1 Ntɛ səmpɛ ta tɔlɔm o tɔlɔm tɔsɔtɔ fum mɔ, k’aloku su a mokuru mamɔkɔ m’ aŋwe Malit. 2 Kɔ afum aka di ŋasumpər su bel-bel. Kɔ ŋaŋkekərɛ su kəkɔ-sayɛ nɛŋc ndɛ ŋanacɔl teta wəcafən wəkɔ ɛnacop kətuf mɔ, kɔ kəfe. 3 Pol ɛnawɛtəs yaŋcan yɔlɔma nyɛ ɛnayi kəcɔl dənɛŋc mɔ, mba teta pəwon, kɔ dɔf dowur yaŋcan disrɛ kɔ dɛndɛtərnɛ kɔ dəkəca. 4 Ntɛ aka atɔf ŋaŋɔkɔ ŋanəŋk dɔf dɛdɛtərnɛ Pol dəkəca mɔ, kɔ ŋalokɛnɛ: «Fum wəkawɛ tɔlɔma wədif afum ɔyɔnɛ, bawo ɛntɛp kəc-cafɛ dəkəba, mba Pəlompu powosɛ fɛ nkɔn kəyi doru.» 5 Mba kɔ Pol ɛwɛs abok nŋɛ dənɛŋc, ali ta pəŋcu kɔ-ɛ. 6 Afum akakɔ ŋac-kar a pəŋkɔ-kəf kɔ dənda abok ŋɛnadɛtərnɛ mɔ, kɔ pəyɔnɛ fɛ ti-ɛ pətɛmpɛnɛ pəfi. Ntɛ ŋaŋkar kɔ pəwon ta ŋaŋnəŋk tɔlɔm o tɔlɔm tɔsɔtɔ kɔ mɔ, kɔ ŋasəkpər tɛcɛm-cɛmnɛ taŋan, kɔ ŋaloku a kanu kɔ ɔyɔnɛ.

7 Kəfo kaŋkɔ kəsək antɔf ŋɔpɔŋ ŋɛnayi di ŋa fum wəbeki wəpɔŋ wəka mokuru mamɔkɔ wəlɔma, pac-we kɔ Pubiliyu. Nkɔn ɛnasɔŋ su dəkəyi dɔtɔt mata maas. 8 Papa ka Pubiliyu ɛnafəntərɛ ta ɛntamnɛ-ɛ, fiba kɔ kupur yeyi kɔ. Kɔ Pol ɛmbɛrər kɔ, k’ɔntola Kanu, pəc-deŋər kɔ waca, k’ɛntaməs kɔ. 9 Ti disrɛ kɔ acu aka mokuru aləpəs akɔ ŋander sɔ, kɔ ŋa sɔ ŋantamnɛ. 10 Kɔ aka dare ŋaleləs su bel-bel, ntɛ səndeyɛfɛ kəkɔ mɔ, k’asɔŋ su ca yɔkɔ pənamar su kəyɔ mɔ fəp.

11 Ntɛ səŋcepərɛnɛ yof maas mɔ, kɔ səsɔtɔ abil nŋɛ ŋɛyɛfɛ dare da Alɛksandər, kɔ ŋɛŋcepərɛnɛ dɛrəŋ mokuru ma Malit. Abil ŋaŋɔkɔ ŋ’ aŋc-we «Diyɔskur.» 12 Ntɛ səmbɛrɛ dare da Sirakus mɔ, kɔ səyi di mata maas. 13 Kɔ səyɛfɛ dəndo, səsolnɛ agbɛp kɔ səŋkɔ səsumpər dare da Resiyo. Kɔ afef ŋa kəca-kətɔt ŋɛyɛfɛ dɔckɔsɔk, mata mɛrəŋ disrɛ kɔ səmbəp dare da Pusɔl. 14 Difɔ sənabəp awɛŋc su aŋa alaŋ akɔ ŋanatola su kəyi di mata camət-mɛrəŋ mɔ. Tɔkɔt tantɛ tɔ sənakɔt kəbɛrɛ dare da Rom. 15 Awɛŋc su aŋa alaŋ a dare da Rom aŋɛ ŋanane te tosu mɔ, ŋander kəfaynɛ su haŋ nde makit ma Apiyus, kɔ nde aŋc-we Dəkəyikiya Maas mɔ. Ntɛ Pol ɛnəŋk ŋa mɔ, k’eyek-yekəs Kanu, k’ɛmbɛrɛnɛ sɔ kəcəp abəkəc. 16 Ntɛ səmbɛrɛ Rom mɔ, k’awosɛ Pol kəyi taciŋa kɔ wəsɔdar wəkɔ oŋc-bum kɔ mɔ.

17 Ntɛ mata maas meŋcepər mɔ, kɔ Pol ewe afum alel aSuyif aŋɛ ŋanayi Rom mɔ. Ntɛ ŋambəpsɛnɛ mɔ, k’oloku ŋa: «Awɛŋc im aŋa, ali tes iləsərɛ fɛ afum asu, ali tes iləsər fɛ ta mes mosu mokur ma atem asu, mba ŋanasumpər im nde Yerusalɛm kɔ ŋambɛr im aRom dəwaca. 18 Ntɛ ayifət im mɔ, abɛ akakɔ ŋanafaŋ kəsak im, bawo ŋananəŋk fɛ ntɛ o ntɛ pəmar padif’ em mɔ. 19 Mba aSuyif ŋawosɛ fɛ. It’ ɛnasɔŋ’ em kəwe kiti ka wəbɛ ka tɔf ya Rom fəp ta ifaŋ kəboŋcɛ afum em tes-ɛ. 20 Tes tatɔkɔ tɔsɔŋɛ ntɛ ifaŋ kənəŋkɛ nu, isɔŋɛ nu ti kəcərɛ mɔ, bawo teta kəgbɛkər amera ka afum a Yisrayel kəsɔŋɛ ntɛ ambɛr im gbekce yayɛ mɔ.»

21 Kɔ afum alel a Rom ŋaloku kɔ: «Ali areka ŋɛfɛt ŋin səsɔtɔ fɛ kəyɛfɛ atɔf ŋa Yude tetam. Ali awɛŋc su aŋa wəkin ender fɛ pəloku su pɛlɛc pam. 22 Mba səfaŋ fɔ sən’ am kəlok-loku məna yati tɔkɔ məŋcɛm-cɛmnɛ mɔ, bawo səŋcərɛ a kəgbɛkəlɛnɛ kəyi mofo fəp teta kəgba nkɛ məyi mɔ.»

23 Kɔ ŋamboc tataka, kɔ ntɛ dɔsɔk dadɔkɔ dɛmbəp mɔ alarəm ŋander nda Pol kəcəŋkəl kɔ. Kɔ Pol ɛŋc-mentər ŋa kəsɔk pɛs kitabu disrɛ mes ma dɛbɛ da Kanu fəp, kəyɛfɛ sariyɛ sa Musa kəbəp yecicəs ya Sayibɛ-e. Kəyɛfɛ bət-bət haŋ dɔfɔy kɔ Pol ɛŋc-sɛp kəsɔŋɛ ŋa kəlaŋ teta Yesu. 24 K'ɛŋkafəli afum alɔma kəlaŋ tɔkɔ oŋc-loku mɔ, mba alɔma ŋanalaŋ fɛ ti. 25 Ntɛ afum ŋaŋc-sakətɛnɛ kəgbɛkəlɛnɛ disrɛ dəndo oŋc-lok-loku mɔ, kɔ Pol endeŋər ntɛ gbəcərəm: «Amera Ŋecempi ŋa Kanu ŋɛnalok-lokər atem anu bel-bel, dəyecicəs yecempi ya aŋnabi Esayi,

26 ntɛ t’ ɛnaloku:

28-29 Nəcərɛ a kəŋaŋnɛ ka Kanu kaŋkɛ atɔyɔnɛ Suyif ŋ’ anakɛrɛ ki, ŋa ŋandecəŋkəl ki.»

30 Kɔ Pol eyi kəlɔ kəŋkɔ ɔŋc-sɔŋ kəway mɔ meren mɛrəŋ, difɔ akɔ ŋaŋc-faŋ kənəŋk kɔ mɔ fəp ŋaŋc-bəp kɔ. 31 Pol pəc-cam dɛbɛ da Kanu, pəc-təksɛ afum teta Wəbɛ Yesu Krist kəlaŋ fəp disrɛ, ali tes ta ayamsər kɔ-ɛ.