunɔ, wunɛn ɡɑri yi sɑ̃ɑwɑ ɡem. Wunɛn sɑ̃ɑ yeru tɑ ko n sɑ̃ɑwɑ dɛɛrɑru sere kɑ bɑɑdommɑɔ.