Womusu.
125.
Sɑ̃ɑ dɑɑrun womu. Ge wee. Be bɑ Yinni Gusunɔ nɑɑnɛ sɑ̃ɑ, bɑ rɑ n yɔ̃wɑ dim dim nɡe Siɔnin ɡuuru. Tɑ ku rɑ bɑ̃ɑri. Tɑ ko n yɔ̃wɑ sere kɑ bɑɑdommɑɔ. 
Nɡe mɛ ɡuunu kɑ Yerusɑlɛmu sikerenɛ, nɡe mɛyɑ Gusunɔ u kɑ win tɔmbu sikerenɛ sɑɑ tɛ̃n di sere kɑ bɑɑdommɑɔ. 
Tɔn kɔ̃so kun bɑndu dimɔ ɡemɡibun temɔ. Domi ù n tu di, ben tii bɑ koo kɔ̃sɑ ko. 
Yinni Gusunɔ, ɑ be bɑ ɡeɑ mɔ̀ ɡeɑ sɔ̃ɔsio. A bèn ɡɔ̃ru ɡɑ dɛɛre durom kuo. 
Adɑmɑ be bɑ swɑɑ mwɑɑmɔ ye yɑ ǹ dɛnde ɑ bu yɑrinɑsio kɑ kɔ̃sɑn kowobu sɑnnu. Yinni Gusunɔ, ɑ de bɔri yɛndɑ n wɑ̃ɑ Isireliɔ.