Womusu.
128.
Sɑ̃ɑ dɑɑrun womu. Ge wee. Doo nɔɔruɡiiwɑ wi u Yinni Gusunɔ nɑsie, mɑ u sĩimɔ win swɛɛ sɔɔ. 
U koo win sɔmburun ɑrufɑɑni di, kpɑ u n nuku dobu mɔ u n kuurɑmɔ. 
Win yɛnuɔ win kurɔ u ko n sɑ̃ɑwɑ nɡe resɛm ye yɑ rɑ mɑ. Mi bɑ sɔ̃ bɑ dimɔ, kpɑ win bibu bɑ n sɑ̃ɑ nɡe olifin dɑ̃ɑ kpɛmminu. 
Domɑ ten bweserɑ wi u Yinni Gusunɔ nɑsie u rɑ wɑ. 
Yinni Gusunɔ u nun domɑru kuo Siɔnin di, kpɑ ɑ n wɑɑmɔ nɡe mɛ Yerusɑlɛmu yɑ kuurɑmɔ wunɛn wɑ̃ɑrun tɔ̃ru kpuro sɔɔ. 
Kɑɑ wunɛn bibun bibu wɑ. Gusunɔ u de bɔri yɛndɑ n wɑ̃ɑ Isireliɔ.