Womusu.
120.
Sɑ̃ɑ dɑɑrun womu. Ge wee. Sɑnɑm mɛ nɑ wɑ̃ɑ nuku sɑnkirɑnu sɔɔ, nɑ Yinni Gusunɔ sokɑ, mɑ u mɑn wurɑri. 
Yinni Gusunɔ, ɑ mɑn wɔro wee kowobun nɔmɑn di. A mɑn yɑkio be bɑ tɔmbu nɔni wɔ̃kumɔn nɔmɑn di. 
Mbɑ weesu koo kɑ bu nɑɑwɑ, 
mɑ n kun mɔ tɑbu sɛ̃ɛnu kɑ dɔ̃ɔ bokon ɡɛ̃ɛ. 
Wee nɑ kuɑ kɑm koore, nɑ wɑ̃ɑ Mɛsɛkiɔ Kedɑnin kuu bekuruɡirɔ. 
Nɑ sɔ̃ n tɛ kɑ be bɑ ku rɑ bɔri yɛndu kɑ̃. 
Nɑ̀ n bɔri yɛndun ɡɑri ɡerubu toruɑ, bɑ rɑ n tɑbun sɔɔru mɔ̀wɑ.